آعوذبااﷲمن الشیطن الرجیم

بسم اللہ الرحمٰن الرحیم

ولایت تو یہ ہے نا۔ اب اگر آدمی بیعت ہو توولّی سے ہو نا۔ بکے تو ولّی کے آگے بکے نا۔ پھر اب ولّی کی پہچان نہیں ہے نا۔
اب پنجاب میں جاؤ ایک کہتا ہے میں غوث ہوں دوسرا کہتا ہے میں قطب ہوں۔ تیسرا کہتا ہے غوث زمان تو میں ہوں۔ سارے ہی کہتے ہیں نا۔ اب پہچاننے کے لیے تمھارے اندر کسوٹی ہو۔ جب تمھارے اندر اﷲ اﷲ شروع ہو جائے گی نا پھر تم جا کے بیعت ہونا۔ پھر ولّی کے پاس جانا۔ پھر جہاں بھی اﷲاﷲ تیز ہو گئی ٹکرا گئی سمجھ جانا یہ ولّی ہے جا بیعت کے ہو جانا۔ پھر ہمیں یہ تو خوشی ہو گی نا جہاں بھی گیا ولّی کے آگے گیا نا۔ تو ولّی تو سارے ایک ہوتے ہیں نا۔

اِس وجہ سے آدمی بکے بھلے دس سال بعد بکے۔ بکے ولّی کے آگے بکے۔ ابھی آپ جا کے بک گئے، ڈارھی دیکھ کے بک گئے۔ وہ بھی ناقص، تم بھی ناقص۔ نہ وہ کسی مرتبے میں ہے! جب وہ مرتبے میں نہیں ہے تو تم کس مرتبے میں پہنچو گے؟ اِس سے بہتر نہیں کہ تم پہلے اپنے آپ کو جوہری بنا لو۔ کسوٹی آجائے تمھارے پاس۔ اب سونا لینے کے لیے جاؤ نقلی لے آؤ گے۔ لیکن جب تم کسوٹی سیکھ لو گے، پھر تو نقلی نہیں لاؤ گے نا۔ پھر دس سال بعد بھی لاؤ گے تو اصلی ہی لآؤ گے نا۔ أس کی کسوٹی یہی ہے کہ تمھارے دل میں اﷲ اﷲ گونجنا شروع ہو جائے۔ پھر ولّی کی پہچان بڑی آسان ہے۔ اگر اﷲ اﷲ نہیں پھر تو تم ولّی کو پہچان نہیں سکتے۔ اور ہو سکتا ہے تمھارے گھر میں ہی ولّی ہو تم أس کو نہ پہچان سکو۔

ہم نماز روزے کے مخالف نہیں ہیں، شریعیت کے مخالف نہیں ہیں۔ ہم نے اگر پایا نا تو شریعیت کے زریعے ہی پایا۔ لیکن یہ کہتے ہیں کہ شریعیت وہ ہو نا، جو قابل قبول ہو نا۔ لیکن اِس کے بغیر شریعیت قابل قبول نہیں ہے نا۔ ہم تبھی زور دیتے ہیں کہ یہ صاف ہو پھر قبول ہے۔ اگر یہ صاف نہیں ہے تو قبولیت نہیں ہے نا۔ اب أس کا ثبوت ہے۔ ایک حدیث شریف میں ہے "لاصلوۃ الا بالحضور القلب" دل کی حاضری کے بغیر نماز نہیں ہوتی۔ ہمارے علماء نے کہا یہ کمزور ہے، کیونکہ أن کا دل جو نہیں ہے صاف۔ أنھوں نے کہا یہ کمزور ہے۔ تو سلطان صاحب نے کہا ہے کہ یہ تو حدیث معتبر اعلی حدیث ہے، مُستند ہے۔

آپ نے دیکھا ہوگا فرض کیا کہ آپ کا کوئی دوست یا ہمسایہ آپ کے ساتھ سُنی تھا۔ آپ کی طرح درباروں میں جاتا۔ بالکل آپ کی طرح نمازیں پڑھتا۔ جسطرح آپ کہتے ہیں میں بھی دل سے ہی مسجد میں جاتا ہوں۔ وہ بھی دل سے ہی مسجد میں جاتا تھا نا۔ لیکن اچانک پتہ لگا کہ وہ غیر مقلد ہو گیا ہے، ہوا نا ایسے؟ اگر اُسکی اک نماز بھی قبول ہوتی تو وہ غیر مقلد کیوں ہوتا؟ اِس کا مطلب ہے کہ وہ غیر مقلد ہوا أس نے یہ ہی سمجھا کہ میری پچھلی نمازیں نہیں ہوئیں تب وہ غیر مقلد ہوا نا۔ اگر اﷲ أسکی اک نماز بھی قبول کر لیتا تو وہ غیر مقلد کیوں ہوتا۔ یعنی أس کی نمازیں قبول ہی نہیں ہوئیں تب ہوا نا۔ وہ بھی تمھاری طرح ہی نمازیں پڑھتا تھا۔ جب وہ غیر مقلد ہوگیا أسکی نمازیں غلط (ہو گئی) تو تمھاری نمازوں کا کیا اعتبار؟ اگر وہ غیر مقلد ہوسکتا ہے نمازوں کا اعتبار نہیں ہے۔ تو تمھاری نمازوں کا بھی اعتبار نہیں۔

