یہ تھوڑا سا علم ہے میں نے آپ کو بتا دیا، میں چاہتا ہوں کہ اس کی تفصیل بھی بتاؤں۔ سارے پڑھے لکھے ہو سمجھدار ہو، پاکستان میں ہمارے زیادہ سمجھدار ہوتے نہیں ہیں، جو سمجھدار تھے نکل آئے جو سمجھدار نہیں تھے آکے ہو گئے۔ ان (پاکستانیوں) کو جب بات بتاتے ہیں نا وہ سمجھ نہیں پاتے ہیں، کوئی دس پرسنٹ سمجھتے ہیں نوے پرسنٹ نہیں سمجھتے ہیں، یہاں ہم نے دیکھا نوے پرسنٹ سمجھتے ہیں دس پرسنٹ نہیں سمجھتے ہیں کہ جبکہ یہ دین سے بھی دور ہیں، اور وہ دین میں ہیں پھر بھی دین کی بات نہیں سمجھ نہیں پاتے، اگر وہ دین کی بات سمجھ پاتے تو پھر آج 72 فرقے کیوں بنتےء؟ یہ دین سے دور ہونے کے باوجود دین کی بات سمجھ جاتے ہیں، اب یہ جو بت تمہیں بتائی ہے، یہ تم کو بڑی دور لگی ہے جبکہ یہ معمولی بات ہے، دین میں یہ چھوٹی سی بات ہے۔
 

اب تم کیا ہو؟ تم کچھ نہیں ہو ایک ڈھانچہ ہو، تمہارے اندر اللہ تعالیٰ نے سات بندے بند کر دیئے، 9 ان بندوں کے آگے غلام ہیں ان بندوں کو لطائف بولتے ہیں آگے ان کے غلام ان کو جسے بولتے ہیں، 9 اور 7 سال سولہ مخلوقیں اس ڈھانچے میں بند ہیں، جب وہ مخلوقیں نکل جاتی ہیں وہ ڈھانچہ ختم ہو جاتا ہے، یہ مانتے ہو نا؟ جو بھی حساب کتاب ہو گا ان سے ہو گا نا؟ یہ ڈھانچہ تو قبر میں۔ وہیں ہڈیاں گل گئیں خاک ہو گئیں، اب تم اس ڈھانچے کی مرمت کرتے رہتے ہو نا، اس کا خیال رکھتے ہو نا؟ جو اندر بندے ہیں ان کا خیال نہیں رکھتے ہو، جبکہ وہ اصل چیز ہیں، یہ ڈھانچہ ان کا محتاج ہے اور وہ جو اندر کی مخلوقیں ہیں وہ اس ڈھانچے کی محتاج ہیں، ایک دوسرے کی یہ محتاج ہیں۔ جب آدم علیہ السلام کو مٹی سے بنیا گیا تھا تو شیطان نے (حسد و نفرت سے اس پر) تھوکا تھا، وہ ناف پر پڑ گیا وہ جو نشان پڑ گیا۔ اس کے تھوک کے جراثیم سے، تمہارے جراثیم سے بچہ بن جاتا ہے تو شیطان کے تھوک کے جراثیم سے اندر کتا بن گیا، جب وہ اندر کتا بن گیا۔

وہ جو مٹی تھی وہ پاک تھی نا جس سے اللہ نے بنایا، جو روحیں تھیں وہ بھی پک تھیں نا۔ وہ جو تھوک سے کتا بن گیا نا جس کو نفس بولتے ہیں وہ اندر گیا تو ناپاک ہو گیا، پھر حدیث میں ہے جس گھر میں کتا ہو گا رحمت کے فرشتے نہیں آتے۔ اب خواہ وہ گھر یا یہ گھر، جب تک تیرے اندر وہ کتا ہے کوئی عبادت کوئی پاک چیز تیرے اندر ٹھہر ہی نہیں سکتی ہے، اندر کتا جو ہے، جب تو اس کو پاک کریگا نا تو پھر ناپاک چیز اندر نہیں ٹھہر سکے گی نا۔ اس نفس کیلئے مذاہب آئے ہیں۔ ان (روحوں) کے لئے کیا ضرورت تھی یہ تو پاک چیزیں تھیں، ان کا دوزح سے کیا تعلق تھا، جنتی ہی جنتی تھا، وہ جو اندر نفس آیا نا اس کیلئے مذاہب آئے، تمہارا قرآن بھی اترا ہے نا اس نفس کی خاطر، بار بار قرآن میں لکھا گیا ہے کہ اس نفس کو کو پاک کر اس کو ختم کر، پاک نہیں ہوتا تو قتل ہی کر دے، قرآن میں ڈرایا گیا ہے۔ یہ ایک علم ہے، نفس کو ڈرایا گیا نا کہ تجھے دوزخ میں پھینکیں گے پھر اس کو لالچ دی گئی کہ تو اچھے کام کریگا تو تجھے بہشت ملے گی، یہ سارا قرآن اس نفس کی اصلاح کیلئے آیا، اب اگر تیرے نفس کی اصلاح ہو گئی تو پھر۔۔۔ (کیا ہوگا)؟ تیری بھی اصلاح سب مسلمانوں کی اصلاح ہو گئی تو سب ایک جیسے ہو گئے نا، اللہ نے تو سات جنتیں بنائی ہوئی ہیں۔
 

نفس کی اصلاح کے بعد جب یہ نفس پاک ہو جائے تو پھر اندر چھ بندے اور ہیں پھر ان کا علم آیا ہے۔ یہ علم ظاہر میں آیا ہے، قرآن کے ذریعے آیا ہے، وہ علم سینہ بہ سینہ اایا اس کو علم باطن کہتے ہیں، یہ (ظاہری) علم علماء کے حصے میں آیا وہ (باطنی علم) اولیاء کے حصے میں آیا، اس کے بعد یہ قلب کا علم آیا، یہ ایک مخلوق ہے اس کا نام قلب ہے، اگر تو بہشت میں اچھا درجہ حاصل کرنا چاہتا ہے تو قب سے عبادت کر، اگر تو اگلا درجہ چاہتا ہے تو روح کی عبادت کر، اس سے اگلا چاہتا ہے تو دارالسلام کی کر، اس سے اگلا درجہ چاہتا ہے تو دارالقرار کی کر، اور اگر آخری (درجہ کی جنت) فردوس چاہتا ہے تو اس (لطیفے) انا سے عبادت کر، اس سے تیرا درجہ بڑھے گا نا ورجہ سارے ایک درجے میں ہیں نا۔
 

یہ جو درجے ہیں، یہ تمہارے اندر کے انسانوں کی وجہ سے ہیں، پھر ان انسانوں کا تعلق ایک ایک جہان سے اللہ نے رکھا، نفس کا تعلق اس دنیا سے ہے، اب س نفس میں طاقت ہے، تم رات کو سوتے ہو وہ تمہارے اس جسم سے باہر نکل جاتا ہے، خواب کے ذریعے تم اپنے آپ کو شیطانوں میں گھومتے دیکھتے ہو، یہ تمہارا نفس ہے، اس میں شیطانی طاقت ہے نا، اور وہ دوسری مخلوق (قلب) ہے اس میں طاقت نہیں ہے، جب تم اس میں طاقت پہنچاؤں گے نا، قلب والی میں، تو پھر یہ بھی خواب میں نکلے گی اور سیدھی عالم ملکوت میں جائیگی، تو پھر اگر روح کو طاقت پہنچاؤ گے تو وہ یہاں(اس جسم) سے نکلی تو سیدھی (عالم) جبروت میں جائیگی نا، پھر جبروت میں نمازیں ہوتی ہیں، حضور پاک صلیٰ اللہ علیہ وسلم پڑھاتے ہیں نا تو یہ وہاں جا کے نماز پڑھا کریگی نا، ابھی تو یہ نہیں جا سکتی نا، جب یہ طاقت پکڑگے گی تو پھر جائیگی نا، پھر جب اس (لطیفہ سری) کو طاقتور کرو گے تو یہ ()عالم) لاہوت میں چلی جائیگی نا۔

