ان چیروں کے اوپر روشنی ڈال دیں نا کیونکہ جب یہ سمجھ میں نہیں آتی نا تو لوگ وایلا کرتے ہیں۔ جو آتے ہیں وہ سمجھ جاتے ہیں، جو آتے نہیں ہیں وہ سمجھتے نہیں ہیں۔ جب ہم کسی عالم کے پاس جاتے ہیں کہ کوئی ہم کو اللہ کا رستہ دکھاؤ تو وہ کہتا ہے کہ شریعت اپناؤ یہی کہتا ہے نا۔ تو بات سہی ہے۔ سُنی عالم کے پاس جائیں گے تو وہ بھی کہے گا شریعت اپناؤ۔ دیوبندی کے پاس جاتے ہیں وہ بھی کہتا ہے شریعت اپناؤ۔ حتیٰ کہ مرزئی بھی کہتا ہے شریعت اپناؤ۔ سارے فرقے والے کہتے ہیں شریعت اپناؤ۔  پھر ہم کہتے ہیں اگر شریعت پوری کرنے سے جنت ملتی ہے اللہ ملتا ہے تو پھر یہ اتنے فرقے کون سے ہیں؟ پھر کس فرقے میں جا کے شریعت اپنائیں؟ جبکہ ہر فرقے میں شریعت ہےتو پھر وہ کہتے ہیں کہ شریعت حقا ہو سچی شریعت ہو۔ اب سمجھ میں نہیں آتی ہے کہ وہ سچی شریعت کون سی ہے۔ یہی کہتے ہیں نا؟ اؤ سچی شریعت کون سی ہے؟ تمہاری بھی ڈاڑھی ہے، دیوبندی کی بھی ڈاڑھی ہے، پرویزی کی بھی ڈاڑھی ہے، وہ بھی نماز پڑھتا ہے تم بھی نماز پڑھتے ہو، وہ بھی شریعت میں ہے تم بھی شریعت میں، اندر سے وہ بھی خالی اندر سے تو بھی خالی۔ سب گدوں پہ سوار ہیں صرف ذبانوں کا فرق ہے۔ اب وہ جو شریعت حقا ہے جس کو کہتے ہیں شریعت حقا حقیقی شریعت وہ کونسی ہے؟ ایک تو ہم نے سنا ہے کہ شریعت محمدی ہے جانتے ہو نا۔ کبھی یہ بھی سنا ہو گا کہ شریعت احمدی بھی ہے ضرور کسی کتاب میں پڑھا ہوگا کہ شریعت احمدی بھی ہے۔

شریعت محمدی کیا ہے؟ اس دُنیا میں اس ناسوت میں لوگ حضور پاک صلیٰ اللہ علیہ وسلم  کو محمد صلی اللہ علیہ وسلم کے نام سے پکارتے ہیں۔ آپ چونکہ اس دُنیا میں جسم سے آئے اب جو جسم سے نماز، روزہ کریں گے نا وہ شریعت محمدی ہے نا۔ نہیں سمجھے؟ اس میں سارے فرقے والے ہیں۔

تو وہاں کیسے جاؤ گے؟ تم نہیں جا سکتے آسمانوں میں تم کیسے جاؤ گے؟ وہ جو تمہارے اندر روحیں ہیں وہ جائیں گی نا۔ جب تم روحوں کو طاقتور کرو گے تو وہ روحیں وہاں جائیں گی۔ یہاں بھی حضور پاک صلیٰ اللہ علیہ وسلم نماز پڑھاتے تھے، پڑھاتے ہیں اور وہاں بھی نمازیں پڑھاتے ہیں۔
 

وہی شریعت ہے اگر میسر آجائے تو جنتی ہی جنتی ہے، اللہ ہی والا ہے۔ اب چونکہ اُس شریعت کا تعلق روحوں سے ہے یہ جسم نہیں جا سکتا، روحیں جاتی ہیں۔ اب روحوں کو طاقتور کرنا ہے نا۔ اس شریعت کے لیے جنگل میں جانے کی ضرورت نہیں ہے۔ اگر تو نے نمار روزہ کرنا ہے تو گھر میں بیٹھ کر کر نا۔ جنگل میں کیوں جاتا ہے۔ اُس شریعت کے لیے ہمارے سارے بزرگ جنگلوں میں گئے نا۔ گئے نا سارے گئے نا! داتا صاحب بھی گئے، خواجہ صاحب گئے، غوث پاک گئے سارے جنگلوں میں اُس شریعت کے لیے گئے نا۔ اس شریعت میں اس جسم کو خوب کھلاتے ہیں نا۔