دل کے بغیر نماز جو ہے نا، کافر جاسوس نے بھی پڑھی ہے، پڑھائی بھی ہے۔ مولوی بن کے آئے کئی جاسوس پکڑے گئے۔ سکھ جاسوس جو یہاں مسجدوں میں امام تھے۔ زبان سے نماز انہوں نے بھی پڑھائی ہے نا۔ دل أن کے بھی کالے، یہ مسلمان کھڑا ہے اِسکا بھی کالا ہے۔ تو کیا ہے! فرق کیا ہے؟ فرق اتنا ہے کہ ایک دجال کے گدھے پے بیٹھا ہوا ہے اور ایک عیسٰی علیہ السلام کے گدھے پے بیٹھا ہوا ہے۔ دونوں گدھے ہیں، اندر سے دونوں گدھے ہیں۔ فرق یہ ہے کہ یہ کہتا ہے میں مسلمان ہوں اور وہ کہتا ہے کہ میں کافر ہوں۔ لیکن حساب کتاب دونوں کا ایک ہی ہے۔

جس کو ہم چائیں گے، أس کے دل میں چلی جائے گی یہ تعلیم۔ نکلے گی ہی نہیں۔ پھر بھلے گھر والے، مولوی أس کو نکالنے کی کوشش کریں کبھی بھی نہیں نکلے گی نہیں۔ لیکن وہ سُنیں گے تو جائے گی نا، بھئی سُنیں گے تو جائے گی نا۔ سُنیں گے نہیں تو کیسے جائے گی أس کے اندر۔ بس تم أن کو سُناؤں آگے کا ہمارا کام ہے، جسکو چاہنا أسکو نکالنا۔ نہیں! ہر ایک کے لیے نہیں ہے جس کو رب چاہے گا۔ ہر کسی کے لیے! چوبیس گھنٹے آپ لگے رہیں ساری عمر لگے رہیں نہیں اور جس کے لیے ہو گی وہ دور سے سُنے گا۔ کہے گا لبیک۔ یہ بات ہے نا۔ اِس کو ہم بار بار اِس وجہ  سے کہتے ہیں کہ یہ اﷲ کا حکم ہے تاکہ اﷲ کی طرف سے ہم کو بھی پکڑ نہ ہو کہ تو نے میرا نام بیچ میں کیوں نہیں لیا۔ بھئی تو خود کہتا رہا تو میرا نام لیتا شاید میرے نام سے ہی میری طرف لوٹ آتے۔

تو اﷲ کے حکم کا ثبوت ہے۔ اگر میں کہتا ہوں یہ قلب جاری ہو جاتا ہے اس طریقے سے۔ میں کہہ رہا ہوں نا۔ اگر جاری نہیں ہوتا اﷲ اﷲ نہیں ہوتی تو پھر اﷲ کا حکم نہیں ہے نا۔ بھئی پھر اﷲ کا حکم نہیں ہے نا۔ میں کہتا ہوں ہو گا تو وہ چاہتا ہی نہیں ہے۔ تو نہیں ہوا۔ لیکن اگر میں کہتا ہوں اﷲ اﷲ کرو قلب جاری ہو گا۔ جاری ہو جاتا ہے تو أس کی رضا ہے تو جاری ہو جاتا ہے نا۔ یہی ثبوت کافی ہے نا۔ أس کا حکم ہے نا ہم کو۔ آگے پھر أس کی رضا ہے نا تمھارے اوپر تمھاری اﷲ اﷲ ہو رہی ہے۔ اگر دس میں سے دو آدمی بھی ہمیں تصدیق کر دیں کہ ہمارے اﷲ اﷲ شروع ہو گیا۔ تو ہم کو بھی اطمئنان ہو گیا کہ أس کا کا حکم صحیح ہے۔ 

۔یہ جو تھے نا یہ روحانی سلسلے یہ نو تھے۔ جو یہ ذکر فکر کو باطن کو پھیلاتے ہیں۔ نو یہ سلسلے تھے۔ اِن میں سے پھر وہ کٹتے، کٹتے پھر جب علماء کا ظہور ہوا نا زیادہ یہ کم ہوتے رہے علماء نے أدھر لگا دیا۔ وہ کم ہوتے ہوتے یہ پھر چار رہ گئے۔ اب یہ تین رہ گئے ہیں۔ اب یہ کم ہو گئے ہیں بڑھے نہیں ہیں لیکن وہ جو فرقے تھے نا۔ وہ بڑھ گے وہ بہتر، تہتر ہو گئے۔ اب یہ کم ہو گئے، اب یہ تین رہ گئے۔ یہ چیشتی، نقشبندی، قادری!... سہروردی بھی کٹ گئے۔ یہ ابھی اِس زمانے میں کٹا ہے سہروردی۔ پہلے سہروردی ذکر بھی کرتا تھا "یا ودؤدو" کا "یا ودؤدو" کے بعد پھر اﷲ ھو میں آتا۔ اب اس نے کیا کیا کہ ذکر فکر چھوڑ کے صرف نعت خوانی میں لگ گیا۔ نعت خوانی میں عشق تھا۔ اِن کا نعت خوانی تھا! جسطرح چیشتی میں پہلے وہ قوالی تھی۔ أس کے بعد پھر ذکر۔ چیشتی آج بھی کرتے ہیں قوالی کرتے ہیں، درود شریف پڑھتے ہیں ذکر بھی کرتے ہیں۔ لیکن سہروردی اب صرف نعت خوانی میں لگ گئے۔ اِس وجہ سے یہ کٹ گئے۔ تین رہ گئے۔