پھر اس دماغ والی کو طاقتور کرو گے تو یہ وہاں پہنچ جائیگی جہاں اللہ کی ذات ہے

یہ تمہارے اندر چیزیں ہیں نا لیکن تم ان کو چھیڑتے ہی نہیں ہو، تم نے ان کو نہیں چھیڑا اور جس (جسم) کو چھیڑتے ہو یہ تو آگے جائیگا ہی نہیں، نہ یہ پہلے تھا، یہ جسم پہلے بھی نہیں تھے نا، آگے بھی یہ جسم نہیں ہو گانا، اب اگر یہ جسم آگے جائیگا تو اس کو حوریں قبول ہی نہیں کرینگی کہ اے اللہ ہم ہزاروں سالوں سے انتظار کر رہی ہیں کہ تو بندے بھیجے گا ہمارے لئے اور یہ کالے پیلے بھیج دیئے ان کا کیا کریں گے، وہ علیحدہ جسم بنائے جائینگے خوبصورت جسم بنائے جائینگے جو نہ جلیں گے نہ مریں گے نہ بڈھے ہونگے نہ بیمار ہونگے، وہ دوسرے جسم بنائے جائیں گے یہ تو اسی قبر میں رہ جائینگے، تم اسی کے پیچھے لگے ہوئے ہو، وہ جسم تمہاری روحوں کو ملیں گے۔

تو اب یہ جو نسخہ ہے یہ گناہگار کیلئے بہت بہتر نسخہ ہے۔

گناہ گار کیلئے کس طرح ہے؟ کہ ایک آدمی شراب پیتا ہے حرام مال کھاتا ہے اس کیلئے یہ نسخہ بہترین ہے، اب کیا وجہ ہے حدیث میں لکھا ہے کہ جب کوئی گناہ کرتا ہے تو فائل پر لکھتے ہیں کہ اما کاتبین۔ جب فائل پہ لکھتے ہیں دل پر دھبہ کیوں لگاتے ہیں؟ یہ سوچنے کی بات ہے نا کہ دل کو کالا کیوں کرتا ہے؟ وہ اس وجہ سے کہ اگر کسی بنی ولی کو ضرورت پڑی کہ اس کے متعلق جانے تو اس کی فائل منگوا کے دیکھ لیتا کہ اس نے کیا کیا، کیا؟ یہ کیسا تھا؟ اگر اللہ کو ضرورت پڑی، اس کو دیکھنے کی، تو وہ فائلوں کو نہیں دیکھے گا وہ اس کے دل کو دیکھ لے گا کہ کتنا بڑا گنہگار ہے، پھر اس گنہگار نے کیا کیا کہ دل کو صاف کرنے والا طریقہ سیکھ لیا۔

اس نے قلبی ذکر سیکھ لیا، اللہ اللہ کرتا رہا، اللہ اللہ کے نور سے اس کا دل صاف ہو گیا، فائل کو نہیں مٹا سکا وہ تو فرشتوں کے قبضے میں ہے لیکن اس کا دل تو اس کے اپنے پاس ہے نا، اللہ اللہ سے اس کا دل چمک اٹھا، چمکتے ہوئے ستاروں پر نظر پڑتی ہے جب جاتے ہو تم، اسی طرح اللہ تعالیٰ جب دیکھتا ہے تو چمکتے ہوئے دلوں پر اس کی نظر پڑتی ہے نا، پھر وہ دل چمکتے ہوئے دیکھتا ہے فائل نہیں دیکھتا، چمکتا ہوا دل دیکھا اس پر مہربان ہو گیا۔ پھر شاعر کسی نے کہا۔

یہ کل گنہگار تھا، اس نے دل کو صاف کیا، قب چمک اٹھا، اللہ تعالیٰ اس پر مہربان ہو گیا، جب یہ اللہ اللہ اندر جاتا ہے تو گناہ کے جراثیم باہر آتے ہیں اور ایک دن یہ اللہ اللہ پورے جسم کو پاک صاف کر دیتا ہے اور اندر جو کتا ہے ایک دن یہ اللہ اللہ اس کو بھی انسان بنا دیتا ہے۔ اگر وہ انسان نہ بنے، سرکش ہے، تو ختم ہی ہو جاتا ہے۔ اس قت انسان انسان ہوتا ہے، اس وقت نماز پڑھتا ہے تو اس کے اندر جاتی ہے، قائم ہوتی ہے۔ اب تو نماز پڑھتا ہے تو نماز (کو زبان سے صف) پڑھتا ہی ہے نا؟ بار بار پڑھتا ہے، نماز کے وقت مومن ہے، وہی کاروبار کے وقت ہیرا پھری، رات کو سو رہا ہے تو ہیرا پھیری، اس وقت تجھے کون مومن کہے گا لیکن جب تو پاک ہو گا نماز تیرے اندر اترے گی تو پھر تو نماز پڑھتے وقت بھی مون، کاروبار میں بھی مومن، تو سوتے وقت بھی مومن۔
 

اب نماز اندر کیسے اترے گی؟ جب اللہ اللہ کا نور اس دل میں آئیگا، بہت سارا نور یہاں سینے میں جمع ہو جاتا ہے، تمہارا اللہ کے درمیان، یہ ایک ٹیلی فون ہے، جس نبی ولی نے رب سے کلام کیا اس دل سے کیا، یہ ٹیلی فون ہر کسی کے پاس ہے لیکن اس کو بجلی چاہئے، یہ ٹیلی فون اسی طرح پڑا ہوا ہے گھماتے رہو کیا ہے بیکار ہے نا۔ اس ٹیلی فون کو بجلی چاہئے اور اس (قلب) کو نور چاہئے۔ بجلی کی لہریں یہاں سے امریکہ اور نور کی لہریں یہاں سے عرش معلیٰ پر، اس وقت تو بات کریگا تو وہ بھی عرش پہ اور نماز پڑھے گا تو وہ بھی اس کے ذریعے عرش پر جائیگی، وہ تو عرش پر چلی گئی تیرے اندر نماز کیسے ٹھہرے گی؟ جب اس (قلب) میں نور آجائیگا تو نور کو نور سے نبست ہے، پھر جب تو نماز پڑھے گا تو نماز کا نور بھی تیرے اندر، قرآن پڑھے گا تو اس کا نور بھی تیرے اندر۔ اس وقت نماز قائم ہو گی اب تیری نماز قائم ہے۔

ابھی تو تو نماز پڑھتا ہے۔ قرآن نے پڑھنے کا نہیں کہا اس نے قائم کرنے کا کہا ہے، جگہ جگہ یہی لکھا ہوا ہے کہ نماز کو قائم کرو۔

جو اس کا ذکر کرنا چاہتے ہیں طریقہ بتا دیتے ہیں آپ اپنی قمست آزمائیں۔ اگر تو اندر سے اللہ اللہ شروع ہو گئی تو دعا دے دینا، تم نے تو دعا نہیں دینی، وہ جو اندر بندے بند ہیں وہ تو دعا دیں گے نا، بھئی قیدی جب آزاد ہونگے تو دعا تو دیں گے؟ اگر کچھ دن نہ ہوا تو یہ جو اللہ اللہ کرو گے اس کا ثواب تو ملے گا نا۔ یقین کرو یہ ایسی چیز ہے۔

