حضرت سیدنا ریاض احمد گوھر شاہی مدظلہ العالی

کا پاک پتن شریف (مزار حضرت بابا فرید) میں عظيم الشان اجتماع سے روحانی خطاب

آعوذبااﷲمن الشیطن الرجیم

بسم اللہ الرحمٰن الرحیم

عزیز ساتھیو السلامُ علیکمُ:۔

آپ کے شہر میں پہلے بھی کئی مرتبہ آنا ہوا۔ آنے کا مقصد کوئی سیاست نہیں ہے۔ کسی فرقے کی دِل آزاری نہیں ہے۔ کوئی حکومت پر نُکتہ چینی نہیں ہے۔ ہر شہر میں، ہر مُحّلے میں، ہر گھر میں کچھ دل والے ہوتے ہیں۔ اُن دل والوں کو نکالنا مقصد ہے، اور دل کی آواز اُنکے ضمیر تک پہچانا۔
 

حضور پاک صلیٰ اللہ علیہ وسلم کےزمانے میں دو طرح کا علم تھا۔ ایک زبان والوں کے لیےجس کو شریعت کہتے ہیں ۔اور ایک دل والوں کے لیے جس کو طریقیت کہتے ہیں ۔ آپ صلیٰ اللہ علیہ وسلم کے زمانے میں جن لوگوں نے ظاہری علم پر قناعت کری، اُنھی میں سے کوئی خوارج ہوا اور کوئی منافق ہوا۔ اور جن لوگوں نے وہ دل والا علم بھی حاصل کیا وہ تو صحابی یا رسُول اﷲ کہلائے ولیّوں سے بھی اعلی مقام حاصل کر کے چلے گئے۔
 

اور آج اِس زمانے میں جو لوگ صرف ظاہری علم پرقناعت کیے بیٹھے ہیں ، وہ تو72 فرقوں میں تقسیم ہو گے۔
 

جو دل والوں کے مدرسے ہیں وہ جنگلوں میں ہیں جو زبان والوں کے مدرسے ہیں وہ شہروں میں ہیں۔ جنگلوں میں تو مدرسے نہیں ہوتے نا۔ پھر یہ لوگ جنگلوں میں کس مدرسے کے لیے چلے گئے۔ جو دل والوں کے مدرسے ہیں وہ جنگلوں میں ہیں جو زبان والوں کے مدرسے ہیں وہ شہروں میں ہیں۔ لوگ کہتے ہیں ہم نے دل دیکھا ہے، گوشت کا لوتھڑا ہےِ أسکی زبان ہی نہیں ہے تو وہ اﷲ اﷲ کیسے کرے گا۔ وہ کہتے ہیں  یہ درویشوں کا خیال ہے۔ اگر تمھیں یقین ہو جائے کہ واقعی تمہارہ دل اﷲ اﷲ کرسکتا ہے، یقین کرؤ تمھیں اِس کے بغیر نید ہی نہ آئے۔ ہم کہتے ہیں کہ یہ جو تمھاری زبان ہے یہ بھی تو گوشت کا لوتھڑا ہے نا۔ اؤ یہ اﷲ اﷲ کیسے کرتی ہے۔  یہ دو جبڑوں کے درمیان گوشت لٹکا ہوا ہے اور وہ گوشت دو پسلیوں کے درمیان لٹکا ہوا ہے یہ بھی گوشت اور وہ بھی گوشت۔ جب اﷲ تعالی نے جسم بنایا أس میں روح ڈالی، روح کی امداد کے لیے چھ اور مخلوقیں ڈالیں۔ جنکو لطائف کہتے ہیں

حدیث شریف میں باقاعدہ أن کے نام ہیں قلب، روح، سّری، خفی، اخفیٰ، اناّ، نفس۔

کسی کا کام سوچنے کے لیے، کسی کا کام سونگھنے کے لیے، کسی کا کام بولنے کی لیے، کسی کا کام چلنے کے لیے۔ وہ سات مخلوقیں اِس تمھارے جسم میں ڈال دیں۔ أن سات مخلوقیں کی امداد کے لیے نو جسے اور ڈال دئیے۔ سولہ مخلوقیں تمھارے جسم میں ڈال دیں۔
 

ایک مخلوق ہے جس کا نام ہے لطیفہ اخفیٰ۔ وہ سینے کے درمیان میں ہے۔ جسطرح یہ جّن فرشتے ہیں
 

أسطرح وہ مخلوقیں ہیں جسکو سائنس حواس خمّسہ بولتی ہے۔ ایک مخلوق ہے جو سینے کے درمیان میں ہے۔
 

وہ مخلوق بولتی ہے اِس گوشت کے لوتھڑے کے ذریعے۔
 

اگر کسی کی وہ مخلوق نہ ہو تو ڈاکٹر کہتے ہیں کہ زبان تو صیحیح ہے، یہ بولتا کیوں نہیں ہے۔
 

انسانوں اور جانوروں میں اِن مخلوقوں کا فرق ہے۔ اگر یہ مخلوق جانوروں میں ہوتی تو وہ بھی کچھ نہ کچھ بولتے نا۔
 

أن کے بھی گلّے ہیں اور أن کی بھی زبانیں ہیں۔

اب وہ جو گوشت کا لوتھڑا دل ہے ٲسکو بولوانے کے لیے بھی ایک مخلوق ہے۔ عربی میں گوشت کے لوتھڑے کو "فواد" کہتے ہیں۔ اور وہ جو مخلوق ہے أس کو قلب کہتے ہیں، أس کو قلب کہتے ہیں۔ دل اور قلب میں فرق ہے اب یہ جو مخلوق ہے یہ آزاد ہے اور وہ جو قلب ہے ایک لاکھ اسّی ہزار جالوں کے اندر بند ہے۔ اگر کوئی ٲس کو بھی جگا لے، آزاد کرا لے تو جسطرح یہ زبان اﷲ اﷲ کرتی ہے۔ اِسطرح وہ گوشت کا لوتھڑا دل بھی اﷲ اﷲ کرتا ہے۔

اب وہ آزاد کیسے ہو؟ اگر کسی شخص نے! کوئی شخص انڈے کی خاصیت سے بے خبر ہو، أسے کہا جائے یہ ہوا میں أڑے گا یہ چوں چوں کرئے گا۔ وہ کہے گا تو غلط کہتا ہے نہ اسکی ٹانگیں ہیں، نہ زبان ہے، نہ پر ہیں، تو کہتا ہے یہ ہوا میں أڑے گا۔ أسکا نام بیضہ ہے تمھارے اندر بیضہ ناسوتی ہے۔ ٲس میں ایک چوزہ بند ہے اور اِس میں ایک فرشتہ بند ہے۔ أسکو ظاہری گرمی کی ضرورت ہے۔ اور اِسکو اﷲھو کی ضربوں کی ضرورت ہے۔ ٲسکو مُرغی چاہیے اور اِس کو مُرشد چاہیے۔ مُرغی کیا کرے گی ٲسکے حساب سے ٲسکو گرمی پہنچائے گی۔ جب دیکھے گی کہ ہیٹ زیادہ پکڑ گیا، تو أٹھ کے چلی جائے گی۔ اور مُرشد ٲسکے سینے کے حساب سے أس میں اﷲ کا نور پہنچائے گا۔