اور أن میں وہ جو تہتر ہیں أن میں ایک فرقہ صحیح ہو گا، مانتے ہو نا؟ سارے تو صیحیح نہیں ہو سکتے نا بہتر أس کے مخالف ہو جائیں گے۔ بہتر أس کے خلاف ہو جائیں گے نا۔ حتٰی کہ اہل سنت یہ بھی ایک فرقہ ہے۔ اہل سنت یہ بھی أس کے خلاف ہو جائیں گے۔ اور وہ ایک اﷲ سب کے أوپر بھاری رہے گا۔ وہ اکیلا فرقہ ہے جو سب کے أوپر بھاری رہے گا۔ ہمیں اس بات کی سمجھ نہیں آئی آج تک یہ جو علماء ہیں یہ مخالفت کس چیز کی کرتے ہیں۔ اب جو یہ علماء ہیں مخالفت کس چیز کی کرتے ہیں۔ بھئی یہ ہے نا کہ نماز روزہ کرؤ سب کچھ کرؤ۔ یہی عقیدہ ہے یہ ایک اضافی چیز ہے، ٹک ٹک اس کے ساتھ اﷲاﷲ ہوتی رہے ہر وقت۔ اِس میں مخالفت کی کیا وجہ ہے؟ کوئی غلط بات ہے تو بتایں۔ خواہ تسبیح سے آپ اﷲ اﷲ نماز سے فارغ ہونے کے بعد آپ تسبیح سےاﷲ اﷲ کرتے رہیں گناہ تو نہیں ہے۔ جب تک آپ کی مرضی ہے کریں۔ گناہ نہیں ہے۔ لیکن اگر آپ وہ تسبیح کو چھوڑ کر اندر تسبیح بنا لیتے ہیں۔ اِس میں وضو کی ضرورت ہے۔ یہ تسبیح چل پڑی چلتے پھرتے کرتا رہو گے بات وہی ہے اﷲاﷲ نا۔ اِس کی مخالفت کیوں کرتے ہیں۔ اور اتنی بڑی مخالفت کرتے ہیں کہ کافر تک کہہ دیتے ہیں۔

مسلمان وہ ہے۔ ابھی جو اس کے بغیر مسلمان ہے وہ آدھا، کچا مسلمان ہے پکا مسلمان نہیں ہے۔ وہی غیر مقلد ہو سکتا ہے۔ جو اس کے ساتھ مسلمان ہوتا ہے وہ غیر مقلد نہیں ہو سکتا۔ وہ پکا مسلمان ہو جاتا ہے۔ اب دیکھیں نا! کلمہ، جس طرح یہ زبان کلمہ پڑھتی ہے یہ بھی کلمہ پڑھتا ہے۔ کیسے پڑھتا ہے؟ لوگ سوچتے ہیں کہ بڑا مشکل ہے۔ سب سے پہلے بچہ پیدا ہوتا ہے۔ یہ جو زبان کی ٹک ٹک ہے أس کے ساتھ کہتا ہے امّا پھر أن ٹک ٹکوں سے ملا کے کہتا ہے امّاں دودھ امّاں دودھ دے۔ پھر أنھی ٹک ٹکوں سے کہتا ہے۔ نعتیں بھی پڑھتا ہے، باتیں بھی کرتا ہے۔ وہ ہی ٹک ٹکیں ہیں نا۔ اسطرح دل کی ٹک ٹک ہے ٹک ٹک ٹک ٹک سب سے پہلے أس کے ساتھ ملاتا ہے اﷲاﷲ اﷲاﷲ۔ کیونکہ وہ ٹک ٹک اک دم کلمہ پڑھ نہیں سکتی ہے۔ جسطرح یہ زبان بچے کی اک دم باتیں نہیں کر سکتی ہے۔ اسطرح وہ ٹک ٹک ایک دم کلمہ نہیں پڑھ سکتی۔ پہلے وہ ٹک ٹک کے ساتھ اﷲاﷲ پھر اﷲھو اﷲھو پھر وہی ٹک ٹکیں ہیں "لاالا الہ الا اﷲ" پھر أن ٹک ٹکوں سے ملتا ہے"لاالا الہ الا اﷲ"۔ پھر وہ ہی ٹک ٹکیں کرتیں ہیں "لاالا الہ الا اﷲ محمد رسول اﷲ" أس وقت کہتے ہیں کہ اب یہ صحیح مسلمان ہوا ہے دل سے۔ جسطرح یہ زبان پڑھتی ہے ٹک ٹکوں سے اسطرح یہ دل بھی ٹک ٹکوں سے پڑھتا ہے نا۔ أس وقت فرشتے کہتے ہیں کہ اب یہ ہمارا بندہ ہو گیا ہے۔ اب یہ ناسوتی ہے پھر وہ ملکوت ہو جاتا ہے۔

پھر جس طرح ان ٹک ٹکوں سے نعتیں پڑھتا ہے۔ پھر وہ ٹک ٹکیں! کل بھی بندہ بتا رہا تھا یہیں "میں نماز پڑھتا ہوں دل بھی ساتھ نماز پڑھتا ہے، قرآن پڑھتا ہے"۔ وہ وہی ہے نا۔ اس کا ایک نہیں کئی لوگ بتاتے ہیں۔ وہ صحیح ہے غلط تو نہیں ہے۔ لوگ کر رہے ہیں تقریر کرتا ہے، نعتیں پڑھتا ہے آواز آتی ہے۔ بعض آدمی کہتے ہیں میں تو تلاوت جانتا ہی نہیں یہ کون سی آیت پڑھ رہا ہے۔ بعض دفعہ ایسی نعتیں پڑھتا ہے جو أس نے سنی بھی نہیں ہوتیں ہیں۔ پھر أس کا تعلق پھر ملکوتیوں سے ہو گیا نا۔ پھر أوپر جو حوریں ملائک نعتیں پڑھتے یہ بھی وہاں سے سن کے یہ بھی پڑھنا شروع کر دیتا ہے نا۔ یہ محفلیں پھر أسکو اچھی نہیں لگتیں۔ اِن محفلوں میں تو کتے ہوتے ہیں نا۔ یہ تو أوپر سے سنتا ہے۔ وہ جو پڑھتے ہیں یہ بھی پڑھتا ہے۔ پھر آدمی کہتا ہے ایسی نعت تو میں نے سنی ہی نہیں یہ کہاں سے آگئی۔ یہاں تک وہ پہنچ سکتا ہے۔