کوئی لڑکا تھا، محلے میں اس نے کوئی لڑکی دیکھ لی اور چکر لگانے شروع کر دیئے، لڑکی کوئی اللہ والی تھی ذکر کرنے والی تھی، اس نے بلا کے پوچھا کہ تم کیوں چکر لگا رہے ہو؟ کہا تیری خاطر۔ اس نے کہا میں تو تجھے نہیں مل سکتی تم خوامخواہ اپنی زندگی برباد کر رہے ہو، ایک طریقہ ہے کہ تو مسجد میں بیٹھ جا، وہاں اللہ کر تو میں گھر والوں کو کہوں گی کہ کوئی اللہ والا ہے، پھر مجھے اجازت مل سکتی ہے تجھ سے ملنے کی، اس کو طریقہ بھی بتا دیا جو اس نے سیکھا تھا، کہا روٹی تجھے بھیجتی رہوں گی۔ وہ قریب ہی مسجد میں جا کر بیٹھ گیا اور اللہ ہو کرنا شروع کر دیا۔ روٹی وہ بھیجتی رہی، پندرہ دن گزرے تو سوچا کہ جا کے دیکھوں کہ کیا حالت ہے اسکی۔ گئی تو اس نے بلایا، اس لڑکے نے اوپر دیکھا لڑکی کو اور پھر نظریں نیچی کر کے اللہ ھو کرنا شروع کر دیا، لڑکی پھر دوبارہ بلایا تو پوچھتا ہے تو کون ہے؟ وہ کہتی ہے میں وہی ہوں جس نے تجھے یہاں بٹھایا، کہا اب تو جا اور مجھے اللہ اللہ کرنے دے۔
 

تو جس کے اندر اللہ اللہ آجاتی ہے تو سب چیزوں سے نجات، سب بیماریوں سے نجات ہو جاتی ہے، یہ نام (اللہ) ہر چیز پر قادر ہے، اس کا طریقہ ہے، اس کو اپنے اندر لانا ہے، جذب کرنا ہے، اب آپ نے دیکھا ہے کہ آپ اللہ کرتے ہیں، کسی محفل میں جا کر اللہ اللہ کرتے ہیں، باتیں سنتے ہیں آپ کو کیف آتا ہے نا، لیکن ہر وقت ااپ محفل میں نہیں بیٹھ سکتے نا، ہر وقت ایسی باتیں نہیں سن سکتے، اس کے بعد بے چینی ہے نا، اگر آپ کے اندر چوبیس گھنٹے اللہ اللہ شروع ہو جائے تو پھر کیف ہی کیف ہے۔ گھنٹہ بھر جو بیٹھتے ہو اللہ اللہ کرتے ہو تمہیں کتنا مزا آتا ہے، اور اگر چوبیس گھنٹے اللہ اللہ شروع ہو جائے تو ۔۔۔۔۔۔؟ باہر بیرونی کیف ہے اور اندر۔۔۔۔۔۔
 

اس کا طریقہ ہے، اس (اللہ اللہ) کو اندر لانے کا طریقہ: پہلے کاغذ پر لکھتے ہیں 66 مرتبہ اللہ اللہ۔ اگر ہو سکتا ہے تو دن میں چار پانچ دفعہ لکھو سات دفعہ لکھو۔ جب بھی لکھو 66 مرتبہ لکھو۔ یہ ایک عمل بن جائیگا، جس طرح 786 بسم اللہ سے تعلق رکھتا ہے اسی طرح 66 اللہ سے تعلق رکھتا ہے۔ ایک دن آئے گا جو ااپ کاغذ پر لکھتے تھے نا وہ آنکھوں میں تیرنا شروع ہو جائیگا، اسے صاحب تصور کہتے ہیں جب آنکھوں میں تیرنا شروع ہو جائے تو لکھنا بند کر دیں اور آنکھوں سے توجہ کے ساتھ اپنے دل پر اتارو۔ ایک دن آئیگا جو کاغذ پر لکھتے تھے وہ دل پر لکھا نظر آئیگا۔

اللہ سے بڑھ کر کس کا نام ہے؟ تو ایمان آگیا نا یہاں (سینے میں)۔ جس وقت یہ یہاں (دل پر) نظر آئیگا تو اس وقت دل کی دھڑکن تیز ہو جائیگ ٹک ٹک ٹک۔۔۔ یہ دل کی تسبیح ہے، پھر اس ٹک ٹک کے ساتھ اللہ ہو ملاؤ۔ ایک ٹک کے ساتھ اللہ اور دوسرے ایک کے ساتھ ہو، یہ تم خود نہیں کر سکتے ہو، تم سانس کے ساتھ ذکر کر سکتے ہو، ضربیں لگ کر بھی کر سکتے ہو، سانس روک کے بھی کر سکتے ہو، خفی بھی کر سکتے ہو، تالو سے بھی کر سکتے ہو، لیکن دل کی دھڑکن کے ساتھ تم کبھی بھی نہیں کر سکتے، جا کے ٹرائی کرنا، تم کبھی بھی نہیں کر سکتے ہو۔ یہ تب آئیگا جب رب کی رضا ہو گی، رب کی رضا کے بغیر تو ہو ہی نہیں سکتا ہے نا۔ اگر دل کی دھڑکن اللہ اللہ سے مل گئی تو اس کی رضا ہو گئی۔ اب پیچھے نہیں ہٹنا۔ اب اگر جان بھی جاتی ہے تو جانے دو، اب اس کو نہیں چھوڑ کیونکہ اس نے تجھے قبول کر لیا ہے، جان تو ویسے بھی جانا ہے آج نہیں جائیگی تو بیس سال بعد چلی جائیگی، ویسے ہو سکتا ہے ناکارہ ہی چلی جائے مگر اب جائے گی تو شہیدوں میں جائیگی نا، اب گاڑی کا رخ اس کی طرف ہو گیا نا، چل پڑی نا گاڑی، اب اگر ایکسیڈنٹ بھی ہو تو جو کعبے کی طرف جاتے ہوئے مر جاتے ہیں تو نام تو شہیدوں میں ہوتا ہے نا۔
 

کسی کسی وقت دل پر ہاتھ رکھو، دل دھڑکے تو اس دھڑکن کے ساتھ اللہ ہو ملاؤ، کبھی نبض پر ہاتھ رکھو اس نبض کے ذریعے اللہ ہو اپنے اندر پہنچاؤ، یہ نبض ٹک ٹک کرتی ہے نا۔ اس کے ذریعے اللہ ہو اپنے اندر پہنچاؤ۔ کوئی ایسا کام کرو جس سے دل دھڑکے۔ تم نے سنا ہو گا کہ لال شہباز ناچتے تھے، لوگوں کو بھی نچاتے تھے، یہ بھی سنا ہو گا، بلھے شاہ اساں نچ کے یار منایا اے۔ یہ بھی سنا ہو گا کہ امیر کلال لوگوں کو کبڈی کھلاتے تھے، ولیوں نے یہ کام کیوں کیا؟ امیر کلال کو کبڈی کی کیا ضرورت تھی؟ بلھے شاہ کو ناچنے یا نچانے کی کیا ضرورت تھی؟ جس وقت گنہگار طبقہ ان کے پاس جاتا تھا جن کے دل ختم ہو گئے تھے وہ ان کو کبڈی کھلاتے تھے کہ چلو دوڑو، جب وہ دوڑتے تھے تو ان کی دل کی دھڑکنیں ابھرتیں تو اس کہتے تھے کہ اب کبڈی کو چھوڑو اور ان دھڑکنوں کے ساتھ اللہ اللہ ملاؤ، تم چاہے دوڑو چاہے ناچو چاہے ورزش کرو، لیکن یہ زمانہ دوڑنے والا بھی نہیں ہے اور ناچنے والال بھی نہیں ہے تو ایک اور آسان طریقہ ہے کہ بیٹھ کر اللہ ہو کی ضربیں لگاؤ، گھنٹہ بھر کرو گے تو دل کی دھڑکن ابھرے گی اس دھڑکن کے ساتھ اللہ ہو ملاؤ، تھوڑے دن ایسا کرو گے نا پھر دل کی دھڑکنیں اللہ ہو پکار اٹھیں گی پھر ان ضربوں کی ضرورت ہی نہیں۔
 