اب وہ نور کیسے آتا ہے؟ یہاں یہ جو شریعت یہ تسبیح سکھاتی ہے ٹک ٹک کے ساتھ اللہ کر۔
 

جب یہ تسبیح ٹک ٹک کرتی ہے اس کے ساتھ اللہ اللہ ملائیں۔ وہ اللہ اللہ کے ٹکراؤ سے نور بنتا ہے لیکن اُنگلیوں میں نا اندر تو نہیں ہے نا۔ بعض لوگ بیٹھ کے ہلکا کرتے ہیں اللہ ھو اللہ ھو کرتے ہیں وہ بھی نور بنتا ہے وہ زبان سے باہر ہے نا اندر تو وہ بھی نہیں ہے نا، روحیں تمہاری تو اندر ہیں۔ جب تمہارے اندر! اندر بھی اللہ نے تسبیح لگائی ہے وہ ٹک ٹک ٹک کرتی ہے، جب اُس ٹک ٹک کے ساتھ اللہ ملاتے ہیں نا تو پھر جو اللہ اللہ کا رگڑا لگتا ہے نا، تو وہ جو نور بنتا ہے نا، سیدھا خون میں جاتا ہے کیونکہ اندر اللہ اللہ ہو رہی ہے، اندر رگڑا لگا رہا ہے جب اندر نور خون میں جاتا ہے خون سے ہوتا ہوا پھر سب نسوں میں چلا جاتا ہے پھر جو تمہاری روحیں ہے نا وہ نسوں کے اندر ہیں پھر وہ نور ان نسوں میں پہنچ جاتا ہے، جب نسوں میں پہنچتا ہے تو پھر وہ بیدار ہوتیں ہیں پھر وہ اللہ اللہ کرنا شروع کر دیتی ہیں۔ پھر جب وہ اللہ اللہ کرنا شروع کر دیتی ہیں پھر چوبیس گھنٹے اللہ اللہ، چوبیس گھنٹے اللہ اللہ، پھر اللہ اللہ کا نور اس دل میں جمع ہو جاتا ہے، جب اس دل میں جمع ہو جاتا ہے اب تم سوتے رہنا وہ روحیں اپنی اللہ اللہ کرتی رہیں گی اور دل بھی اللہ اللہ کرتا رہے گا۔ اب تمہیں اللہ نے اس شریعت والے کو نہیں کہا کہ ہر وقت میرا ذکر کر، تجھے نہیں کہا تو شریعت محمدی میں ہے، شریعت احمدی والے کو کہا ہے ہر وقت ذکر کر اُٹھتے بیھٹتے حتیٰ کہ کروٹیں لیتے بھی میرا ذکر کر۔

تو کام کاج کر اس جسم کو کہا ہے تو کام کاج کر کام کاج کرے گا، پھر سوئے گا، اس کے بچے بھی ہیں اور وہ جو اندر ہے ایک دفعہ تو اُس کو جگا لے، تجھے نیند آتی ہے نا اُس کو تو نیند نہیں آتی ہے نا۔ تیرے بچے ہیں نا اُس کے  بچے تو نہیں ہیں نا۔ اک دفعہ تو اُس کو جگا لے پھر جب نور اندر جائے گا نا تو اُسکی غذا نور ہے نا۔ اب وہ تمہارے اندر روحیں چمٹی ہوئی ہیں باہر نہیں نکلتی ہیں۔ اک شیطانی باہر نکلتی ہے جو خواب میں باہر جاتی ہے، شیطانوں میں گھوم کے واپس آ جاتی ہے، وہ شیطانی روح ہے اُس کو نفس بولتے ہیں۔ اب وہ اللہ کے نور سے تمہارے اندر کی جو روحیں وہ بھی طاقتور ہوں گی، اتنی طاقتور ہو گئی جس طرح وہ نفس نکلتا ہے، نفس نکلتا ہے شیطانوں میں نکلتا ہے۔ جب یہ نوری ہو جاتی ہیں یہ سینے سے نکلتی ہیں تو نوریوں کے پاس جاتی ہیں سیدھی حضور پاک صلیٰ اللہ علیہ وسلم کے قدموں میں۔