وہ پنڑی میں ایک ہے کیا نام ہے۔ سرائےعالمگیر کا ہے پیڈی میں ملازمت کرتا ہے۔۔۔۔۔۔الیاس۔ أس نے تہجد پڑھنا شروع کر دی، أس کے پاس ٹائم، گھڑی وغیرہ نہیں تھی۔ تھا بھی غریب آدمی۔ سوچنے لگا کہ اب کوئی مجھے! گھر والوں کو بولا سحری کے وقت جگا دینا کوئی اٹھا ہی نہں گھر والا۔ دوسرے دن پریشان چلو اب أٹھوں گا أس کو پھر نید آگئی سحری کے وقت۔ اندر سے اذان کی آواز آئی۔ آدھی آواز آئی آدھی آواز آ رہی تھی دیکھا کون اذان دے رہا ہے؟ اندر دیکھا دل اذان دے رہا ہے۔ أٹھا اور جا کے تہجد کی نماز پڑھی۔ یہ دل یہاں تک پہنچتا ہے نا۔ جسطرح اس میں روانی آ جاتی ہے اسطرح دل میں روانی آ جاتی ہے۔ پھر آپ نماز پڑھیں گے وہ نماز پڑھے گا۔ تلاوت کریں گے وہ تلاوت کرے گا۔ جو کام آپ کریں گے ساتھ یہ بھی لگ جائے گا۔ 

مصبیت ہے یہ باتیں لڑکوں کو صحیح سمجھ میں آ جاتی  ہیں، أن کے دلوں میں چلی جاتیں  ہیں۔ لیکن جو ابّا جی ہوتے ہیں نا أن کے دل جو نہیں ہوتے أن کے دل میں جائیں کدھر یہ؟ أن کو پھر غصّہ آتا ہے کہ میرا بچہ أدھر لگ گیا میں نے تو اس سے دنیاوی کام لینا ہے۔ اگر یہ أدھر لگ گیا تو میرے کام سے گیا۔ یہی وجہ ہے کہ جوان طبقہ جو ہے نا وہ زیادہ آتا ہے بڈھا طبقہ نہیں آتا کیونکہ بڈھے کے اندر وہ چیز جو اﷲ کو پکڑنے والی ہے نا وہ ختم ہو جاتی ہے۔

سوال: سرکار جن کو پتا ہی نہیں چلا عمر گزر گئی ان کا کیا ہو گا؟
جواب: مقصد ہے پتہ چلے یا نہ چلے۔ اب ایک بچہ ہے جا رہا ہے أسکو پتہ نہیں آگے ہے کہ گڑھا ہے گر گیا ہے۔ زخمی تو ہوا نا۔ نہیں پتہ تھا لیکن پھر بھی زخمی تو ہو گیا ہے نا۔ أن کو پتہ ہی نہیں لگا لیکن محروم تو ہو گے نا۔

سوال: پتہ لگانے کی کوشش تو کی ہو گی؟
جواب: ظاہری بات ہے قسمت کے سودے ہیں! جن کو رب چاہتا ہے أن کو پتہ نہیں کہاں کہاں سے لے آتا ہے۔ اور جن کو چاہتا نہیں ہے وہ قریب بیٹھے بھی مُستفید نہیں ہو سکتے۔ یہ بات ہے نا۔

اب دیکھیں نا کہ آپ روزی کی تلاش میں پاکستان سے یہاں آگئے ہیں۔ اﷲ کی تلاش کے لیے اتنا تو کہیں نہیں گئے نا۔ اﷲ کے لیے اس سے زیادہ جانا پڑتا ہے نا۔ زیادہ جاتے تب تو بات تھی نا۔ أس کے لیے کہیں نہیں گئے۔ روزی کے لیے آ گئے۔ اﷲ کے لیے کہیں نہیں گئے۔ سنا بھی ہو گا کہ فلاں! فلاں جگہ کوئی بزرگ ہے۔ سنا  ہو گا ضرور لیکن گئے کوئی نہیں وہاں پے۔

اب نفس کیا کہتا ہے؟ کہتا کہ ٹھیک ہے اْدھر بزرگ ہیں۔ لیکن اگر قسمت میں ہوا تو یہیں مل جائے گا۔ یہی کہتا ہے نا؟ قسمت میں ہوا تو یہیں مل جائے گا۔ اگر قسمت میں روزی ہوتی تو وہیں پاکستان میں مل جاتی نا۔ تو أس کے لیے یہاں کیوں آئے؟ اْس وقت بھی کہتے نا کہ قسمت میں ہے تو یہاں ملے گی وہاں جانے کی کیا ضرورت ہے۔

کسی نے مخدوم جہانیاں سے پوچھا اگر رزق مقدر میں لکھ دیا تو پھر گھومنا پھرنا کیا ہے؟ بھئی مقدر میں جو لکھ دیا گیا تو پھر گھومنے پھرنے کی کیا ضرورت ہے؟ پھر أنھوں نے کہا کہ گھومنا پھرنا مقدر میں لکھ دیا۔ اگر گھومے پھرے گا تو روزی ملے گی ورنہ نہیں۔ اِسطرح اگر آپ کو رب چاہا بھی رہا ہے۔ بہت ہی چاہا رہا ہے۔ لکھ بھی دیا آپ کے لیے کہ میرا دوست ہو گا۔اور ساتھ یہ بھی لکھ بھی دیا ہو گا کہ میرے فلاں دوست کے ساتھ ٹکرائے گا تو ورنہ نہیں۔ وہ بھی أس کا دوست ہے۔ یہ بھی أس نے لکھ دیا ہے ٹھیک ہے اِس کو لے رہا ہے رب بڑا اِس کے أوپر خوش ہے۔

سوال: کسی اور کے پاس جائے گا نہیں؟ 
جواب: نہیں جہاں أس کا نصیبا ہو گا نا یہ نصیبا لکھ دیا جاتا ہے نا۔