یہ جلالی بھی ہے، لوگ حوالہ دیتے ہیں کہ ایک پرندہ ’’ققنس‘‘ تھا۔ کوئی درویش اللہ ہو، یا ھو کا ذکر کرتا رہا اس کو ققنس بھی سنتا رہا، وہ درویش چلا گیا اس پرندے نے پیچھے اللہ ھو کرنا شروع کر دیا، جب اللہ ھو کرنا شروع کر دیا تو تھوڑے دن اس نے کیا تو اس نے دیکھا کہ میرے اندر گرمی پیدا ہو گئی ہے اب میں کیا کروں، جو اللہ ھو اندر چلی جائے تو وہ پھر نکلتی بھی نہیں، یہ بھی مصیبت ہے۔ صحابی رضی اللہ تعالٰی تھے نا ان کے اندر اللہ ہو چلا گیا تو ریت پر رسیوں سے گھسیٹتے تھے کمروں میں بند کرتے تھے مگر پھر بھی حضور پاک صلیٰ اللہ علیہ وسلم تک پہنچ جاتے تھے نا، اللہ ھو اندر چلا گیا تھا نا، ققنس نے سوچا کہ یہ بند بھی نہیں ہو رہا تو اب میں بھی جل بھی جاؤں گا، اس نے جتنی اس کی عقل تھی چھوٹی چھوٹی لکڑیاں جمع کیں اپنے پاس کہ اگر آگ لگے تو ان کو لگے میں تو بچ جاؤنگا۔ جب آگ لگی تو لکڑیاں بھی جل گئیں اور وہ ققنس بھی جل گیا، اس کی جسم کی راکھ سے ایک انڈہ بنا، وہ انڈہ پھٹا، اس میں سے جو بچہ نکلا اس نے اللہ اللہ کرنا شروع کر دی تو وہ بھی جل گیا یہ سلسلہ جاری ہے۔

بہت لوگوں کو پتہ ہے کہ وہ ققنس پرندہ اللہ ھو۔ کرتا اور جل جاتا ہے

وہ کہتے ہیں کہ ققنس جل گیا ہم بھی جل جائینگے، وہ ڈراتے ہیں۔ اس ققنس نے اللہ ہو سیکھا تھا وہی سنا تھا محمد الرسول اللہ نہیں سنا تھا۔ اگر وہ یہ سن لیتا تو کیوں جلتا؟ کیونکہ اللہ تعالیٰ کا نام جلالی ہے تو حضور پاکصلیٰ اللہ علیہ وسلم کا نام جمالی ہے، اب تم اللہ کرو گے تمہیں گرمی لگی گی، جتنی گرمی برداشت کر سکتے ہو کرو کیونکہ گرمی کے بغیر کوئی چیز پکتی نہیں ہے، نہ کوئی پھل پکتا ہے نہ تمہارے گھر ہانڈی پکتی ہے نہ روٹی پکتی ہے، دیکھو اور جتنی برداشت کر سکتے ہو برداشت کرو، جب برداشت نہ ہو سکے تو پھر درود شریف پڑھو ٹھنڈا کر دیگا، پھر اللہ کا ذکر کرو، نور کی گرمی آئیگی پھر درود شریف پڑھو پھر اس کو تھنڈا کر دیگا۔ پھر ایک دن درود شریف اور اللہ ہو ایک ہو جائینگے، نہ جلال تو نہ جمال، پھر کہو گے کہ میں چوبیس گھنٹے اللہ اللہ کرتا ہوں مجھے گرمی کیوں نہیں لگتی ہے، پھر جمال جلال اکٹھا ہو جائیگا۔ اس کا طریقہ ہے۔
 

شریعت کی پابندی اس کیلئے بہت بہتر ہے، لیکن جو شریعت کی پابندی نہیں کر سکتے ان کیلئے اس حال سے تو بہتر ہے، ایک شخص نماز ہی نہیں پڑھتا، اگر کوئی نماز پڑھتا ہے اور وہ ذکر لیتا ہے تو اس کیلئے اور بہتری ہو گی نا۔ سونے پر سہاگہ ہو گیا۔ نمازی تو پہلے ہی ہے اور اب اندر سے بھی اللہ اللہ کر رہا ہے اس کا مرتبہ بڑھ گیا نا، ایک شخص نماز ہی نہیں پڑھتا ذکر لے کر ذکر بھی کرتا ہے لیکن پھر بھی نماز نہیں پڑھتا ہے تو وہ پہلی حالت سے تو بہتر ہے نا جب وہ کچھ بھی نہیں کرتا تھا، ہو سکتا ہے کہ ذکر کے طفیل ہی وہ نمازی کبھی بن جائے، اگر وہ نمازی ساری زندگی نہ بھی بن سکے ہو سکتا ہے اللہ اللہ کرنے سے اسے اللہ سے محبت ہی ہو جائے اور وہی اس کیلئے کافی ہو جائے۔ اس میں جتنی بھی شریعت کی پابندی کریگا اتنا ہی اس کا مقام بلند ہو گا نا۔ ورنہ یہ ہمارا ایمان ہے، ایمانیہ، حلفیہ تحریراً (کہتے ہیں کہ) اگر کسی کے اندر قلب جاری ہو جائے تو وہ دوزخ میں نہیں جا سکتا، کیونکہ اب یہ اس کی رضا سے ہے نا۔ جس پر اس کی رضا ہو جائے تو وہ دوزخ میں کس طرح جائیگا۔

ہاں! مرتبے سے محروم رہ سکتا ہے، اگر شریعت کی پابندی نہ کرے تو مرتبے سے محروم رہ سکتا ہے لیکن دوزخ میں نہیں جا سکتا، کیونکہ حدیث شریف میں ہے کہ جس میں ذرا برابر بھی نور ہے وہ دوزخ میں نہیں ا سکتا، جب اللہ اللہ کرنا ہے تو پھر نور تو بننا ہی ہے نا۔ دوائی لے گا تو اثر تو ہو گا، اللہ اللہ کرنے کا اثر تو ہو گا وہ بھی جب قلب کر رہا ہے اللہ اللہ۔
ہم نے تمہیں قلب کے بارے میں بتا دیا کہ اللہ اللہ کرو، اجازت دے دی بس۔ اس بندے کا حلیہ فرسشتے اوپر لے جاتے ہیں، یہ خاص فرشتے ہوتے ہیں۔ وہ اس بندے کا حلیہ اوپر لا جائینگے کہ اس نے اللہ اللہ کرنا ہے، اس نے کہا ہے کہ میں قلب سے اللہ اللہ کروں گا، اللہ سے دوستی کرونگا۔ فلاح آدمی نے اس کو راستہ بتایا ہے، اس نے آگے اقرار کیا ہے۔ آیا اس کو منظور کیا جاتا ہے یا نہیں؟ (جس کو ذکر قلب دینا ہوتا ہے) بیت المعمور میں اس کی روح کو لے جاتے ہیں۔ اس کو پتہ نہیں ہوتا ہے، بیت المعمور کی مخلوق سے اللہ خود بات کرتا ہے، وہ دیکھ نہیں سکتے لیکن بات کرتے ہیں۔ پھر اللہ پوچھتا ہے اس کو کون لے کر آیا ہے؟ جو اس کو طریقہ بتاتا ہے کہتا ہے میں لے کر آیا ہوں۔ پوچھتا ہے کیوں؟ کہتا ہے اے للہ تیرا دوست بنانے کی خاطر، اگر وہ کہہ دے کے نہیں، منظور نہیں ہے۔ تو پھر وہ ہزار ولیوں کے پاس جائے نا، کچھ بھی نہیں ہو گا، قلب والی کہانی نہیں ہو گی۔
 