جب وہ انڈا پھٹے گا۔ أس میں سے ایک چوزہ نکلے گا بغیر سیکھے سیکھائے چوں چوں کرئے گا۔ کیوں؟ چوں چوں اُسکی فطرت ہے اور جب یہ پھٹے گا تو اس میں سے ایک فرشتہ نکلے گا۔ بغیر سیکھے سیکھائے اﷲ اﷲ اﷲ اﷲ کرئے گا۔ أس وقت تم اﷲ اﷲ نہیں کر رہے۔ وہ جو تمھارے اندر ایک چیز ہے وہ اﷲ اﷲ کر رہی ہے نا۔ اب تم أس کے أستاد ہو گئے تمھاری تسبیح یہ ہے جو بازاروں میں ملتی ہے۔ اور أسکی جو تسبیح ہے وہ تمھارے اندر ہے وہ جو ٹک ٹک کرتی ہے۔ اب تم نے أسکو کہا کہ تو اس ٹک ٹک کے ساتھ اﷲ اﷲ ملا۔ اب أس نے دل کی ڈھڑکن کے ساتھ اﷲ اﷲ ملانا شروع کر دی۔ کبھی ملی، کبھی ہٹی تین سال کے بعد اتنا پختہ ہو گئی کہ تم ڈٹ کے سوتے رہے اور اﷲ اﷲ ہوتی رہی۔ أس وقت سخی سلطان باھو رحمتہ اﷲ علیہ فرماتے ہیں کہ

اب پھر کوئی بھی چیز آپس میں رگڑا کھاتی ہے۔ پانی ٹھنڈا ہے لیکن جب آپس میں رگڑا کھاتا ہے تو بجلی بن جاتی ہے۔ لوہا جب لوہے سے رگڑ کھاتا ہے تو چنگاری أٹھتی ہے۔ اﷲ جب اﷲ سے ٹکراتا ہے تو نور بنتا ہے۔

اِک سِکھ نے کہا کہ تُمھارے اکابر کہتے ہیں۔ تم لوگ کہتے ہو قرآن میں نُور ہے۔ وہ کہنے لگا میں تُمھارا جاسوس رہ کر آیا تُمھارے بچوں کو میں قرآن پڑھتا رہا، بیس، پچیس سال پڑھایا۔ اگر أس میں نور ہوتا تو میں نُوری کیوں نہیں ہوا؟ عیسائی بولا کہ میں بھی شب و روز تُمھارے قرآن کا مطالعہ کرتا ہوں نُوری میں بھی کوئی نہیں ہوا۔ تو ہم نے کہا تم نے دل سے نہیں پڑھا۔ تو وہ کہنے لگے ہم نے دل سے نہیں پڑھا تمھارے مُسلمان تو دل سے پڑھتے ہیں نا، وہ نُوری کیوں نہیں ہوئے؟ اگر قرآن میں نور ہے تو اتنے بہتر فرقے کیوں بن گئے ساری نوری ہوتے نا۔ بات تو بڑی معقول تھی، اس کا جواب بھی کوئی نہیں ہے۔

اب جس قرآن میں نور ہے۔ وہ حضور پاک صلیٰ اللہ علیہ وسلم کے سینے مبارک میں نوری الفاظ ہیں۔ یہ جو قرآن ہے اس سے نور بنایا جاتا ہے۔ کیونکہ کاغذ بازار سے خریدا ہے، پرینٹینگ کروایا تو باہر آگیا۔ اِس میں کئی ہاتھ لگے ہیں۔ کئی مشینیں لگیں ہیں۔ اس سے نور بنایا جاتا ہے۔ لوہا لوہے سے ٹکڑاتا ہے چنگاری اُٹھتی ہے، قرآن کی آیتیں جب آیتوں سے ٹکراتیں ہیں تو نُور بنتا ہے نا۔ تم نے کبھی نور بنانے کی کوشش کری؟

عامل حضرات ہیں سورۃ المزمل کا عامل لے لو وہ سورۃ المزمل کی بار بار تکرار کرتا ہے، بار بار تکرار کرتا ہے۔ أس تکرار سے وہ نور بنتا ہے نا۔ اب جو وہ نُور بنتا ہے وہ زبان سے باہر جاتا ہے اندر نہیں جاتا ہے نا۔ أس عامل نے جو مخلوقیں قابو کری نا وہ أن کی غذا ہیں۔ کچھ لوگ تسبیح کے ذریعے نور حاصل کرنے کی کوشش کرتے ہیں۔ یہ جو ٹِک ٹِک ہے اس کے ساتھ اﷲ اﷲ ملاتے ہیں۔ بغیر ٹِک ٹِک کے بھی اﷲ اﷲ ہو سکتی ہے۔ تو پھر ٹِک ٹِک کے ساتھ اﷲ اﷲ کیوں ملاتے ہیں۔ کیوں أنگلیوں کو تھکاتے ہیں۔ وہ اﷲ اﷲ کا ٹکراؤ ہوتا ہے أس ٹِک ٹِک کے ساتھ۔ جب وہ ٹکراؤ ہوتا ہے تو نور بنتا ہے۔ لیکن وہ نور أنگلیوں میں ہے نا اندر نہیں جاتا ہے نا أنگلیوں میں رہتا ہے نا۔ جب وہ تمھارے دل کی دھڑکنیں اﷲ اﷲ پکارنا شروع کرتی ہیں۔ تو پھر وہ جو اندر رگڑا لگتا ہے، وہ جو نور بنتا ہے، تو وہ باہر نہیں جاتا ہے۔ وہ تمھارا خون میں جاتا ہے۔ جب خون میں جاتا ہے، تو خون سے پھر نسّوں میں جاتا ہے تو نسّوں سے پھر تمھاری روحوں تک جاتا ہے۔ جب روحوں تک جاتا ہے تو روحیں بھی اﷲ اﷲ پکارنا شروع کر دیتی ہیں پھر تم قبر میں چلے جانا تو وہاں بھی اﷲ اﷲ اور یومِ محشر میں بھی اﷲ اﷲ وہ روحیں کرتی رہیں گی نا۔

اب چھ مخلوقیں ایسی تھیں جو علوّی تھیں۔ نہ نوری تھیں نا ناری تھیں۔ ایک مخلوق جسکو نفس بولتے ہیں وہ شیطانی تھی۔ وہ جب اِس جسم میں آئی أ س وقت بلھے شاہ نے فرمایا۔ 

ایک حدیث شریف میں ہے کچھ لوگ قرآن پڑھتے ہیں۔ قرآن أن کے أوپر لعنت کرتے ہیں۔ وہ جن کے نفس عمارہ ہیں، جن کے نفس کتے ہیں۔ وہ ناپاک ہیں نا۔
ایک حدیث میں ہے کہ جس گھر میں کتا ہو وہاں رحمت کے فرشتے نہیں آتے۔ اِس کتے نے کہا مجھے نہیں کہا، أس کتے کو کہا ہے۔ اؤ أس کتے کو کیوں کہا۔ وہ تو آدم علیہ السلام کی حفاظت کے لیے جنت میں بنایا گیا ۔ آج تک وہ آدمی کی وہ حفاظت کر رہا ہے نا۔ أسکا کیا قصور ہے۔ أسکو اگر گلی کے کونے پے بندھ کے آؤ گے تمھاری حفاظت کیا کرئے گا۔ وہ اِس کتے کو کہا، جن لوگوں کے اندر یہ کتے ہیں۔ وہاں رحمت کے فرشتے نہیں آتے۔