أس نے کہا اِن مسلمانوں کو آزمائیں۔ نیچے یہودیوں والا لباس أوپر مسلمانوں والا لباس۔ سب شیخوں سے جا کے ملا۔ اِس حدیث کا مقصد کیا ہے؟ کسی نے کیا بتایا، کسی نے کیا بتایا چلتا چلتا مولانا شبلی رحمتہ علیہ کے پاس پہنچا۔ اِس حدیث کا مطلب بتائیں۔ أنھوں نے کہا کہ اِس حدیث کا مقصد ہے کہ وہ یہودیوں والا لباس أتار تو مسلمان ہو جا۔ کہنے لگا کہ میں تو آپ کو پہچان گیا آپ صحیح ہیں۔ اب میرا یہ تھا کہ جو مجھے صحیح بتائے گا میں مسلمان بھی ہو جاؤں گا۔ مسلمان بھی ہوتا ہوں لیکن مجھے یہ بتائیں کہ جن لوگوں سے میں مل کر آیا أن کو میرا پتہ نہیں چل سکا۔ تو کیا سارے جھوٹے تھے؟ أس وقت جھوٹے ہوتے ہی نہیں تھے۔ کہا جھوٹا کوئی نہیں تھا صرف تیرا نصیبا میرے پاس تھا۔ وہ تجھے ٹالتے رہے، ٹالتے رہے، ٹال ٹال کر تو یہاں تک پہنچ گیا۔ یہ نصیبا بھی ہوتا ہے نا۔ جہاں نصیبا ہوتا ہے، وہاں سے أس کو حاصل ہو جاتا ہے۔ تو پھر لوگوں میں یہ ہوتا ہے کہ میں أسکے پاس گیا أس کے پاس گیا قناعت کر کے بیٹھ جاتے ہیں کچھ بھی نہیں۔ لیکن نصیبا ہی شاہد أدھر نہ ہو ڈھونڈ کیا خبر تیرا نصیبا کہاں ہے۔

اگر کوئی بات پتہ کرنی کسی کو ہے تو۔
آنکھیں بند کریں اور پڑھیں اﷲ ھو اﷲ ھو اﷲ ھو اﷲ ھو بس۔
آپ کے ساتھ ہیں طریقہ بتا دینا اِن کو۔ لگے رہیں گے۔

یہ جو قلب کی تعلیم ہے نا اگر یہ زندہ ہو جائے تو۔ تو سلطان صاحب سے لوگوں نے کہا کیا کرامت ہے آپ کی؟ عیسٰی علیہ السلام مُردوں کو زندہ کرتے تھے۔ وہ فرمانے لگے کہ مُردوں کو عیسٰی علیہ السلام زندہ کرتے تھے۔ اِس میں شک نہیں ہے۔ لیکن بتاؤ جس کو زندہ کیا وہ کہاں ہے، جس کو زندہ کیا وہ کہاں ہے؟ وہ مر گیا ہو گا نا۔ مر گیا ورنہ موجود ہوتا نا جی۔

اب بتاؤ وہ بہتر ہے یا یہ بہتر ہے؟ یہ بہتر ہے قیامت تک مریں گے ہی نہیں۔ وہ تو مر گیا بیچ میں۔۔ اور جن کے قلب زندہ ہو جاتے ہیں وہ قیامت تک پھر مرتے ہی نہیں ہیں۔ قیامت تک اﷲاﷲ کرتے رہتے ہیں بس ایک دفعہ یہ زندہ ہو جائے سہی خواہ کسی طریقے سے ہو جائے۔ خواہ بُلھے شاہ نے فرمایا:
"نچ کے یار منایا پھاویں کنجری بننا پے جاوے"۔  کسی طریقے سے وہ راضی ہو جائے بس۔

سوال: سرکار جسطرح حدیثوں میں پڑھتے ہیں کتابوں میں بھی پڑھتے ہیں کہ امام مہدی علیہ السلام کی شکل سر سے لے کر پاؤں تک حضور پاک کی طرح ہو گی۔ حضرت مہدی علیہ السلام کی عمر حضرت امام حسین جتنی ہو گی یا حضور پاک کی جتنی ہو گی؟
جواب: یہ بتایا نہیں گیا نا، وہ کسی بھی عمر میں ظاہر ہو سکتے ہیں۔

سوال: اب یہ جو شیعہ لوگوں نے اپنی کتابوں میں لکھا ہوا ہے امام مہدی علیہ السلام ظاہر ہونگے؟
جواب

اب وہ اِسی انتظار میں ہیں نہ وہ آ ئیں گے نہ وہ کسی مہدی کو مانئیں گے۔ یہ أن کے لئے شیطانی دھوکہ ہو گا نا۔ جو اصلی مہدی آئیں گے۔ وہ تو جسطرح دُنیا والے آرہے ہیں اِسطرح وہ آیئں گے۔ اگر اصلی مہدی اِسطرح نہ آئیں، تولید ہو کر نہ آئیں، پیدائش میں نہ آئیں تو پھر بھی لوگ أن کو نہیں مانیں گے۔ کہ یہ پتہ نہیں کون آ گیا، کدھر سے آ گیا؟ وہ اسی دنیا میں سے آیئں گے، پیٹ میں سے آئیں گے نا وہ پھر أنکو نہیں مانیں گے۔ وہ أنھی کے انتظار میں ہیں کہ وہی امام مہدی ظاہر ہونگے۔
 

سوال: سرکار اگر کوئی خواب وغیرہ آئے تو وہاں پے تو انسان کا اپنا اختیار نہیں ہے؟
جواب: دسترس نہیں ہے نا۔