اگر اللہ قبول کریگا کہ میں اس کو قبول تو کر لیتا ہوں لیکن اس کا ضامن کون ہے؟ یہ بھاگ جائے تو؟ یعنی دوست کو آزمانا ہوتا ہے نا اور اگر میں نے آزمایا اور یہ بھاگ گیا تو پکڑ کر کون لے آئیگا واپس؟ تو پھر غوث پاک رضی اللہ تعالٰی ضمانت دیتے ہیں۔ پھر پوچھا جاتا ہے گواہی کون دے گا ؟وہ جن درباروں پر آتا جاتا ہے وہ اولیاء گواہی دیتے ہیں۔ پھرپوچھا جاتا ہےتصدیق کون کرے گا؟ پھر حضور پاک صلیٰ اللہ علیہ وسلم تصدیق کرتے ہیں۔ پھر اللہ تعالی منظوری دیتا ہے تو پھر اس کا قلب جاری ہوتا ہے۔ تو پھر اگر بھاگ بھی گیا تو جنہوں نے تصدیق کی جنہوں نے ضمانت دی وہ پکڑ کے واپس لے آئیں گے نا۔ وہ تو نہیں چھوڑتے وہ جہاں بھی دوڑ کے جائے گا پھر پکڑ کر وہیں لے آئیں گے۔اس کے بغیر یہ قلب جاری نہیں ہوتا ہے۔
 

طریقہ تمہیں بتا دیتے ہیں۔ کرنا چاہو تو اقرار کرو کہ میں کروں گا۔ کیونکہ پھر آگے پوچھتے ہیں نا کہ اس بندے نے اقرار کیا تھا۔ اور جب اقرار نہیں کرو گے تو تمہیں اوپر کون لے جائے گا۔ ہاں! جب اقرار ہی نہیں کیا تو کون لے جائے گا؟ اس لئے جو ذکر لینا چاہتے ہیں وہ میرے ساتھ اللہ ھو پڑھیں۔ ان کو اجازت ہو جائے گی بس۔ کوئی پیسہ نہیں مٹھائی نہیں بیعت نہیں۔ ایک اجازت ہے پڑھو اللہ ھو ‘ اللہ ھو ‘ اللہ ھو ۔۔۔۔۔لا الہ الااللہ محمد رسول اللہ۔
 

اب کوئی بات پوچھنی ہو جو سمجھ نہ آئی ہو تو پہلے دل کی تسلی بھی کر لو کیونکہ ہمارے سجن بھی بہت ہیں اور دشمن بھی بہت ہیں۔ بہت مولوی ہمارے ساتھ ہیں بہت مولوی ہمارے دشمن ہیں۔ جو مخالف ہیں نا انہوں نے ہمارے خلاف کافی قسم کا پروپیگنڈہ کیا ہے لوگوں میں۔ اس لئے اگر سنی سنائی کوئی ایسی بات ہو تو پوچھ لو تاکہ دل میں کوئی ایسی بد گمانی نہ رہے۔

سوال: طریقت کیا چیز ہے؟
جواب: میں نے یہ سارا قصہ طریقت کا ہی کیا ہے نا۔ شریعت یہ ہے کہ ظاہری زبان سے رکوع و سجود جو کچھ بھی کرتے ہیں یہ شریعت ہے۔ وہ جو اندر کی روحیں ہیں جب وہ عبادت کرتی ہیں وہ طریقت ہے نا۔ حضور پاک صلیٰ اللہ علیہ وسلم کی شریعت یہ تھی مسجد میں نماز پڑھاتے تھے لوگ پڑھتے تھے۔ یہ شریعت تھی۔ تو طریقت یہ تھی وہ معراج پہ چلے گئے نا۔ اب پھر وہ لوگ جو ہیں نا وہ بھی معراج پر پہنچنے کی کوشش کرتے ہیں نا۔ کچھ لوگ پہنچ جاتے ہیں ۔ صرف یہ ہے کہ حضور پاک صلیٰ اللہ علیہ وسلم جسم سے پہنچے دوسرے لوگ جسم سے نہیں پہنچے وہ ان روحوں کے ذریعے وہاں تک پہنچ جاتے ہیں۔ یہ طریقت ہے۔ شریعت میں یہی ہے کہ تو مسجد میں جا کے نماز پڑھ جماعت سے۔ تو طریقت میں یہ ہے کہ وہاں عرش معلی میں نماز پڑھ حضور پاک صلیٰ اللہ علیہ وسلم کے پیچھے جا کے۔ یہ طریقت ہے۔ اس کے آگے بھی منزلیں ہیں پھر حقیقت ہے، معرفت ہے۔ ابھی تم طریقت کا پوچھ رہے ہو پھر حقیقت ہے، معرفت، فنا، بقا، لقاء۔ کتنی منزلیں ہیں۔

سوال: یہ کس طرح پتہ چلے گا کہ ہم کہاں ہیں؟
جواب: جب آپ اللہ اللہ کریں گے نا۔ آپ مسجد میں جاتے ہیں تو آپ کو پتہ ہے کہ میں پڑھتا ہوں۔ جب آپ کا یہ دل اللہ اللہ میں لگ جائے گا تو آپ کو پتہ چلے گا کہ ادھر بھی دل کی طرح ٹک ٹک شروع ہو گئی ہے۔ اب یہاں بھی اللہ اللہ کی آواز آتی ہے۔ پھر پتہ لگا کہ میرے سر میں بھی اللہ اللہ کی آواز آنی شروع ہو گئی۔ تو اس سے آپ کو پتہ چلے گا۔ اس کے ساتھ ساتھ جس طرح اب آپ کو خواب شیطانی آتے ہیں پھر رحمانی خواب آنا شروع ہو جائیں گے نا۔ پھر آپ سمجھ جائیں گے کہ میں حضور پاک صلیٰ اللہ علیہ وسلم کے روضے پر چلا گیا۔ میں نے خانہ کعبہ دیکھا۔ میں ولیوں کے درباروں پہ جا رہا ہوں۔ تو پتہ چلتا جائے گا نا اس طرح۔ پھر جو آپ کا ماسٹر ہو گا وہ گائیڈ کرتا رہے گا نا آپ کو۔
 

اچھا اس کا تھوڑا سا یہ ہے کہ وہ تصور تو آنکھوں میں چلا گیا۔ اب جب رات کو سونے لگیں اس شہادت کی انگلی کو قلم خیال کریں کہ میں تصور سے اپنے دل پر اللہ لکھ رہا ہوں۔جو ابھی تمہارا مرشد ہے اس کو پکاریں کہ وہ روحانی طاقت سے تمہارے دل پر اللہ لکھے۔ مرشدوں کا یہی کام ہے اللہ کو ملانے کیلئے آتے ہیں۔ تم ان کو دنیا میں لے جاتے ہو۔ وہ اللہ کیلئے آتے ہیں۔ اگر کوئی مرشد نہیں ہے یا تمہارا مرشد کمزور ہے۔ آج کل کمزور بہت ہیں نا۔ ولی تھا اس کا پھر بیٹا پھر پوتا۔ صدیوں سے یہ سلسلہ چل رہا ہے تو سارے تو ولی نہیں ہوتے نا۔ جو لوگ گدی نشین یا سجادہ نشین کے ہاتھ چڑھ گئے نا تو ان کو یہ چیز حاصل نہیں ہوتی ہے نا۔ اگر وہ کمزور ہے نہیں پہنچتا ہے تو جس دربار پہ تمہارا آنا جانا ہو، کامل دربار ہو، اس کا تصور لیں کہ وہ دربار والا میری مدد کر رہا ہے۔ جو کامل ذات ہے جس طرح اپنی زندگی میں فیض پہنچا سکتے تھے نا اسی طرح زندگی کے بعد فیض پہنچا سکتے ہیں۔ اس کے بعد اگر وہ بھی کوئی نہیں پہنچتا تو حضور پاک صلیٰ اللہ علیہ وسلم کے روضے کو لے لیں کہ میں آپ کا امتی ہوں۔ اب میں اس تگ و دو میں لگ گیا اللہ کو پانے میں میری مدد کریں۔ پھر جہاں آپ کا نصیبہ ہو گا وہ تو وہ چہرہ دربار آپ کے سامنے آ جائے گا۔ صبح اٹھیں، وضو ہے یا نہیں، دل کا وضو پانی سے تھوڑی ہوتا ہے۔ سارا دن پانی میں گھسے رہو پانی اندر تھوڑی جائے گا۔ ذکی خفی کرتے رہیں۔
 