بھئی اب تو قرآن کتاب سمجھتا ہے نا ڑٹتا ہے نا۔ أس وقت قرآن تیرے اندر جائے گا نا۔ ایک ایک آیت کےاوپر تو پھر غور کرئے گا نا۔ قرآن خود فرماتا ہے "ھدی اللمتقین" پاکوں کو ہدایت ہے اس سے۔ جن کے جسم پاک ہو گئے أنھوں نے اِس سے ہدایت حاصل کری۔ خود بھی ہدایت حاصل کری اور لوگوں کو بھی ہدایت پے لے کر آئے۔ وہ جن کے نفس پاک تھے۔ أنھوں نے کافروں کو مُسلمان بنایا نا۔ اور جن کے نفس پاک نہیں ہوئے۔ جن کے اندر قرآن نہیں أترا۔ جب أنھوں نے قرآن سے تبلیغ کرنا شروع کر دی تو أنھوں نے فرقے بنا دئیے نا۔ أنھوں کافروں کو مُسلمان بنایا مطمئنہ والوں نے۔ اور عمّارہ والوں نے مُسلمانوں کو کافر کہا۔ کسی نے کہا وہ منافق ہے، وہ کافر ہے، وہ مُشرک ہے، وہ یہودی ہے۔

اب وہ جو نفس ہے أسکو پاک کیسے کریں گے۔ أسکو پاک کرنے کے لیے بابا فرید جیسی ہستیاں، غوث پاک جیسی ہستیاں، اجمیر شریف والی ہستیاں جنگلوں میں چلیں گئیں۔ أس نفس کو پاک کرنے کے لیے۔ اب وہ شہری کیسے پاک کریں۔ بھئی أنھوں نے تو جنگلوں میں پاک کئے نا۔ اب وہ شہری کیسے پاک کریں۔ شہری تو جنگلوں میں جانے سے ڈرتے ہیں نا۔ اب وہاں تو سانپ بھی ہیں، تو ریچھ بھی ہیں، تو شیر بھی ہیں۔ یہ تو ڈرتے ہیں۔ پھر یہ نفسوں کو پاک کیسے کریں۔؟

جب تمھاری وہ نس نس میں اﷲ اﷲ گونجے گا ۔ وہ اﷲ اﷲ نس نس میں گونجے گا۔ وہ جہاں تمھارا نفس ہے۔ ناف میں نفس ہے وہ أسکو چاروں طرف سے گھیر لے گا اﷲ اﷲ۔ جب أسکو چاروں طرف سے گھیر لے گا۔ اب أسکے پاس کوئی راستہ نہیں ہے۔ کوئی تو نفس ہیں وہ تو نوری غذاء نہیں لیتے مر جاتے ہیں۔ مرنے دو جان چھوٹ گئی۔ تو کئی ڈرپوک قسم کے بھی نفس ہیں ۔ وہ مرتے نہیں ہیں وہ زندہ رہنے کے لیے نور ہی حاصل کر لیتے ہیں صرف زندہ رہنے کے لیے نور حاصل کرتے ہیں۔ پھر جب نور حاصل کرتے ہیں۔ تو أس کے لیے شرط یہ جو اندر مخلوقیں ہیں وہ شرط لگاتیں ہیں کہ کلمہ پڑھ ۔ پھر وہ باحالت مجبوری کلمہ پڑھنا شروع کر دیتے ہے۔ کلمے کے اثر سے کالا کتا تھا، پھر وہ سفید کتا ہو گیا۔ پھر کلمے کے اثر سے اُسکی شکل بیل کی طرح ہو گئی، پھر کلمے کے اثر سے اُسکی شکل تمھاری طرح ہو گئی۔ پھر تم نماز پڑھنے لگے ساتھ أس نے بھی نماز پڑھی۔ پھرتم ذکر کرنے لگے ساتھ وہ بھی جھوما۔

اب رہ گیا اﷲ۔ حضور پاک صلیٰ اللہ علیہ وسلم اِس دنیا میں ہیں نا اور روح مبارک أوپر ہے۔ لیکن کچھ لطائف اِس دنیا میں ہیں۔ اﷲ ساری دنیا ختم ہوتی ہے۔ پھر بھی أسکا نام و نشان نہیں ہے۔ اچھا اﷲ تک پہنچنے کا طریقہ۔ جب تمھارے اندر چوبیس گھنٹے اﷲ اﷲ شروع ہو جائے گی۔ تو تمھارے دل میں اﷲ کا نور آ جائے گا۔ ایک حدیث شریف میں ہے کہ یہ جو ظاہر ہے یہ باطن کا عکس ہے۔ اِدھر جو نظام ہے بجلی کا ہے۔ أدھر جو نظام ہے وہ نور کا ہے۔ یہاں موبائل فون پڑا ہے بجلی کی لہریں یہاں سے اُٹھتی ہیں، امریکہ پہنچ جاتی ہیں، اگر بجلی کی لہریں یہاں سے اُٹھتی ہیں امریکہ پہنچ جاتی ہیں۔ اگر کسی میں نُور ہو گا تو وہ لہریں اُٹھیں گی تو کہا جائیں گی۔ وہ لہریں یہاں سے اُٹھیں گی عرش معٰلی میں پہنچ جائیں گی۔ اب صرف تمھارا تعلق جو ہے نا عرش معٰلی سے أس نوری ٹیلیفون کے ذریعے ہوا ہے۔ اب أن لوگوں سے بات چیت کرنی ہے نا۔ ابھی تو صرف کُنیکشن لگا ہے نا۔

جب حضور پاک صلیٰ اللہ علیہ وسلم شب معراج میں گئے تو اﷲ تعالیٰ نے آپ کو نمازیں تحفے کے طور پے دیں۔ آپ کے لیے نہیں دیں، آپ تو دنیا میں آنے سے پہلے بھی نبی تھے۔ جب نمازیں نہیں أتریں تھیں تب بھی نبی تھے دیں تو اِس اُمت کے لیے دیں۔ کہ یہ تحفے اپنی اُمت کو دے دینا تاکہ وہ مجھے بھیجیں گے نا ، وہ مجھے بھیجیں گے پانچ وقت بھیجیں گے پھر میں اُنکو یاد رہوں گا وہ مجھے یاد رہیں گے۔ 

سورة الحجرات میں ہے "اعراب نے کہا کہ ہم اِیمان لے آئے،اﷲ تعالٰی نے فرمایا، نہیں اِنکو کہو صرف اِسلام لائے مومن تب بنوں گئے جب نُور تمھارے دل ميں اُترے گا"۔ جب تمھارے دل میں نور اُتر آیا نا تو تم أمتی ہو گئے نا۔ اِس وقت تمھارے بہتر فرقے ہیں نا، سُنی، شیعہ، وہابی۔

اب جب تمھارے دل میں نور آگیا۔ جس طرح مغرب میں میگنیٹ پہاڑ ہیں۔ یہاں قطب نما ہے۔ جس شہر میں لے کے جاؤ گے۔ أس کا رخ أدھر ہی ہو گا۔ اگر تمھارے دل میں نور آ گیا تو تم جس بھی فرقے سے ہو گے۔ تمھارا رخ اﷲ کی طرف ہو گا۔ بھئی مرکز ہی وہ ہی ہے۔ رخ بھی أدھر ہو گا۔ کسی بھی فرقے سے ہو۔
 