سوال: سرکار بتا سکتے ہیں خواب؟ 
جواب: میرا مقصد ہے کہ اگر کوئی خواب ایسا ہے کہ جس میں کوئی روحانیت ہے۔ تو کسی کو بتانے سے اپنی بزرگی جتلاتا ہے تو نہ بتائے نا۔ لوگ کہیں أس کو اچھا خواب آیا اچھا آدمی ہے۔ تو پھر دوبارہ ایسے خواب آتے نہیں ہیں۔ اگر اِن رازؤں کو چھپا کے رکھیں نا تو پھر یہ بڑھتے رہتیں ہیں نا۔ ورنہ لوٹ جاتا ہے آدمی۔ اگر تمھارے پاس پیسہ ہو۔ بڑے بڑے ہار ڈالوں کوئی اِدھر سے کھینچ کر لے جائے گا۔ کوئی أدھر سے کھینچ کر لے جائے گا۔ لوٹ جاؤ گے نا۔ لیکن اگر أس کو سنبھال کے رکھو گے نا تو پھر وہ ہو سکتا ہے کہ مذید ترقی کر جائے۔ اِس لیے لوگوں کو کشف ہوتے ہیں، خواب آتے ہیں۔ پھر رہ نہیں سکتے وہ بتاتے ہیں وہ لوٹ جاتے ہیں پھر۔ بھئی یہ راز ہیں اﷲ کے راز ہیں نا۔ اِسکا مطلب ہے کہ آپ رازؤں کو سنبھال نہیں سکتے تو پھر آپ کو راز دینے کی کیا ضرورت ہے۔ أس نے آپ کو ایک راز دیا ہے آپ کے لیے دیا ہے آپ لوگوں کو بیان کر رہے ہیں کہ لوگ مجھے بزرگ سمجھیں گے۔ میری عزت کریں گے۔ وہ لوٹ گیا تو دوبارہ وہ راز آپ کو ملے گا نہیں ۔

سوال: سرکار دُبئی میں ایک بچہ ہے ہم لوگوں کے ساتھ زکر بھی کیا۔ تو اس کے بعد اس کی یہ کیفت ہو گئی کہ وہ کہتا ہے مجھے ایسے محسوس ہوتا ہے کہ جیسے میرے جسم سے کوئی چیز نکلتی ہے اور میں پیچھے مڑ کے دیکھتا ہوں تو مجھے اپنا جسم بے ہوش پڑا ہوا  نظر آتا ہے۔ اور آسمانوں پے میں جاتا ہوں۔۔۔۔۔ ۔ ۔۔۔ ۔؟
جواب: بھئی صیحیح کہتا ہو گا۔ اﷲ کا بندہ ہو گا۔ ذکر دلاؤ ایسے لوگوں کو۔۔۔۔۔۔ لیکن ایسے آدمی کو ذکر دلاؤ۔
 

ایسے بچوں کا کیا ہوتا ہے کہ نور آئے تو اور ترقی ہوتی ہے نا۔ اگر نور نہ ہو نا پھر آہستہ آہستہ ضائع ہوتے ہوتے ختم ہو جاتا ہے۔ بہت سے ایسے بچے دیکھے ہیں جو ختم ہو گئے۔ لیکن اگر نور ہو نا تو پھر ختم نہیں ہوتے ہیں وہ بڑھتے رہتے ہیں۔ اپنی منزل تک پہنچ جاتے ہیں۔

سوال: سرکار دعوت اسلامی والے امامے وغیرہ پہنا دیتے ہیں؟
جواب: وہ صرف زیادہ! کام زیادہ ان میں ایک امامے کا ہے نا کا ہے۔ باقی تو وہی نمازیں اور وہی ڈھاڑیاں ہیں نا اضافی کام امامے کا ہے نا اگر ہم قرآن مجید پہن لیں امامے کی جگہ تو پھر۔ اگر کوئی چھوٹے چھوٹے پنجسورے امامے کی جگہ پر بندھ لے تو کیا وہ افضل ہو جائے گا؟ افضل تو دل سے ہوتا ہیں نا۔ افضل دل سے ہے اور امامے أس وقت کے ہیں! ہیں  یہ ضرور سنت ہیں لیکن یہ نشانیاں ہیں۔ یہ حضور پاک صلیٰ اللہ علیہ وسلم کے زمانے سے ہیں۔ یہ نشانی تھی کہ یہ لوگ جن کے بال چھوٹے چھوٹے ہیں، یہ مجاہد ہیں ہمارے یہ جہاد لڑا کریں گے ہمارے لیے یہ نشانی تھی۔ اور یہ جن کے بال بڑھے ہوئے ہیں، یہ ہمارے مولوی ہیں یہ تمھیں نمازیں پڑھایا کریں گے، یہ أنکی نشانی تھی۔ اور یہ جنھوں نے پگڑی پہن لی ہے ان کے نفس پاک ہو چکے ہیں انکی تعظیم کرؤ۔ لیکن أن کے نفس پاک ہوتے تھے پھر أن کو امامے پہناتے تھے نا، یہ نشانی تو یہ تھی۔ یہ مرغ بسمل کی نشانی ہے۔ انکے نفس پاک ہو چکے ہیں۔ یہ جو آج دارالسلام میں آج أٹھے اور أسی وقت پگڑی پہنا دیتے۔ بلکہ اور غرور آجاتا ہے، نہیں! یہ نشانیاں ہیں أس سٹیج میں جا کے پہنچو تو سنت ہے۔ اِس سٹیج میں سنت نہیں ہے، اِس سٹیج میں یہ مذاق ہے۔ بھئی دھوکہ ہے اِس سٹیج میںِ۔ اب بچے مدرسے میں پڑھ رہے ہوتے ہیں تو وہ دستار با ندھ دیتے ہیں۔ نہیں یہ أس وقت با ندھتے ہیں جب وہ علم حاصل کر کے فارغ الا تحصیل ہو جاتا ہے۔ یہ أسکا نفس پاک ہو جاتا ہے۔ بھلے جنگلوں میں رہے، چلّوں میں رہے۔ أس کے بعد جب وہ شہر میں آئے تو پھر اس کے اوپر دستار بندھ دیتے تھے امامہ۔ کہ اب اِس سے تمہیں کوئی خطرہ نہیں ہے، اب اِسکی تعظیم کرنا۔ اب اِن کا نفس پاک ہو چکا ہے یہ نشانی تھی۔ اب نفس پاک ہی نہیں أوپر بندھ دیا تو دھوکہ ہے نا۔