پھر حضو ر پاک صلیٰ اللہ علیہ وسلم کے قدموں میں پھر اُس کو وہاں سے اجازت ہوتی ہے۔ اب یہ شریعت احمدی میں اس کو بھیج دو۔ پھر وہاں اوپر بھی شریعت ہے۔ پھر اوپر جا کہ نماز پڑھتی ہیں حضور پاک صلیٰ اللہ علیہ وسلم نماز پڑھاتے ہیں۔
 

آدم علیہ السلام سے پہلے وہ نماز چل رہی ہے اور اُس کا ثبوت ہے۔ جب حضور پاک صلیٰ اللہ علیہ وسلم شب معراج میں گئے تو اُس نماز کا وقت ہو گیا آپ صلیٰ اللہ علیہ وسلم نے وہ نماز بیت المقدس میں پڑھائی۔ سب نبیوں کی روحوں کو وہ نماز بیت المقدس میں پڑھائی نا۔ حکم ہوا کہ چلو یہیں بیت المقدس میں ہی نماز پڑھا لو وہ نماز اوپر بیت المعمور میں ہوا کرتی تھی۔ اب رہا سوال کہ اُس نماز کے بعد حضور پاک صلیٰ اللہ علیہ وسلم اوپر گئے نا تو وہ جو نماز ملی وہ کس کے لیے ملی؟ وہ اُمت کے لیے ملی کیونکہ وہ بعد میں اوپر گئے نا یہ نماز پڑھا کے گئے نا تو پھر وہ نماز کس کے لیے ملی؟ وہ اُمت کے لیے ملی وہ شریعت ِمحمدی کہلائی جو پہلی پڑھتے تھے وہ شریعت احمدی ہے۔ پھر یہ تمہاری روحیں جب اوپر جائیں گی وہاں بیت العمور میں اُن کی نماز ہوتی ہے۔ وہ سر ہی نہیں اٹھایں گی جب تک اللہ جواب ہی نا دے سبحان ربی الاعلی، سبحان ربی الاعلی پھر جواب آئے گا لبیک یا عبدی پھر وہ سر اٹھائیں گے نا۔ وہ نماز ہے جس میں اللہ جواب دے گا کہ میں نے تجھے قبول کر لیا۔ اب اُس کے لیے ضروری نہیں ہے کس فرقے کا ہے۔ اُس کے لیے ضروری بھی نہیں ہے کوئ ہندو ہے، سکھ ہے، عیسائی ہے، اُس کے لیے یہ بھی ضروری نہیں ہے بس اللہ کا بھیجا ہوا بندہ ہے جس کے اندر وہ روحیں باہر نکل کے چلی گئیں۔ ہر وقت اللہ اللہ کرنے سے اُن میں اللہ کا عشق پیدا ہو جائے گا تو وہ روحیں جب جائیں گی تو وہیں جا کے نمازیں پڑھیں گی نا خواہ کوئ بھی ہے۔ بھئی جس نے بھی اپنی روح کو جگایا لیا خواہ کسی بھی فرقے سے ہے نا وہ وہیں جا کے نماز پڑھے گا نا تو پھر نہیں کہے گا میں سنی، میں شییہ، میں وہابی، بس اُمتی ہوں تمہارا یا رسول اللہ۔ جب اُس میں عشق آ جائے گا ہر وقت اللہ اللہ کرنے سے کوئی بھی شخص اللہ کرتا ہے کوئی بھی شخص اُس کے دل میں اللہ کی محبت پیدا ہو جاتی ہے۔ جب اُس کے دل میں اللہ کی محبت پیدا ہو جاتی ہے پھر اللہ اُس سے محبت کرتا ہے۔ ایک دن اُس کو دیکھتا ہے۔