اب آپ تقریریں سنتے ہیں کہ جب تک محبت عشق نہیں حضور پاک سے اﷲ تعالی سے ایمان مکمل نہیں ہے۔ یہ ہی سنتے ہیں نا ، سنتے ہیں نا، دؤائی کی تعریف سنتے ہیں نا۔ دؤائی تو نہیں ملتی ہے نا۔ دؤائی ملے تو عشق و محبت آئے نا۔ چلو وہ دؤائی کا طریقہ بھی بتا دیں گے کہ اندر عشق و محبت کیسے آتا ہے۔ جب اس تمھارے دل میں اﷲ اﷲ ٹکرائے گا۔ کوئی بھی چیز دل ميں بس جائے اُس سے محبت ہو جاتی ہے، کوئی بھی چیز۔ جب اﷲ اﷲ اِس دل ميں بس جائے گا تو اﷲ سے محبت ہو جائے گی نا۔ جب اﷲ سے محبت ہو جائے گی۔

ہر وقت اﷲ اﷲ کرنے سے اﷲ سے محبت جائے گی۔ خود بخود ہو جائے گی۔ اﷲ تعالٰی کسی کا احسان لیتا نہیں ہے۔ أس میں یہ خوبی ہے۔ اُسکے لیے ایک روپیہ خرچ کرؤ، دس روپے لُوٹا دیتا ہے نا۔ بھئی احسان لے تو کیوں واپس کرئے۔ ایک نیکی کرؤ دس نیکیوں کا ثواب دے دیتا ہے نا۔ تھوڑی سی محبت کرؤ، دس گنا زیادہ محبت کرتا ہے نا۔ اور جس سے محبت کرتا ہے پھر اُس کو دیکھتا ہے نا۔ پھر سرسری نظر سے نہیں دیکھتا ہے بڑے پیار سے دیکھتا ہے۔

اب اﷲ نے تم کو دیکھا نا، اور دوسرا نقطہ ہے تم اﷲ کو دیکھتے ہو۔ وہ دوسرا راز ہے۔ اچھا وہ راز کیا ہے؟ اﷲ تعالٰی نے ساتوں آسمانوں سے ایک ایک چیز اِس جسم میں ڈالی۔ اگر اِسکو ملکوت کی سیر کرنے کا شوق ہوا تو قلب کو منور کر لے گا طاقت ور کرلے گا أس کے ذریعے ملکوت کی طیر سیر کرے گا۔ اگر اِسکو جبروت میں جانے کا خیال ہواتو روح کو طاقت ور کرلے گا ۔ اگر اِسکو لاھوت میں جانے کا خیال ہو، تو لطیفہ سّری کو تیار کرلے گا۔

أس نے تمھارے اندر سات مخلوقیں ڈال دیں۔ اب وہ جو مخلوقیں ہیں اب أنکی پرورش گوشت روٹی نہیں ہے۔ أنکی پرورش اﷲ کے نور سے ہے۔ اب جوں جوں اندر اﷲ اﷲ ہو رہی ہے ۔ اﷲ کے نور سے أنکی پرورش ہو رہی ہے۔ جب پرورش ہو رہی تو بالکل بالغ ہو گئیں۔ یہ جو کہتےہیں کہ فلاں ولی نے بارہ سال چّلا کاٹا، تیرہ سال کیوں نہیں کاٹا۔ گیارہ سال کیوں نہیں کاٹا۔ جسطرح پندرہ سال میں بچہ بالغ ہو جاتا ہے۔ نوکری کے قابل ہو جاتا ہے۔ اِسطرح بارہ سال کی عمر میں یہ مخلوقیں حضور پاک کے قدموں کے قابل ہو جاتیں ہیں۔ أس وقت تم نے سوچا کہ دیکھیں حضور پاک کیا کررہے ہیں، تم نے سوچا وہ اس سینے سے نکلیں اور حضور پاک صلیٰ اللہ علیہ وسلم کے قدموں میں۔ أس وقت بلھے شاہ نے فرمایا ہے کہ

جو لوگ پانچ وقت رب کو یاد کرتے ہیں ۔ نماز بھی رب کی یاد ہے۔ أن کی انتہا نماز مسجد میں باجماعت ہو جائیں گے اور کیا کریں گے۔ اور جو لوگ اِس کے ساتھ ہر وقت اﷲ اﷲ کرتے ہیں حضور پاک کے قدموں میں پہنچ جائیں گے نا ۔ اب تم نے سوچا دیکھیں اوپر کیا ہو رہا ہے، وہ تمھاری مخلوق جو دماغ میں ہے۔ جس کا نام ہے لطیفہ انا ۔ وہ اوپر پرواز کر گئی۔ فرشتوں نے روکا نہیں روکی۔ کہنے لگے جو کچھ بھی ہے بیعت المعمور سے آگے جل جائے گا فرشتے آگے نہیں جا سکتے جلتے ہیں۔ اور وہ بیعت المعمورسے آگے وہاں پہنچ گیا، جہاں رب کی ذات ہے۔

جب وہ سیّارہ وہاں پہنچ گیا، ایک دوسرے کو پیار سے دیکھتے ہیں، بھئی اتنے کوسّوں میل دور گیا تو دیکھے گا نا أسکو پیار سے۔ تو یہ وہاں گیا تو وہ بھی أسکو پیار سے دیکھے گا ،نا۔ پھراﷲ تعالٰی فرماتا ہے میں تجھے دیکھ لوں تو مجھے دیکھ لے۔ دیکھتے ہیں خوب دیکھتے ہیں پیاس بجھاتے ہیں۔ پھر أس کا نقشہ وہ نیچے أس کے دل میں آتا ہے۔ أسکی آنکھوں سے اِس کے دل میں آتا ہے۔ پھر اﷲ تعالٰی فرماتا ہے اب تو نیچے چلا جا،اب جو تجھے لے وہ مجھے دیکھ لے۔ نقشہ بتا رہا ہے کہ اوپر کیا ہو رہا ہے۔ اوپر تمھارا لطیفہ ہے سارا نقشہ تمھارے دل میں آرہا ہے۔

أس کے لیے جس کے اندر اﷲ آ گیا ہے۔ پھر فرشتوں کو پتہ چلتا ہے۔ أوپر اعلان ہوتا ہے۔ جبرائیل علیہ السلام اعلان کرتے ہیں کہ فلاں بندہ ہے، جس میں اﷲ آ گیا ہے۔ وہ فرشتے اﷲ کو دیکھ ہی نہیں سکتے۔ تو پھر وہ أس اﷲ کا نقشہ دیکھنے کے لیے أس بندے کے پاس آتے ہیں۔ تو وہ پھر نیچے سو رہا ہوتا ہے اور قطار در قطار آسمانوں تک لائن لگی ہوتی ہے۔ یہ أس بندے کی شان ہے۔ پھر اب مُرشد ملے تو ایسا ملے جو رب کو پہنچائے۔ اب کئی آدمی ہیں جو یہاں بھی مُرشدوں کے مرید ہونگے۔ اپنے مُرشد کو کامل سمجھا تب أس کے مرید ہوئے نا۔ لیکن کیا خبر کس کا مُرشد کامل ہے۔