یہ ہی ہماری بات دعوت اسلامی کو بری لگی ہے نا تو ہمارے خلاف ہو گئے۔ وہ کہتے ہیں کہ ایک سُنت سو شہیدؤں کا ثواب ملتا ہے۔ ہم نے وہ زندہ کری ہے۔

بھئی رب دیکھ رہا ہو تب یہ سُنتیں داڑھیاں کام آتی ہیں۔ وہ نہیں دیکھتا تو پھر کافروں کی اتنی بڑی بڑی داڑھیاں ہیں۔ وہ کہتا ہے کہ میں تو دلوں کو دیکھتا ہوں، جب دل صاف ہو جائیں گے وہ دلوں کو دیکھا گا، پھر اِن داڑھیوں کا فائدہ ہے نا پھر امامے کا فائدہ ہو گا نا۔ اب یہ کہتے ہیں تو باتیں خراب لگتی ہیں ہماری کہ شاہد ہماری یہ کاٹ کر رہا ہے اس وجہ سے یہ ہمارے سخت خلاف ہو گئے۔ کہ ہم سُنتوں کا کام کر رہے ہیں اور یہ أس کی کاٹ کر رہا ہے۔

سوال: (مہدی علیہ السلام) حکومت بھی کرئیں چالیس گے؟
جواب: کوئی کہتے ہیں کہ چالیس سال کریں گے، کوئی کہتے ہیں کہ دس سال کریں گے۔

سوال: دس سال کا بھی کہتے ہیں؟
جواب: دس سال بھی! کیونکہ وہ آخری ولی ہیں أن کے بعد ولایت ختم ہو جائے گی۔ جسطرح حضور پاک صلیٰ اللہ علیہ وسلم آخری نبی ہیں۔ وہ آخری ولی ہیں۔

سوال: سرکار کچھ لوگ نے غلط فہمیاں پھلائی ہوئی ہیں کہ جب مہدی علیہ السلام آئیں گے تو أن کے چہرے سے لائٹس نکلیں گی، سرکار یہ بھی سننے میں آیا ہے نور نکلے گا؟
جواب: نہیں۔ میرا مقصد ہے کہ اگر یہ بات ہونی ہوتی تو حضور پاک صلیٰ اللہ علیہ وسلم کے ساتھ ہوتی۔ تو ہر کوئی آپ کو مان لیتا نا پھر کفر کیسے رہتا۔ کیوں جی؟ جب حضور پاک صلیٰ اللہ علیہ وسلم کے ساتھ ایسا نہیں ہوا کفر کو بھی رکھنا تھا تو مہدی علیہ السلام کے ساتھ ایسا کیسے ہو گا جب دجال کو بھی رکھنا تھا۔

بلکہ ہم سیون گئے نا تو وہاں کچھ لوگوں نے ولیّوں کی بنائی ہوئی تھی۔ کہ ولیّ ہم أس کو تسلیم کریں گے۔ کیا کس کو؟ کہ جو نہ کھائے گا، نہ پیئے گا، ہم أس کو ولّی تسلیم کریں گے۔ اگر ایسے وقت میں نہ ایسا آدمی نہ آئے گا نہ أس کو مانئیں گے۔ وہ کہنے لگے پیشاب وغیرہ ہم بھی کرتے ہیں تو وہ بھی کرے تو ولیّ کیا ہوا۔ أنہوں نے لوگوں کے زہنوں میں یہ بات ڈالی ہوئی ہے۔ اسی طرح شیعوں نے أن کے زہنوں میں یہ بات ڈالی ہوئی ہے۔ ایسے لوگ ہیں نا جو محروم رہیں گے نا۔

سوال: سرکار اِس بات پر بھی ذرا روشنی عنایت فرما دیں کہ دجّال بارے میں بھی لوگوں کو غلط فہمی ہے کہ گدھے پر آئے گا اور ایک آنکھ سے کانا ہو گا؟
جواب: بھئی اگر وہ گدے پے آ رہا ہے تو ہمیں أسکو تسلیم کرنا پڑے گا نا۔ ایک آنکھ کانی ہو گی تو کہیں گے یہی دجّال ہے نا۔ تو پھر أس کے پاس جائیں گے کیوں؟ جب پتہ ہے کہ جو أس کے پاس جائے گا وہ أسی کو ہو کے رہے گا۔ تو پھر أس کے پاس جائیں گے کیوں۔ نہیں!

لیکن یقین کرؤ کہ فاسق، فاجر وہ اتنا بڑا شیطان نہیں ہے۔ بڑا شیطان کون ہے۔ اگر کوئی لڑکا شرارتیں کرتا ہے لوگ کہتے ہیں کہ بہت شیطان ہے۔ کہتے ہیں نا۔ شرارتیں کرتا ہے نہیں شیطان کی یہ خاصیت تو نہیں ہے۔

بھئی اگر وہ شیطان ہی ہو شیطانیاں کرتا ہو تو کون أس کی طرف مسلمان کون جائے گا۔ اور وہ عالم، عالم کیسے جائے گا أس کی طرف؟ وہ علم میں اِن عالموں سے زیادہ ہو گا نا۔ تب یہ أس کو اپنا أستاد مانئیں گے نا۔ اِن کے ہر مسلئے کا جواب اِن کو بتائے گا۔ اصلی شیطان ہو گا۔ اگر بچے کو کہہ دیں کہ شیطانیاں کرتا ہے، یہ شیطان ہے۔ نہیں یہ نقلی ہے بیچارہ۔