جس دن دل کی دھڑکن نے پکارا اللہ ہو سمجھیں آج میری گاڑی اللہ کی طرف چل پڑی۔ یہ طریقت ہے۔ طریقت کا تعلق اس دل سے ہے۔ پھر اللہ اللہ کرتے اللہ تک پہنچ جاتا ہے۔ اس کو حقیقت بولتے ہیں۔ حقیقت کا تعلق ان نظروں سے ہے۔ جس کو پکارتا ہے ایک دن اس کو دیکھ لیتا ہے۔
 

سوال: کیا صوفی ازم یہی ہے؟
جواب: صوفی ازم یہی ہے۔ یہ حضور پاک صلیٰ اللہ علیہ وسلم کے زمانے سے ہے۔ حضور پاک صلیٰ اللہ علیہ وسلم کے زمانے سے پہلے بھی تھا۔

 

سوال: بعض لوگ کہتے ہیں کہ یہ بعد میں آیا ہے۔ کچھ صدیوں بعد؟
جواب: نہیں نہیں !حضور پاک صلیٰ اللہ علیہ وسلم کے زمانے میں تھا۔ موسی علیہ السلام کے زمانے میں اس قسم کے لوگ تھے جو گھر بار چھوڑ کے اللہ کیلئے لگ گئے تھے ان کو راہب کہتے ہیں۔ جو عیسی علیہ السلام کے ساتھ لگ گئے گھر بار چھوڑ کے ان کو حواری کہتے ہیں۔ حضور پاک صلیٰ اللہ علیہ وسلم کے زمانے میں جن لوگوں نے اللہ کیلئے گھر بار چھوڑا ان کو اصحاب صفہ کہتے ہیں۔ تو یہ اصحاب صفہ سے چلا ہے۔ یہ حضور پاک صلیٰ اللہ علیہ وسلم کے زمانے سے ہی آ رہا ہے۔ پھر اصحاب صفہ بیٹھ کے ذکر وغیرہ کرتے۔ وہ چونکہ بہت زیادہ غریب ہوتے تھے۔ پھٹے پرانے کپڑے ہوتے تھے۔ تو یہ خیرات، زکوۃوغیرہ اس وقت سے شروع ہوئی ہے۔ کہ ان کو خیرات دن زکوۃ دو ان کا حق ہے۔ اس وقت سے یہ سلسلہ شروع ہے۔ تو پھر جب آپ ان کے پاس بیٹھتے تھے نا تو صحابہ کرام رضی اللہ تعالٰی کہتے تھے کہ آپ ان کے ساتھ بیٹھیں گے تو لوگ مذاق اڑائیں گے۔ یہ بھوکے ننگے ہیں ان کے پاس جا کے بیٹھ جاتے ہیں۔ یہ آپ کی شان کے خلاف ہے۔ تو آپ صلیٰ اللہ علیہ وسلم نے تھوڑے دن انتظار کیا تو آیت اتری کہ آپ ان کے پاس بھی بیٹھا کریں۔ پھر حضور پاک صلیٰ اللہ علیہ وسلم ان کے پاس بیٹھا کرتے تھے۔ یہ وہاں سے صوفی ازم شروع ہوا ہے۔

لیکن اسلام میں کچھ فرقے ہیں جو اس کو نہیں مانتے ہیں۔ وہ کہتے ہیں جو کچھ ظاہر میں ہے بس۔ ہم کہتے ہیں جو کچھ ظاہر میں ہے (ظاہر کیلئے ہے وہ یہ کہ) اللہ تعالی نے کہا ظاہر میں بھی جا۔ تو ظاہر میں جا کے مسجد میں نماز پڑھ لوگ تجھے دیکھیں۔ ان لوگوں کیلئے ہے کہ تیرا اخلاق کیا ہے تو اپنی بات کیسے کرتا ہے۔ تاکہ وہ تیری طرف رجوع ہوں۔ تو وہاں جا لوگوں کے ساتھ مل جل۔ نمازوں کے بعد ایک دوسرے کو جپھی بھی ڈالتے ہیں مصافحہ بھی کرتے ہیں تاکہ تمہارا آپس میں راضی نامہ ہو، دشمنیاں ختم ہوں۔ پھر اک عبادت کے بعد کہا پوشیدہ پوشیدہ۔ کہ میں جانوں اور تو جانے اور اس کو بھی خبر نہ ہو۔ وہ یہ عبادت ہے نا۔ اب کیا خبر اس کے اندر اللہ اللہ ہو رہی ہے۔ نہ اس کو پتہ نہ ساتھ والے کو پتہ۔ یہ طریقت ہے خفیہ خفیہ پوشیدہ پوشیدہ۔
جو تصوف کے قائل نہیں آپ اس سے صرف اتنا ہی پوچھ لیں کہ اگر یہ تسبیح (ہاتھ والی) کرنا صحیح ہے تو بجائے اس ٹک ٹک کے ساتھ اندر کی ٹک ٹک کے ساتھ اللہ اللہ مل جائے تو اس میں کیا جرم ہے۔ اس میں وضو کی ضرورت ہے اس میں وضو نہ ہو تو تب بھی چل جاتا ہے نا۔ اس میں ادب کی ضرورت ہے اس میں جو اندر کی چیزیں ہیں وہ خود ہی ادب کریں گی نا۔ ہمارا لوگوں سے بھی تکرار ہوتا ہے لیکن اس چیز پر آ کر وہ قائل ہو جاتے ہیں۔

سوال: کہتے ہیں کہ اگر اللہ اللہ کریں تو پردہ ہٹ جاتا ہے اور سب نظر آنے لگتا ہے؟
جواب: یہ (دماغ میں) ایک مخلوق (لطیفہ انا) ہے جس کے ذریعے تم سوچتے ہو۔ جانور کیوں نہیں سوچتا ہے۔ اس کا دماغ تم سے زیادہ بڑ ا ہے۔ جانور کو جب پانی بھی ملتا ہے‘جنگلوں میں ‘دریاؤں میں ‘گھاس بھی ادھر ہوتا ہے۔ پھر وہ ادھر کیوں قیدی بنا بیٹھا ہے۔ اگر سوچے تو بھاگ جائے نا۔ صرف وجہ یہ ہے کہ اس میں وہ مخلوق نہیں ہے نا جس سے وہ سوچ سکے۔ تمہارے اندر ایک مخلوق ہے جس کے ذریعے تم سوچتے ہو۔ اسی مخلوق کے ذریعے لوگ حافظ بن جاتے ہیں۔ اس دماغ سے کیسے حافظ بنتے ہیں۔ وہ مخلوق حافظ بنتی ہے نا وہ جو اندر مخلوق ہے وہ حافظ بنتی ہے وہ زبان سے پڑھتا ہے۔ اگر اس مخلوق میں اللہ کا نور آ جائے جس کا ایک طریقہ ہے اس کا ذکر ’’یا ھو‘‘ ہے پھر تصور ہے ’’اللہ محمد‘‘کا۔ اس سے پھر طاقت پکڑتی ہےنا۔ وہ تو حافظ بن گیا یہیں نا تو یہ یہاں سے نکلتی ہے اور اللہ تک پہنچتی ہے نا۔ جو ولیوں کودیدار ہوتا ہے تو اس مخلوق کے ذریعے ہوتا ہے۔ لیکن جب یہ ساری مخلوقیں (قلب ‘روح ‘سری ‘خفی ‘اخفی) بالغ ہو جاتی ہیں تو پھر اس (لطیفہ انا) کا نمبر آتا ہے۔

