جولائی 16 تا 31 جولائی 1999 ء

ختم نبوت صلیٰ اللہ علیہ وسلم پر ہمارا ایمان کامل ہے۔

گُجر خان ( نمائندہ خصوصی ) انجمن سر فروشان اسلام کے بانی و سرپرست اعلٰی حضرت سیدنا ریاض احمد گوہر شاہی مدظلہ العالی نے نمائندہ خصوصی صدائے سرفروش سے خصوصی گفتگو کرتے ہوئے فرمایا کہ حضرت محمد مصطفٰی  صلیٰ اللہ علیہ وسلم کو وہ آخری نبی مانتے ہیں اور ہمارا ایمان ہے کہ أن کو آخری نبی نہ ماننے والا مسلمان ہی نہیں ہو سکتا، وہ کافرو زندیق ہے، اِس حسّاس موضوع کو چھیڑ کر کچھ مولوی حضرات محض اپنی دکانداری چمکانا چاہتے ہیں ۔ وہ ملک میں فرقہ واریت کو ہوا دینا چاہتے ہیں ۔ یہ أن کے اندر کا سیّاہ پن ہے۔ عالم دین کو چاہیے کہ وہ ظاہری تعلیمات کے ساتھ ساتھ باطنی تعلیمات پر بھی توجہ دے۔ روحانی تعلیمات سے جب انسانی باطن صاف ہو جاتا ہے تو پھر ظاہر بھی درست ہو جاتا ہے۔ ظاہری خوش پوش مُلاں باطنی کدورتوں کی بنا پر ایک دوسرے پر جھوٹی تہمتیں لگاتے ہیں حتٰی کہ نمازیوں  کو بھی شہید کرنے سے دریغ نہیں کرتے۔ جب کہ انسان کا من پاک ہو جاتا ہے تو وہ آدمی تو کجا چیونٹی کو بھی مارنے سے بھی دریغ کرتا ہے۔ روحانی تعلیمات اسلام کی اصل روح ہے جو کہ عین تعلیمات نبوی صلیٰ اللہ علیہ وسلم ہے۔ اِن پر عمل پیرا ہو کر ہی ہم أمت محمدی  کہلانے میں حق بجانب ہوں گے۔ وگرنہ مختلف فرقوں میں بٹے ہوئے لوگ خود کو صیحیح اور دوسروں کو کافر ہی کہہ سکتے ہیں ۔ عالم حق نبی پاک صلیٰ اللہ علیہ وسلم کی اصل روحانی تعلیمات کو فروغ دیں ۔ أنھوں نے ایک سوال کا جواب دیتے ہوئے فرمایا کہ حجر آسود، اور چاند ، سورج پر شبیہات کسی انسانی کاریگری کا نمونہ نہیں ہیں ۔ یہ منجانب اللہ ہیں۔ اِن پر تنقید اللہ پر تنقید کرنا ہے۔ ہمارے سچا ہونے کے لیے اتنا ہی کافی ہے کہ ہم آج بھی اپنے اسی موقف پر قائم ہیں کہ یہ ہماری شبیہات ہیں حکومت اِن کی تحقیقات کرے اور جو اصل حقائق ہوں أن سے عوام کو اگاہ کرے۔

الرٰ کے سٹیکر کی اشاعت کے بارے میں گفتگو کرتے ہوئے شاہ صاحب نے فرمایا کہ ہم نے اِس کی تقسیم پر پہلے ہی پابندی لگا دی ہے۔ چونکہ غیر مذاہب کے لوگوں نے ہماری محبت میں اسے چھپوا دیا تھا۔ وہ لاعلم تھے اِس لیے أنھیں منع کر دیا گیا کہ وہ آئندہ اِس قسم کے سٹیکر یا دوسری غیر شرعی چیزیں چھپوانے سے گریز کریں ۔ رہی مہدی کی بات تو ہم نے کبھی کسی موقع پر بھی اپنے مہدی ہونے کا دعویٰ نہیں کیا۔ ہم سے منسوب اعلان مہدی کی خبر قطعی جھوٹ پر مبنی ہے مولانا فضل أکاڑوی کی قیادت میں آٹھ رکنی وفد سے دوران ملاقات سوال کہ" ہندؤ بغیر کلمہ پڑھے کس طرح اللہ تک رسائی حاصل کر سکتا ہے؟ " یہ طریقہ اسلام سے باہر ہے۔ سرکار شاہ صاحب نے جواب میں وضاحت فرمائی کہ ہم باہر ممالک میں گئے جب ہندؤ، سکھوں ، عیسائیوں سے ملے تو أن کو کہا کہ کلمہ پڑھو تو وہ " لا الہ الا اللہ" تو پڑھتے مگر محمد رسول اللہ  نہ پڑھتے۔ تب  ہمارے دل میں خیال آیا کہ یہ حضور صلیٰ اللہ علیہ وسلم کا نام نہیں لیتے ۔ ہم اِن کو تبلیغ نہیں کریں گے، مگر اللہ تعالیٰ نے فرمایا کہ تو اِن کو لا الہ الا اللہ کی تعلیم دے۔ جب سال بھر بعد ہم گئے تو وہ لوگ محمد رسول اللہ  بھی پڑھ رہے تھے۔ اللہ کی محبت جب أن کے دل میں آگئی تو آہستہ آہستہ محمد رسول اللہ  کی محبت بھی خود بخود آ گئی۔ تب وہ مسلمان ہوئے اگر ہم أنہیں چھوڑ کرآ جاتے تو وہ آج مسلمان نہ ہوتے۔