جب پوری دنیا میں چار آدمی ہیں تو اس شہر میں پتہ نہیں کتنے ہونگے۔ تو جس شہر میں دیکھو کتنے لاکھ ہونگے۔ اب مُرشد کے بغیر اﷲ بھی نہیں ملتا ہے۔ اب مُرشد کی پہچان بھی کوئی نہیں ہے۔ ضروری ہے کہ تم کو کامل کی پہچان ہو۔ ایک لاہور کا چور اُس کونے میں بیٹھا دو پشاور کا چور اِس کونے میں بیٹھا دو۔ آپس میں جانتے نہیں ہیں لیکن اُنکی نظریں ٹکرائیں گی۔ وہ سمجھ جائیں گے کہ میرا پیٹی بھائی ہے۔ ایک اﷲ والا وہاں بیٹھا ہے اور ایک اﷲ والا وہاں بیٹھا تو انکے دل آپس میں ٹکرائیں گے نا۔ جب تمھارے دل میں نور جائے گا ۔ تو تم بابا صاحب کے پاس چلے جانا وہاں بھی اللہ یہاں بھی اللہ، دل ٹکرائیں گے نا آپس میں۔ رقت پیدا ہو جائے گی نا۔ سمجھ جاؤں گئے کہ ولیّ کامل ہے۔ پھر دل کی تسلی کے لے داتا صاحب چلے جانا وہاں بھی اوراللہ یہاں بھی اللہ دل ٹکرائیں گے وہاں بھی رقت پیدا ہو جائے پھر تم اپنے مرشد کے پاس چلے جانا جو بات بابا فرید کے ہوئی، جو بات داتا صاحب کے ہوئی اگر مرشد کے پاس جانے سے وہی بات ہوتی ہے تب پھر تمھارا مرشد کامل ہی ہے۔ پھر جان بھی جاتی ہے جانے دئے اُسکو نہیں چھوڑنا۔ پھر تم جیسے بھی ہو آپے ہی لاسی سارا ھو۔ اگر بار بار اُسکے پاس جاتے ہو، بار بار جاتے ہو تو کچھ بھی نہیں ہوتا تو پھر وہ کچھ بھی نہیں ہے نا۔

اﷲ تعالٰی کے ننانوئے نام ہیں سارے جانتے ہیں۔ ایک ذاتی ہے 98 اٹھا نو ے صفا تی ہیں، 98 اٹھانوے مِل کر بھی اِ سمِ ذ ات والے کو نہیں پہنچ سکے۔ یعنی ایک لاکھ چوبیس ہزار نبی مِل کر بھی حضور پاکﷺ کو نہیں پہنچ سکے۔ موسٰی علیہ السلام "یا رحمان" کا ذکر کرتے، عیسٰی علیہ السلام "یا قدوس" کا سُلیمان علیہ السلام "یا وہابُ" کا ، داؤد علیہ السلام "یا دوؤدو" کا باقی نبی اپنے اُولعزم مُرسل کا کلمہ پڑھتے۔ ایک دن موسٰی علیہ السلام نے کہا کہ اے اﷲ دیدار دے۔ جواب آیا تاب نہیں ہے۔ کہنے لگے کیا کسی میں تاب ہو گی۔

تو موسٰی علیہ السلام کہنے لگے میں اُمتی کے برابر بھی نہیں، نبی ہوں آخر اُمتی کے برابر بھی نہیں، جلوہ دے دیکھی جائے گی۔ جلوہ پڑا تو موسٰی علیہ السلام بے ہوش ہو گئے۔ اب کیا وجہ ہے۔ کہ موسٰی علیہ السلام اِس دنیا میں کوہ طور میں بے ہوش ہوئے۔ حضورپاک صلیٰ اللہ علیہ وسلم سامنے جا کے مُسکرا رہیں ہیں۔ ذات، ذات کے سامنے مُسکرایا۔ اور حضورپاک صلیٰ اللہ علیہ وسلم کے طُفیل وہ اِسم اِس اُمت کو مِلا تب اِس کو فضیلت ہوئی نا۔

ایک دن عیسٰی علیہ السلام بھی کہہ اُٹھے اے اﷲ بڑا شوق ہے ،تجھے دیکھنے کا ۔ اﷲ تعالٰی نے فرمایا کہ تو نے وہ موسٰی کا حال نہیں دیکھا، کیونکہ عیسٰی علیہ السلام "یا قدوس" کا ذکر کرتے تھے اور وہ بھی صفاتی ، سہم گے۔ پھر دیدار کیسے ھو گا۔ کہا کہ دیدر تو میرے حبیب کو ہے یا أسکی اُمت کو ہے۔ پھرعیسٰی علیہ السلام نے کہا اے اﷲ نبوت سنبھال بس تو مجھے أمتی بنا۔

اؤ یقین کرؤ کہ اِس علم کے بغیر نمازیں بھی کوئی نہیں ہیں تمھاری۔ یومِ مـحـشـر کـه جــان گــداز بــود اولــیــن پــرســش از نــمـــاز بــود۔ ہے نا کہ سب سے پہلے نماز کا پوچھا جائے گا۔ أدھرحدیث "لا صلواة الا بحضور قلب" دل کی حاضری کے بغیر نماز ہی نہیں ہوتی تو جو نماز ہی نہیں ہوتی اُسکا کیا پوچھا جائے گا۔ بھئی دل کی حاضری کے بغیر نماز نہیں ہوتی جو ہوتی ہی نہیں اُسکا کیا پوچھا جائے گا۔ وہ جو نماز ہوتی ہے اُسکا پوچھا جائے گا نا۔ وہ جو تمھاری نمازیں عرش مُعلٰی میں گونجا کرتی تھی۔ اتنا عرصہ تو نے پڑھی، اتنا عرصہ کیوں چھوڑ دئ؟ أس نماز کا پوچھیں گے نا۔ نماز کے لیے شرط ہے جو زبان میں ہو وہ دل میں ہو۔ آپ صادق ہیں۔ اور اگر زبان میں اور ہے، دل میں اور ہے، دنیاوی حساب سے بھی آپ منافق ہیں نا۔ اگر آپ دنیا کے لیے بھی زبان میں کچھ اور رکھتے ہیں اور دل میں اور رکھتے ہیں تو منافقت ہے نا۔ اور اﷲ کے معاملے میں زبان میں اور رکھیں اور دل میں اور رکھیں تو۔ بہت بڑا منافق ہے۔

اﷲ تعالی نے حضور پاک صلیٰ اللہ علیہ وسلم کو فرمایا "قل ھو اللہ احد" کہہ دییجئے اللہ ایک ہے۔ آپ صلیٰ اللہ علیہ وسلم نے امین کہا۔ آپ صلیٰ اللہ علیہ وسلم نے لوگوں کو کہا کہہ دو اللہ ایک ہے۔ جنھوں نے آمین کہا مسلمان جنھوں نے نہیں مانا کافر جنھوں نے حیل وحجت کری منافق۔ اب مسلمان کس کو کہتا ہے گھڑی گھڑی کہتا ہے روز کہتا ہے کہہ دے اللہ ایک ہے؟ اؤ بلھے شاہ فرماتے ہیں "اک نقطے وچ گل مکدی اے" اؤ تم کس کو کہتے ہو کہہ دے اللہ ایک ہے؟ تم تو جانتے ہو نا۔ توپھر کس کو کہتے ہو کہہ دے اللہ ایک ہے۔ تم اپنے دل کو کہتے ہو کہہ دے اللہ ایک ہے۔ وہ کہتا ہے گھر میں آٹا ہی کوئی نہیں۔ کہتے ہو اللہ الصمد اللہ بے نیاز ہے وہ کہتا ہے بیوی بیمار ہے۔ "لم یلد ولم یولد" وہ کہتا ہے ڈیوٹی سے لیٹ ہو گیا ہے جا۔ یہ ہی کہتا ہے نا؟ کافروں کی زبان اقرار نہیں کرتی، منافقوں کے دل تصدیق نہیں کرتے اور فاسقوں کے جسم عمل نہیں کرتے بتاؤں تمھارا دل تو منافق تھا۔ تمھارا دل تو منافق تھا نا۔ اس کو نماز صورت بولتے ہیں۔