سوال: ان مخلوقیں کے بالغ ہونے کی کیا نشانی ہے؟
جواب: جس کے اندر ہوتی ہیں اس کو پتہ چلتا ہے۔ دوسرے کو نہیں پتہ چلتا۔ جب یہ حرکت میں آئے گی تھوڑی بھی جان پکڑے گی تو اندر کا پتہ چلے گا کہ کوئ ہل جل رہا ہے بندہ۔ پھر اس کے پھر طریقے ہوتے ہیں۔ اب اس کو جھٹکا دے کر نکال۔ پھر جھٹکے سے تھوڑی اوپر جاتی ہے۔ پھر تھوڑی اوپر جاتی ہے۔ یہ تو ایک باقاعدہ علم ہے سیکھا جاتا ہے نا۔ اس کیلئے بارہ بارہ سال ولیوں نے جنگلوں میں لگائے۔ دیدار ہو گیا تو مڑ کے گھر آ گئے کہ اب منزل ہی پوری ہو گئی ہے جنگلوں میں رہیں یا گھر میں رہیں۔

سوال: سرکار جن کا ذکر نہیں چلتا۔ کوشش کرتے بھی ہیں۔ جب وہ باہر نکلتے ہیں تو دنیا میں ان سے غلط کام بھی ہو جاتے ہیں؟
جواب: اللہ ان کو نہیں چاہتا نا۔

سوال: ایک جن کا ذکر چل رہا ہے۔ جن کا دل بھی چل رہا ہے۔ان کو محسوس بھی ہوتا ہے۔ وہ پھر بھی گناہ کرتے ہیں؟
جواب: وہ اس وقت تک گناہ کرتے رہیں گے جب تک ان کا نفس شیطان پاک نہیں ہو گا۔ لیکن یہ ضرور ہو گا کہ ابھی یہ اللہ اللہ کر رہا ہے۔ لیکن اس سے زیادہ طاقت وہ جو شیطان ہے اس میں ہے۔وہ جو نفس ہے اس میں زیادہ طاقت ہے۔ جس دن یہ اللہ اللہ مکمل ہو جائے گی اس پر غالب آ جائے گی نا۔ تو پھر اس کو روک سکے گی نا۔ ابھی تو روک نہیں سکتی اس کو۔ اب وہ جو گناہ کرتا ہے گناہ کا کوئی اس کو پچھتاوہ نہیں ہے لیکن جب ذکر قلب کے ساتھ گناہ ہوتا ہے تو اس کو پچھتاتا ہے اس ندامت ہوتی ہے۔ یہ مخلوق ندامت بھی کرتی ہے۔ پھر سوچتا ہے کہ میں کس طریقے سے گناہ سے بچوں۔
اللہ تعالی فرماتا ہے مجھے وہ لوگ بھی عزیز ہیں جو گناہ سے بچنے کی ترکیبیں سوچتے ہیں۔

اور وہ گنہگار ہے جس کے اندر اللہ اللہ نہیں ہے۔ تو ہی گنہگار ہے۔ اور یہ بھی گنہگار ہے جس کے اندر اللہ اللہ ہے۔ ایک دن یہ اللہ اللہ اس (گنہگار) کو پرہیز گار بنا دے گی نا۔ اب اس کے اندر گاڑی چل پڑی ہے۔ اس کو دوائی ملنا شروع ہو گئی ہے نا۔ دوائی سے اس کو ایک دن شفاہو ہی جائے گی نا۔ اور دوسرا یہ ہے کہ وہ گناہ کرتا ہے گناہ لکھا گیا نا نیکی تو کوئی نہیں نا؟ اس نے جو اللہ اللہ کر رہا ہے اگر گناہ کیا تو گناہ لکھا گیا اور وہ جو اللہ اللہ کرتا ہے اس کی نیکی بھی تو لکھتے ہیں نا فرشتے۔ وہاں تو میزان ہو گا نیکیاں بھی تو گناہ بھی۔ یہ اللہ اللہ اس سے تو بہتر ہے نا جو نہیں کرتا ہے۔

پھر بعد میں چھوٹی موٹی غلطیاں ہوتی ہیں۔ بعض لوگوں کے ذکر چل رہے ہوتے ہیں۔ جھوٹ بول دیا۔ جب جھوٹ بول دیا تو بائیں والا کہتا ہے میں لکھتا ہوں اس نے جھوٹ بولا۔ اب دائیں والا کہتا ہے کتنے بجے بولا۔ کہا تین بجے ۔ کہتا ہے کہ تین بجے تو یہ اللہ اللہ کر رہا تھا۔ بھئی تو کہتا ہے کہ تین بجے واقعی اس نے جھوٹ بولا تو تین بجے اس کا اندر اللہ اللہ کر رہا تھا۔ تو کتنے بجے  تو لکھے گا؟ وہ سوچتا ہی رہتا ہے اور اللہ اللہ اس کے گناہ کا کفارہ کر دیتی ہے۔ کیونکہ ہے نا کہ گناہ کو نیکی کھا جا تی ہے وہ اس طریقے سے کھاتی ہے نا۔

سوال: سلطان باہو نے فرمایا ہے کہ چودہ طبق دل کے اندر ہیں اس کی تھوڑی سی وضاحت فرما دیں؟
جواب: میں نے بتا ہی دیا ہے کہ یہ انسان پہنچ سکتا ہے ان (لطائف) کے ذریعے ان مقامات پر۔

سوال: آپ نے کہا تھا کہ کچھ لوگ آپ کی مخالفت کر رہے ہیں پاکستان میں؟
جواب: یہاں (انگلینڈ) میں بھی کرتے ہیں۔

سوال: ان کے بارے میں کچھ وصاحت کریں کہ وہ لوگ کیا کہتے ہیں؟
جواب: ان کا بڑا رویہ ہی یہ ہے کہ اس کے پاس نہ جاؤ۔ وہ جادوگر ہے۔ جو بھی اس کے پاس جاتا ہے اسی کا ہو جاتا ہے۔ تو ہماری یہی (اللہ اللہ کی) باتیں ہوتی ہیں جو بھی آتا ہے۔ جس کے اندر اللہ اللہ شروع ہو جائے پھر وہ ہٹتا تو نہیں ہے۔ پھر وہ اس کو ہزار دلیلیں دیتے ہیں وہ نہیں جاتا۔ تو کہتے ہیں جادو کا اثر ہو گیا ہے اس کے اوپر۔ یہ زیادہ علماء طبقہ ہے۔ عام لوگوں کو مخالفت کی ضرورت نہیں ہے۔ علماء طبقہ ہے۔ جن کو اللہ کی ضرورت تھی وہ کدھر جاتے؟ علماء کے پاس ہی گئے نا۔ کچھ علماء نے ان کو بیعت کر لیا کہ تو میرا بیعت ہو جا نذرانہ دیا کر بس۔ پھر علماء کا بھی کام چلنا شروع ہو گیا نا۔ ایسا ہوا نا؟ اب وہ آٹھ دس سال سے عالم کے پاس ہے۔ جس طرح لوگ نمازیں پڑھتے ہیں اسی طرح وہ بھی پڑھ رہا ہے نا۔ جس طرح وہ قرآن پڑھ رہا ہے وہ بھی پڑھ رہا ہے۔ لیکن ان میں تو اللہ کی طلب نہیں تھی اس میں تو اللہ کی طلب نہیں ہے لیکن ہے ان جیسا ہی۔ پانچ چھ سال بعد جب اس نے یہ سنا کہ ذکر قلب بھی ہوتا ہے تو وہ ادھر آیا۔ اس کے اندر اللہ اللہ شروع ہو گئی نا۔ پھر وہ ادھر جانا بند ہو گیا نا۔ تو علماء کی دکانداری خراب ہو گئی نا۔ وہ ہمارے مخالف ہو گئے۔ مخالفت کی وجہ کیا ہے کہ نوجوان ادھر نہ جائے بس۔ ورنہ یہ ہمارے ہاتھوں سے نکل جائے گا۔