تو لوگ أن کو کہتے ہیں شیطان۔ یہ شیطان ہے تو اپنے لیے ہے نا بھئی اور وہ جو شیطان ہے وہ تو ساری دنیا کو گمراہ کر دیتا ہے نا۔ وہ تو سب کے لیے ہے نا۔ یہ تو سب کو گمراہ کر دیتا ہے نا۔ یہ جو بہت، تہتر فرقے بنائے أنھی شیطانوں نے بنائے نا۔ أن جواریوں نے، چرسیوں نے تو نہیں بنائے۔ وہ تو اپنے لیے تھے مر گئے، مر گئے۔ وہ مر گئے پھر بھی أن کے فرقے جاری ہیں۔ اصلی شیطان وہ ہو گا۔

سوال: سرکار عابد و زاہد ہو گا؟
جواب: ہاں عابد و زاہد، ہر قسم کے مسلے جانے گا۔

سوال: کتنے سال وہ لے گا ابھی ظاہر ہونے میں؟
جواب: سنا ہے آ گیا ہے، سنا ہے آیا ہوا ہے۔

سوال: سرکار آپ نے دیکھا ہوا ہے؟
جواب: تھوڑی سی بات ہے أسے ہم نے لال باغ میں دیکھا تھا ، دیکھا تھا آج سے کوئی پندرہ، سولہ سال پہلے۔

سوال: کتنی عمر ہو گی؟ 
جواب: تھوڑی ہی تھی میرے خیال میں أس وقت وہ تیس کے لگ بھگ ہو گا۔ أس وقت، چودہ پندرہ سال پہلے، تیس، بتیس یا اٹھائیس بس اسی کے لگ بھگ۔

سوال: اِنہی دونوں میں سے نہ ہو، الیاس قادری یا اکرم جو ہے؟
جواب: نہیں نہیں یہ نہیں ہیں، وہ اور ہے، ان کی شکلوں کو میں نے دیکھا ہے۔ مجھے شک تھا لیکن یہ نہیں ہیں۔ وہ ایک دم ہی أبھرئے گا۔

سوال: سرکار کیا واقعی ہی لوگوں پر ظلم کرے گا سنا ہے کہ بہت ظلم کرے گا۔ وہ کون لوگ ہونگے جن پر وہ ظلم کرے گا؟
جواب: جو أس کو نہیں مانیں گے، کیونکہ تصرف آ جائے گا۔ جب انتہا آجائے گی تو پھر أس کو وہ شیطانی تصرف آجائے گا۔ ادھر رحمانی تصرف آّ جائے گا أن کا ٹکرا ہو گا نا۔ تو جب مہدی علیہ السلام نے کسی پر نظر ڈالی تو صلب کرنا چاہا تو أس کی روح ہی صلب کر لی۔ أس میں بھی یہی طاقت آ جائے گی کسی پر نظر ڈالی وہ بھی أس کی روح صلب کر لے گا۔

سوال: شیطانی طاقت ہو گی؟
جواب: شیطانی طاقت آ جائے گی۔

سوال: سرکار ہم لوگوں کی قسمت میں ہے أس کو دیکھنا یا ہمارے بعد آئے گا؟
جواب: یہ تو اﷲ ہی جانتا ہے، بہرہال اتنا ہے کہ نزدیک ہی ہے۔

 

سوال: سرکار یہ دجّال جو ہے یہ شیطان کا آخری حربا ہو گا یا اس کے بعد بھی؟
جواب: نہیں یہ آخری حربا ہے۔

سوال: عیسٰی علیہ السلام! سرکار، امام مہدی علیہ السلام کے لیے أتریں گے؟
جواب: امام مہدی پریشان ہو کر چلے جائیں گے، وہ أن کو پریشان کرئے گا۔ پھر عیسٰی علیہ السلام أن کی مدد کے لیے آئیں گے۔ پھر أن کو کہیں گے چلو کیونکہ سارے مسلمان تو أس کی طرف چلے جائیں گے۔ جن کے أوپر أنکو توقع تھی وہ أدھر چلے جائیں گے دجّال کی طرف۔ پھر وہ چھوڑ جائیں گے۔

سوال: سرکار ذاکرین جو ہیں؟
جواب: ذاکرین أن کو پہچانے گے، یہ أن کو پہچان لیں گے۔ کیونکہ أن میں بھی اﷲ اﷲ ہو گی اِن بھی اﷲ اﷲ۔ وہ بھی خالی ہیں، وہ بھی خالی ہے۔ خالی خالیوں کے ساتھ لگ جائیں گے۔

سوال: سرکار آپ نے فرمایا کہ مہدی علیہ السلام روپوش ہو جائیں گے تو أن کے ماننے والوں کا کیا بنئے گا۔ اگر وہی روپوش ہو گئے تو؟
جواب: یہ تو وقت ہی بتائے گا کیا ہو گا۔

سوال: وہ سبھی کا امتحان ہوگا، سرکار وہ آزمائش کا وقت ہو گا؟
جواب: آزمائش کا ہی وقت ہو گا۔ 

 


 

اگر آپ بھی ذکر کی لینا چاہتے ہیں تو امام مہدی ریاض احمد گوھرشاہی کی شبیہ مبارک کوپورے چاند پر دیکھتے ہوئے
 

تین دفعہ اللہ ھو پڑھیں گے تو اجازت مل جائے گی۔

دوسرا طریقہ یہ ہے کہ آپ یہاں کلک کریں اور اس ویڈیو کو دیکھتے ہوئے سرکار شاہ صاحب کے پیچھے اللہ ھو پڑھیں گے تو اجازت مل جائے گی۔