مجدد صاحب فرماتے ہیں۔ ہر آدمی کی نماز صورت ہے خاصان خدا کی نماز حقیقت ہے۔ فرماتے ہیں ہرآدمی کو چاہئیےکہ نماز حقیقت تلاش کرے یہ نماز صورت 72 فرقے والے پڑھتے ہیں۔ یہ کوئی بڑا کمال نہیں ہے، نماز صورت کا پانچ وقت نمازی ہو جانا۔

یہ نماز صورت قرآن فرماتا ہے تباہی بھی ہے اور دکھوا بھی ہے۔ دکھوا کیسے ہے؟ بڑے خشوع و خضوع سےلگا ہوا ہے۔ پانچ وقت نماز پڑھ رہا ہے۔ لوگ کہہ رہے ہیں، بڑی دیر سے لگا ہے، بڑے خشوع و خضوع سے لگا ہے ۔ اﷲ تعالٰی فرماتا ہے نہیں نہ میں اِسکی شکل کو دیکھتا ہوں، نہ داڑھی کو دیکھتا ہوں نہ اِسکے سجدے کو دیکھتا ہوں۔ ميں اِسکے قلب اور نیت کو دیکھتا ہوں۔ جس کو دنیا دیکھتی ہے، اُس میں وہ ہوشیار ہے جس کو اﷲ دیکھتا ہے اُس میں وہ کاروبار ہے۔ تو یہ بھلے گھر میں اکیلا پڑھتا رہے یہ دکھاوا ہی ہے نا۔

تباہی کیسے ہے؟ پانچ وقت کا نمازی ہے دل میں تکبر آیا نا۔ لوگوں نے کہا تہجد بھی پڑھتا ہے اور تکبر آیا۔ لوگوں نے تعظیم کری اور تکبر آیا ایک دن بے نمازی کو دیکھا بڑی حقارت سے دیکھا کہ میں تجھ سے بہتر ہوں.اور یہ نہیں پتہ کہ تکبر عزرازیل را خوار کرد، نمازیں وہ بھی پڑھتا تھا نا۔ پھر وہ کہتا ہے سب سے میں بہتر ہوں، تہجد گزار ہوں نمازی ہوں بس ۔ لیکن کہتے ہیں کہ حضور پاک سب سے افضل ہیں ۔ چلو ساری سُنتیں اپناؤ۔ ساری سُنتیں اپناتا ہے۔ پھر کہتا اب حضور میں اور مجھ میں کیا فرق ہے۔ اؤ جن کے لیے ساری دنیا بنائی، جن کے لیے تجھے بنایا، اور تو کہتا ہے وہ میرے جیسے ہیں جب یہاں تک پہنچا توأسکا ایمان ہی چلا گیا نا۔ یہ نماز صورت ہے جو تمھارے ایمانوں کو خراب کر رہی ہے۔

اب نماز حقیقت وہ کیا ہے؟ أس کے لیے توفیق اﷲ ہی ہے۔ جس کو اﷲ چاہے۔ جو خود چاہے نہیں وہ نہیں جس کو اﷲ چاہے۔ أس کے لیے تمھیں سب سے پہلے اﷲ اﷲ سیکھنی ہو گی یہ تمھارا پہلا رُکن ہے۔ پہلا رُکن ہے کلمہ طیب۔ کلمہ طیب ذکر میں ہے، حدیث شریف افضل ذکر کلمہ طیب۔ اور ذکر کے لیے قرآن مجید فرماتا ہے "اُٹھتے، بیٹھتے، حتیٰ کہ کروٹیں لیتے میرا ذکر کر"۔ ایک دفعہ کلمہ پڑھتا ہے مسلمان ہو جاتا ہے۔ تو یہ بار بار پھر کیوں پڑھتے ہیں۔ بھئی تو نے پڑھ لیا مسلمان اب کیوں لگا ہوا ہے ایک دفعہ پڑھتا ہے تو مسلمان ہوتا ہے۔ گھڑی گھڑی رگڑا دیتا تو مومن بناتا ہے نا۔ بھئی اب یہ دودھ ہے، تو دودھ دودھ ہی ہے اگر رگڑا نہ دو تو وہ مکھن کیسے بنئے گا۔ اؤ رگڑے سے ہی مکھن بنتا ہے نا۔ جب یہ کلمے کا رگڑا دیتے ہیں أس سے مومن بنتا ہے نا۔

یہ تمھارے قرآن کا پہلا لفظ ہے۔ "الف" تم کہتے ہو حروف مُقطعات، آگے چلو، جانے ہی نہیں دیتے ہو "الم" کیا ہے۔ بھئی جو سامنے کھڑا ہے پہلے اِس سے پوچھو تو کیا ہے؟ سخی سلطان باھو رحمتہ اﷲ فرماتے ہیں میں کسی مدرسے میں نہیں پڑھا۔ میں نے قرآن کا پہلا لفظ لے لیا الف سے اﷲ اﷲ ہی کرتا رہا۔ اﷲ اﷲ سے ہی میرا سینہ منور ہو گیا ۔ کہتے ہیں جب چمکتا ہوا سینہ حضور پاکﷺ نے دیکھا۔ تو سینے سے سینہ لگایا، توسارے علم میرے سینے میں خودبخود ہی آگئے۔ کہتے ہیں کہ کیونکہ میں کسی مدرسے میں پڑھا نہیں تھا۔ مجھے لکھنا آتا نہیں تھا۔ صرف بولنا آگیا۔ میں بولتا رہا اور لوگ کتابیں لکھتے رہے۔ ہزارؤں کتابیں میرے نام سے منسوب ہو گئیں۔

"الف" سے اﷲ اﷲ کر اگر تو اسکی جلالت سے ڈرتا ہے تو "ل" سے"لا اٍلااِلھ اﷲ" ہی پڑھتا رہ۔ یہ بھی ذکر ہے۔ اگر اسکی بھی توفیق نہیں ہے تو "م" سے "مُحمد رسول اﷲ" کرتا رہ۔ یہ نور سے ہدایت ہے۔ ورنہ پھر کتاب میں چلا جا۔ کتاب پتہ نہیں تجھے گمراہ کرے یا راہ راست پے لے آئے ۔اِس کے لیے تمھیں سب سے پہلے دل کی ڈھڑکنوں کو اﷲاﷲ میں لگانا ہو گا۔ پھر تم کوشش کرؤ گے میں کام کاج کرتا رہوں اﷲاﷲ ہوتی رہے۔ اِس کو بولتے ہیں ،دست کار میں دل یار ميں۔ پھر کوشش کرؤ گے میں کوئی اخبار رسالہ پڑھتا رہوں، گاڑی چلاتا رہوں اﷲاﷲ ہوتی رہے، کامیابی ہو جائے گی۔

جب یہ تمھارے اندر روحیں ، مخلوقیں طاقت پکڑ جائیں گی، تو پھر جب اِن کی نماز کا وقت اور، اِن کے خانے کبعے اور۔ تمھارا خانہ کبعہ، اِس جسم کا خانہ کبعہ أدھر ہے۔ اِن کا خانہ کبعہ بیعت المعمور ہے۔

اللہ تعالیٰ نے ابراہیم علیہ السلام کو بیعت المعمور دیکھایا خواب میں اور کہا کہ اس قسم کا خانہ کبعہ دنیا میں بناؤ۔ یہ جو چیزیں ہیں تمھارے اندر کی اب ایک نقطے کی بات ہے۔ ہمارے علماء ہماری بات یا تو سمجھتے نہیں ہیں۔ یا پتا نہیں ان کو کوئی بغص ہے کہ کیا یے۔ لوگ سمجھ جاتے ہیں۔ علماء کیوں نہیں سمجھتے؟