ہم تو کہتے ہیں کہ کوئی چیز ایسی ہے تو آؤ بتاؤ۔ تو وہ آتے بھی نہیں ہیں۔ سب سے پہلے انہوں نے مخالفت کا بیس بنایا۔ ہم نے ایک کتاب ’’روحانی سفر‘‘ لکھی تھی۔ کہ جو جو اس رستے میں دشواریاں آئیں۔ اس میں ہم نے جو خواب کی باتیں لکھی تھیں نا وہ انہوں نے ظاہر میں پیش کریں۔ اس پہ ہمارے اوپر کفر کے واجب القتل کے فتوے لگائے۔ پھر لوگ ہمارے خلاف ہو گئے۔ پھر جب لوگ خلاف ہوئے تم ہم نے اپنی صفائی تو پیش کرنی تھی نا۔ پھر ہم نے لوگوں کو کہا ایسا کرو تم کتاب خود پڑھو۔ پھر لوگوں نے جب کتابیں پڑھیں نا۔ تو اس میں تو خواب کی باتیں لکھی تھیں بھنگ پی تو خواب میں پی۔ خواب تو فتوؤں میں نہیں آتی ہے۔ پھر لوگوں نے انہی کو کہا کہ تم نے بہت بڑی خیانت کری۔ انہوں نے کہا وہ دوسری کتاب تھی۔ پھر لوگ ہمارے پاس آئے کہ دوسری کتاب؟ ہم نے کہا کہ دوسری کتاب تو ہے ہی نہیں۔ اگر ہو گی تو ان علماء کے پاس ہو گی اسی سے انہوں نے یہ لیا تو ان سے جا کر مانگو کہ ہم کو دکھاؤ۔ ابتداء مخالفت کی یہاں سے شروع ہوئی۔

پھر ہم نے ان کو کھلے عام کہا۔ جب انہوں نے اس قسم کی خیانت کی باتیں کریں۔ کچھ الزام ایسے لگائے جو تھے ہی نہیں تو پھر ہم نے کھلے جلسے میں ان کو کہا تھا کہ لوگ کہتے ہیں یہ بچہ شیطان ہے وہ شیطان ہے۔ کہتے ہیں۔ اس کو شیطان وہ نہیں ہوتا۔ وہ تو چھوٹا سا شیطان ہے اپنے لئے ہے نا دوسروں کا نقصان تو نہیں کرتا ہے نا۔ ہم نے کہا شیطان کی تشریح یہ ہے کہ وہ نمازی بھی ہو گا، عالم بھی ہو گا، سارے مسئلے بھی جانتا ہو گا لیکن حرص، حسد اور تکبر اس میں ہو گا۔ یہ بات ان کو بری لگی۔ پھر انہوں نے میٹنگ کر ی کہ اس نے ہم کو شیطان کہا ہے۔ پھر سارے ہمارے مخالف ہو گے۔ اور میں نے تنگ آ کے کہا تھا کہ کسی طریقے سے جان چھوٹے۔ واقعی! جو شیطان تھا نا بہت بڑا عالم تھا، عابد تھا، زاہد تھا، سارے مسئلے جانتا تھا نا۔ کس جگہ اس نے نماز نہیں پڑھی ۔ کس جگہ اس نے سجدہ نہیں کیا ؟ حرص، حسد، تکبر تھا جس کی وجہ سے وہ شیطان بن گیا۔ تو تم اس (بچے) کو شیطان کہتے ہو یہ کام تو اس نے نہیں کیا۔ اس دن سے وہ پیچھے لگے ہوئے ہیں۔ ابھی تک۔ لیکن اللہ رسول ہمارے ساتھ ہیں۔ یہ ہمارا کچھ بگاڑ نہیں سکتے۔

سوال: یہ کون مولوی ہیں؟
جواب: تقریباً زیادہ مولوی ہیں۔ جو صحیح قسم کے مولوی ہیں وہ خاموش ہیں۔ اگر کوئی ہمارا ساتھ دیتا ہے تو یہ اس کے پیچھے بھی لگ جاتے ہیں۔ اس کو مسجد سے نکلوا دیتے ہیں۔ اب ہم نے مولویوں کو چھوڑ دیا ہے۔ یہ جو دانشور طبقہ ہے، اس کو کہتے ہیں کہ تم بیچ میں آؤ اور ہماری مصالحت کرواؤ کیونکہ ان کی وجہ سے کافی نوجوان بھٹکے ہوئے ہیں۔ مولوی کو بڑا اعتراض یہ ہے کہ کسی مدرسے سے نہیں پڑھا ہوا۔ بھئی اگر مدرسے میں نہیں پڑھا ہوا، یہ ٹھیک ہے کہ میں مدرسے سے نہیں پڑھا ہوا تو پھر یہ باتیں میں کیسے کرتا ہوں؟ کہیں سے تو سیکھی ہوں گی نا۔ جو باتیں تم نہیں جانتے، میں مدرسے میں نہیں پڑھا ہوا لیکن میں تم سے زیادہ جانتا ہوں۔ اس کی کیا وجہ؟ کوئی مدرسہ ہو گا نا؟ تم نے شہروں کے مدرسوں میں پڑھا ہے تو ہم نے حضور پاک صلیٰ اللہ علیہ وسلم کے مدرسے میں پڑھا ہے۔ پھر ہم ان کو کہتے بھی ہیں۔

ہمارے کو یہ بتایا گیا، یہی بتایا گیا کہ تم مسلم کو بھی اکٹھا کر لو، ہندو کو بھی، سکھ کو بھی، عیسائی، غیر مذہبکو بھی اکٹھا کر لو۔ سب لائن میں کھڑا کر دو۔ تو رب جب دیکھا گا تو کسی چمکتے ہوئے دل کو دیکھا گا۔وہ مسلم ہندو کو نہیں دیکھے گا وہ چمکتے ہوئے دل کو دیکھے گا۔ اور اس کا ہم نے تجربہ کیا ہے۔

سوال: آپ فرماتے ہیں کہ قیامت تک سات سلطان آئیں گے۔ تو کیا میں پوچھ سکتا ہوں کہ ابھی تک کتنے ہو چکے ہیں؟
جواب: جتنا ہم کو پتہ ہے، پانچ کا ہم بتا سکتے ہیں اس سے آگے کچھ نہیں بتا سکتے۔ آخری جو سلطان تھے سخی سلطان باہو تھے۔ اس کے بعد چھٹے سلطان کو لوگ ڈھونڈھ رہے ہیں کوئی پتہ نہیں چل رہا کہ کون ہے۔ کیونکہ بہت سے لوگوں نے چھٹے سلطان ہونے کے دعوے کئے ہیں۔ جس میں ایک فقیر نور محمد کلاچی ہیں جن کو سلطان باہو  صاحب سے فیض ہے۔ انہوں نے کہا میں بھی سلطان ہوں۔ ان کے خلیفہ آئے خواجہ حمید۔ انہوں نے کہا میں بھی سلطان ہوں۔ فلسطین میں کئی آدمیوں نے کہا ہم سلطان ہیں۔ پتہ نہیں کون سلطان ہو گا ان میں سے۔
لیکن سلطان کی یہ نشانی ہوتی ہے۔ اگر آپ کو کسی ولی نے بیعت کیا تو آپ سلطان نہیں ہیں۔ فقیر نور محمد کلاچی  لکھتے ہیں کہ مجھے سلطان باہو نے بیعت کیا ہے۔ اس کا مطلب ہے کہ وہ سلطان نہیں ہیں۔ سلطان صاحب لکھتے ہیں مجھے حضور پاک صلیٰ اللہ علیہ وسلم نے بیعت کیا ہے۔ پھر جو بھی سلطان ہو گا اس کو حضور پاک صلیٰ اللہ علیہ وسلم بیعت کریں گے۔