یہ دوسرا رستہ ہے جس کو لوگ سمجھ نہیں سکتے اور واویلا مچاتے ہیں۔ ہم کوئی نماز کے منکر نہیں ہیں۔ نماز کا منکر کافر ہے۔ ہم کہتے ہیں وہ نماز حاصل کرو نا اُس شریعت ِاحمدی میں جاؤ نا۔ اور اُس کے لیے ثبوت ہے۔ یہ کہتے ہیں سب کچھ اسی شریعت میں ہے یہی کہتے ہیں نا؟ ہم کہتے ہیں کہ اگر سب کچھ اسی میں ہے تو پھر ہمارے بزرگ جنگلوں میں کیوں گئے تھے؟ پھر وہ اُس کے لیے گئے نا، ہم کہتے ہیں تم بھی تو نکلو نا۔ چلو جنگلوں میں نہیں گھروں میں ہی کچھ نہ کچھ تو کرو نا۔

یہ نماز تم دس بیس چالیں پچاس سو سال پڑھ لو گے۔ مر گئے تو ختم ہو گئی نا تمہاری کاپی بند ہوگئی نا۔ وہ نماز تم کو نصیب آگئی تو پھر وہ روحیں تو مرتی ہی نہیں ہیں، وہ تو قیامت تک ہی وہ نمازیں پڑھتی رہیں گی نا۔ قیامت تک تمہارا درجہ کیا ہوگا اور اُس کے لیے حدیث شریف میں ہے کہ کسی مومن کا کسی مقام پے رُک جانا حرام ہے۔ اگر تو اس شریعت میں ہے تو اُس شریعت میں جا۔ نا۔ جب اُس شریعت میں جائے گا اُس میں اللہ ملتا ہے۔ اس میں جنت ملتی ہے، اُس شریعت میں جب جائے گا تو رستے میں کسی جگہ بھی مارا گیا تو تیرا نام شہیدوں میں ہے نا۔ توجو لوگ اللہ کے رستے میں مارے جائیں اُن کو مردہ مت کہو وہ شہیدوں میں چلا جاتا ہے نا۔ وہ شہید ہے وہ ہر کسی کو میسر نہیں ہے۔
 

اُس کا طریقہ ہے۔ وہ جس کو اللہ چاہتا ہے اُسی کو میسر ہوگی۔ ہم جس کو چاہیں وہ نہیں جس کو اللہ چاہے گا۔ ہم وہ طریقہ بتا سکتے ہیں کہ اس طریقے سے پتہ چل جائے گا۔ ایک دفعہ غوث پاک جنگل میں گئے دل نہیں لگا واپس جانے لگے ایک گٹھڑی تھی وہ گر گئی۔ آگے پیچھے دیکھا کوئی بھی نہیں۔ گٹھڑی اٹھائی پھر چل پڑے۔ آگے جا کے خود گر گئے۔ آگے پیچھے دیکھا کوئی بھی نہیں، پریشان ہوئے کس نے گرا دیا؟ آواز آئی گھبراو نہیں واپس بغداد شہر میں چلے جاؤ۔ آپ فرماتے میرا بغداد شہر میں کیا کام؟ کہ میرے کچھ بندے ہیں جو تمہارے ذریعے مجھ تک پہنچیں گے۔ یہ اللہ کے ہی بندے ہوں گے جن کو اللہ نے پہلے ہی سلیکٹ کیا ہو گا اُن طریقہ بتائیں گے وہ اُس طریقے سے چل پڑیں گے۔ اور وہ طریقہ کیا ہے۔ اس کو روزانہ کوئی بھی مذہب سے ہے کوئی بھی فرقے سے ہے اس سے مطلب نہیں ہے۔ مقصد ہے اللہ کو پانا۔ جب اللہ مل گیا تو جدھر اللہ اُدھر وہ ہو جائے گا نا۔

اب ہر مذہب اللہ کے لیے بنا نا۔ ہر فرقہ اللہ کو پانے کے لیے ملا نا۔ بھئی اگر سارے سُنی اللہ کو پا جاتے تو دیوبندی وہابی کیوں ہوتا؟ وہ نہیں پا سکے نا تو پھر اُنھوں نے اللہ کو پانے کے لیے دوسرا رستہ اختیار کیا نا۔ اُس نے تیسرا رستہ اختیار کیا نا۔ نہیں پایا تب رستہ اختیار کیا نا۔

© 1998-2010 All Faith Spiritual Movement Intl'
admin@theallfaith.com