اب دیکھیں نا اللہ تعالیٰ نے فرمایا "اُٹھتے، بیٹھتے، حتیٰ کروٹیں لیتے میرا ذکر کر، خریدو فروخت میں بھی اِس سے غافل نہ رہ"۔ اور ساتھ پیٹ بھی لگا دیا بیوی بچے بھی دے دیے۔ ہے نا؟ اب تو کام کاج کرے گا کہ ذکر کرے گا؟ اؤ کام کاج سے آیا ہے، تھکا ہوا ہے تو سوئے گا کہ ذکر کرے گا؟ تجھے نہیں کہا، وہ جو تیرے اندر انسان رہتا ہے اُسکو کہا ہے۔ تو کام کاج کر وہ اپنا اﷲاﷲ کرے۔ تو سوتا رہے تو اﷲاﷲ کرے۔ اؤ تیرے بیوی بچے ہیں نا أس کا تو بیوی بچہ نہیں ہیں نا ،تجھے نید آتی ہے نا، أسکو نید تو نہیں آتی ہے نا۔

اب یہ ہے، دوسرا نقطہ یہ ہے کہ یہ جو جسم ہے۔ اِس کا تعلق نہ ازل سے ہے، نہ ابد سے ہے۔ اِس سے پہلے جسم نہیں تھا۔ اِس دنیا سے پہلے۔ اور اِس دنیا کے بعد بھی یہ جسم نہیں ہو گا۔ وہاں دوسرے جسم دیئے جائیں گے، جو نہ جلئیں گے نہ مرئیں گے۔ یہی بات ہے نا۔ وہ نہ جلئیں گے، نہ مرئیں گے وہ جسم دیئے جائیں گے نا۔ یہ جسم اِسی مٹی میں مٹی بن کے رہ جائے گا۔ جب اِس جسم کو آگے جانا ہی نہیں ہے۔ دوذخ، بہشت میں جانا ہی نہیں ہے۔ تو پھر یہ نماز کیوں پڑھے؟ پھر اِس کا تو آگے سے تعلق ہی نہیں ہے۔ آگے سے تعلق ہے تو روح کا ہے نا۔ وہ روح اِسکی محتاج ہے۔ وہ جو روح ہے نا وہ اِس جسم کی محتاج ہے۔

اور یہ ہی وجہ ہے کہ یہ جسم نخرے کرتا ہے۔ اس کو پتہ ہے کہ میں نے تو آگے جانا نہیں ہے نا۔ اؤ خوامخواہ میرئے أوپر مصیبت ڈال دی ہے اﷲ تعالٰی نے۔ پھر جب وہ ذکوریت سے وہ تمھاری روح بالغ ہو جائے گی۔ تو پھر یہ جسم بھلے سوتا رہے، بھلے مر جائے اُسکو پرواہ نہیں ہے۔ پھر وہ جا کر بیعت المعمور میں نمازیں پڑھیں گی۔ وہ آزاد ہو جائیں گی ألٹا وہ عرش معلٰی میں جا کر نمازیں پڑھیں گی۔ اور أس وقت تک وہ سر نہیں أٹھائیں گی جب تک اﷲ جواب نہ دئے۔ لبیک یا عبدی۔

اب کچھ لوگ کہتے ہیں اِس بات کے أوپر اعتراض کرتے ہیں۔ عام لوگ نہیں کرتے ہیں۔ ہمارے علماء اعتراض کرتے ہیں۔ وہ ایک مثال دیتے ہیں۔ کہ کوئی آدمی تھا بہت عرصہ نمازیں پڑھتا رہا۔ جب بہت عرصہ نمازیں پڑھتا رہا تو بڈھا ہو گیا أس نے دُعا کری۔ اے اﷲ اب تو مجھے نمازوں سے چھٹکارا دے میں بہت ہی بڈھا ہو گیا ہوں۔ اﷲ نے أسکی دعا قبول کر لی اور صبح کو أس کے ہوش حواس ختم ہو گئے۔ مطلب ہے کہ نماز کی معافی نہیں ہے جب تک ہوش حواس ختم نہ ہوں۔ اؤ أس بڈھے نے اپنے انسان کو باہر نہیں نکالا تھا نا۔ اگر وہ انسان أس روح کو جوان کر لیتا تو وہ سوتا رہتا روح اپنی اﷲاﷲ کرتی رہتی نا۔

وہ لوگ معارف بن جاتے ہیں۔ ایک عارف ہوتا ہے ایک معارف ہوتا ہے۔ عارف کیا ہوتا ہے۔ تھوڑی سی أس کی تشریح کر دیں۔ کہ کئی لوگ درباروں کو ماننے والے ہیں۔ کہتے ہیں یہ عارفانہ کلام ہے تو یہ معارفانہ کلام ہے۔ پتہ نہیں یہ کیا ہے اور وہ کیا ہے۔ جب کوئی شخص اس جسم سے عبادت کرتا ہے۔ جنگل میں چلا جاتا ہے، بھوک پیاس بھی سہتا ہے، نمازیں بھی پڑھتا ہے۔ تہجد کرتا ہے، رؤزے رکھتا ہے۔ أسکی یاد میں روتا ہے۔ جب بھی اﷲ چاہے أس کے أوپر اپنی تجلی ڈالتا ہے۔ أس کے جسم پہ ڈالتا ہے أس کا جسم ولی ہو جاتا ہے۔ أس کا جسم ولی ہو گیا وہ جسم سمیت حضور پاک کی محفل میں جا سکتا ہے۔ أدھر معارف کیا ہوتا ہے۔ عارف کو خطرہ ہے ہو سکتا ہے کہ تجّلی سے ہلاک ہو جائے ،ہو سکتا ہے تجّلی سے مجذوب ہو جائے۔

دوسرا سلسلہ معارف کا ہے۔ وہ زیادہ زور دیتے ہیں اپنے اندر کو۔ اندر کو جگاتے ہیں روحوں کو باہر کھڑا کر دیتے ہیں۔ پھر جب تجّلی پڑتی ہے۔ تو پھر کسی روح کے أوپر تجّلی پڑتی ہے أسکی وہ روح ولیّ ہو جاتی ہے۔ أسکا جسم ولیّ ہو گیا اِسکی روح ولیّ ہو گئی وہ جسم سمیت جاتا ہے نا۔ یہ دور سے دیکھتا ہے کتنا خوش نصیب ہیں حضور پاک صلیٰ اللہ علیہ وسلم کی محفل میں جسم سمیت بیٹھا ہوا ہے اتنے میں حضور پاک صلیٰ اللہ علیہ وسلم بات کرتے ہیں کسی سے۔ وہ عارف پوچھتا ہے آپ کِس سے بات کر رہے ہیں؟ ہمیں تو نظر نہیں آتا۔ آپ صلیٰ اللہ علیہ وسلم فرماتے ہیں میں اُس آدمی سے بات کر رہا جسکا جسم مخلوق میں اور روح میرے پاس ہے۔ اور وہ عش عش کرتے ہیں کہ کتنا خوش نصیب ہے۔ اِدھر بھی موجود اور أدھر بھی موجود اِ تنے میں نماز کا وقت آجاتا ہے حکم ہوتا ہے یہ جو ظاہری ولایت والے ہیں ظاہر میں جا کے نماز پڑھیں ورنہ ولایت سلب ہو جائے گی۔ اور وہ جو روح والا ہوتا ہے وہ توحضور پاک صلیٰ اللہ علیہ وسلم کے پیچھے نماز پڑھتا ہے نا۔ بھلے گھر میں سو رہا ہو۔ وہ روحانی طور پے حضور پاک صلیٰ اللہ علیہ وسلم کے پیچھے نماز پڑھتا ہے نا۔ أسکو معارف بولتے ہیں نا۔

اور ایک اور ثبوت ہے۔ ایک دفعہ مجدد صاحب مسجد میں گئے دیکھا ایک آدمی سو رہا ہے۔ سوچنے لگے نماز پڑھ کے سویا ہو گا۔ پھر آپ دوبارہ گئے پھر بھی وہ سو رہا ہے، آپ عصر سے مغرب تک مسجد میں رہتے۔ مغرب کی ازان ہو رہی ہے وہ سو رہا ہے۔ آپ کو بڑا غصّہ آیا جھنجھوڑا اٹھ یا تو نماز پڑھ یا مسجد سے نکل جا۔ وہ فوراً اٹھا جماعت کھڑی ہونے والی تھی بلند آواز سے کہا امام صاحب ٹھہر جائیں۔ امام صاحب روک گئے۔ وضو کیا فورا نیت کری دو رکعت سُنت وقت فجر سارے دیکھتے ہیں فجر کا سماں ہو گیا پھر وہ ظہر کی نماز پڑھی ظہر کا سماں ہو گیا۔ پھر عصر کی نماز پڑھی ۔ایک راوی لکھتا ہے کہ سورج واپس آ گیا۔ اُس وقت أس نے کہا مجدد صاحب آپ تو صاحب نظر تھے بہتر تھا مجھے جگانے سے پہلے میرا حال دیکھتے میں تو اُسی کے پاس تھا جس کی تم نمازیں پڑھتے ہو۔ 

یہاں سے ہمارے علماء روکتے ہیں اِس بات کو ردّ کرتے ہیں۔ وہ کہتے ہیں کہ اگر ایسا ہوتا تو حضور پاک صلیٰ اللہ علیہ وسلم نے ظاہری میں نمازیں کیوں پڑھیں۔ بھئی حضور پاک صلیٰ اللہ علیہ وسلم کو نمازوں کی ضرورت کیا تھی۔ آپ تو نمازوں کے آنے سے پہلے بھی نبی تھے۔ آپ تو فرماتے ہیں میں حضرت آدم علیہ السلام سے پہلے بھی نبی تھا۔ حضور پاک صلیٰ اللہ علیہ وسلم نے دین بنایا اگر وہ منگل کو نماز نہ پڑھتے کسی تھکاوٹ کی وجہ سے تو أمت تو ساری تھکی رہتی ہے نا۔ تو یہ سنت بنا لیتی نا سنت بنا لیتی نا۔ حضور پاک صلیٰ اللہ علیہ وسلم نے سخت بیماری کی حالت میں بھی نماز پڑھی ہے نا۔ آپ کو نماز پڑھنے کی کیا ضرورت تھی۔ أن کو پتہ تھا کہ جو لوگ کہتے ہیں ایسے لوگ آئیں گے جو کہتے ہیں کہ ہمارے جیسے تھے۔ آپ نے بیماری کی سخت حالت میں نماز پڑھی۔ اور وہ کہیں گے نزلہ بخار ہو گیا ہے ہم بھی بیمار ہیں ہم بھی نماز نہیں پڑھتے نا۔ اِس وجہ سے حضور پاک صلیٰ اللہ علیہ وسلم نے نمازیں پڑھیں تو أمت کے لیے پڑھیں ۔ أنکو نمازوں کی کوئی ضرورت نہیں تھی۔ ایک ہی سنت ایسی ہے اگر کوئی بھی اپنا لے۔ یقین کرو نفلوں کا، فرضوں کا تمھارے گناہوں کا بھی کفاّرہ ہو جائے گا ایک سنت ایسی ہے۔ ساری عمر تم گناہ کرتے رہے ہو۔

بلکہ ایسا ہوتا ہے جن کے أوپر اﷲ تجّلی ڈالتا ہے بعض لوگ ہلاک ہو جاتے ہیں۔ بعض لوگ أسکی تاب نہیں لا سکتے مجذوب ہو جاتے ہیں۔ بعض لوگ تاب لے آتے ہیں محبوب ہو جاتے ہیں۔ اب شرط ہے جو ایک دفعہ اﷲ کی تجّلی میں آگیا۔ اﷲ روزانہ تین سو ساٹھ مرتبہ أسکو دیکھے گا۔ ایک دفعہ دیکھے گا ساٹھ کبیرہ گناہ جلیں گے۔ اگر وہ مر گیا ہے أسکی قبر سے فیض جاری ہو جائے گا۔ وہ قبر پے بیٹھنے والوں کے گناہ جلنا شروع ہو جائیں گے۔ حدیث شریف میں ہے کہ شکستہ دل اور شکستہ قبر پر اﷲ کی رحمت پڑتی ہے۔ وہ ہی نظرٍ رحمت ہے نا۔ وہ جو تجلیّ سے شکستہ ہوا۔

اگر کوئی مجذوب ہوگیا وہ لوگوں کو ڈنڈے مارے گا، گالیاں دے گا۔ لوگوں کو فیض ہونا شروع ہو جائے گا۔ وہ دنکہ شریف میں ہے نا وہ ڈنڈئے مارتے ہیں اور جسکو ڈنڈئے مارتے ہیں أسکو فیض ہو جاتا ہے نا۔ اؤ پیر لال شاہ تھے نا وہ صدر ایوب کو ڈنڈئے مارتے تھے۔ آخری دفعہ گیا ڈنڈئے نہیں مارے۔ سوچنا لگا کہ میری بادشاہی گئی اور گئی۔

اور تیسرا ہے أسکی باتوں سے فیض شروع ہو جاتا ہے۔ اب جب وہ تین سو ساٹھ دفعہ دیکھتا ہے۔ تو لوگوں کے گناہ جلنا شروع ہو جاتے ہیں نا ۔ جب اصحاب کہف کو دیکھنا شروع ہوا تو وہاں کوئی بھی نہیں تھا صرف ایک کتا تھا۔ وہ کتا ہی حضرت قطمیر بن گیا نا۔ بھئی کتا نمازیں تھوڑی پڑھتا تھا وہ أن کی صحبت میں بیٹھا رہا نا۔ نظرٍ رحمت پڑتی رہی نا تو وہ حضرت قطمیر بن گیا نا۔ وہ کتا پاک ہو گیا نا۔ جب تمھارا کتا نور سے پاک ہو گیا تو۔ نظر رحمت بھی تو نور ہی ہے نا۔ وہ کتا بہشت میں جائے گا بیلم با عور کی شکل میں۔ حضور پاک صلیٰ اللہ علیہ وسلم کے أوپر وہ نظر رحمت ہر وقت پڑتی تھی۔ یہ ہی وجہ ہے کہ حضور پاک صلیٰ اللہ علیہ وسلم کی صحبت میں بیٹھنے والے ولیّوں سے بھی اعلٰی مقام حاصل کر کے چلے گئے۔

اِس کے لیے یہ ہے اب اسکا طریقہ بتاتے ہیں۔ کہ یہ دوائی اندر کیسے جاتی ہے۔ اور یہ راستہ کیا ہے؟