یہ نماز دِکھاوہ بن جاتی ہے۔ دِکھاوہ کیسے؟ بڑے خشوع و خضوع سے مسجد میں نماز پڑھ رہا ہے، لوگ دیکھ رہے ہیں۔ اللہ تعالیٰ فرماتا ہے ”نہ عملوں کو دیکھتا ہوں، نہ شکلوں کو ،نہ تیری دھاڑھی کو دیکھتا ہوں، نہ تیرے سجدے کو، میں تیرے قلب اور نیت کو دیکھتا ہوں“۔ جِس کو اللہ دیکھتا ہے اُس میں بال بچے، بیوی، کاروبار۔ اور جِس کو دُنیا دیکھتی ہے اُس میں  اٹینشن کھڑا ہُوا ہے۔ یہ نماز دِکھاوہ ہے۔ اِس کو بھلے گھر میں اکیلا پڑھے، تب بھی یہ نماز دِکھاوہ ہے۔ قرآن مجید فرماتا ہے ”اُن نمازیوں کے لیے تباہی بھی ہے“۔ اور یہ نماز تباہی بھی بن جاتی ہے۔ تباہی کیسے؟ پانچ وقت کا نمازی تھا، لوگوں نے کہا بڑا اچھا آدمی ہے، تو دِل میں تکبر آیا نا۔ اور دوسرے نے کہا تہجد بھی پڑھتا ہے اور تکبر آیا۔ اور ایک دن بے نمازی کو دیکھا، بڑی حقارت سے دیکھا کہ میں تجھ سے بہتر ہُوں۔ یہ نہیں پتہ  '' تکبرعزازیل راخوارکرد'' نمازیں وہ بھی پڑھتا تھا۔ اب وہ سوچنے لگا جب تکبر کی انتہا ہو گئی کہ اِس وقت دنیا میں میرے جیسا کوئی آدمی نہیں، ساری سُنتیں اپناؤ۔ ساری سُنتیں اپنا لیں، پھر کہنے لگا مجھ میں اور حضور پاک صلیٰ اللہ علیہ وسلم میں کیا فرق رہا، میرے بڑے بھائی کی طرح ہیں۔ جب یہاں تک پہنچا تو اُس کا ایمان ہی چلا گیا۔ وہی نمازیں اُسکو تباہی کی طرف لے گئیں۔ یہ نمازصورت ہے۔ 72 فرقے والے اِس نماز کو پڑھتے ہیں۔

اب نماز حقیقت کیا ہے؟ اِس کے لیے سب سے پہلے اللہ اللہ سیکھنی پڑتی ہے۔ جو تمہارا پہلا رُکن اِسلام کا، وہ بھی کلمہ ہے اور کلمہ ذِکر میں ہے۔ حدیث شریف ”افضل الذکر کلمہ طیب“ اور ذکر کے لیے قرآن مجید فرماتا ہے ”اُٹھتے، بیٹھتے حتیٰ کہ کروٹیں لیتے میرا ذِکر کر“۔ یہ تمہارا پہلا رکن ہے۔ قرآن مجید کا پہلا لفظ بھی الف اللہ ہی ہے۔ جب مسلمان ہو جاتے تھے، نمازیں تو تھیں ہی نہیں اُس وقت، نمازیں تو کئی سال بعد جب شبِ معراج ہُوا اُتریں۔ اُس وقت مسلمان کیا کرتے تھے؟ وہ ہر وقت ذِکر الٰہی کرتے۔ ذِکر الٰہی سے اُنکے سینے منور ہو گئے۔ پھر جب نمازیں اُتریں، تو سیدھے سینوں میں گئیں۔ یہ اِسمِ ذات سینوں کو منور کرنے کے لیے! اپنے دِل کی دھڑکنوں کو اللہ اللہ میں لگانا پڑے گا۔ پھر تم کوشش کرو گے کام کاج کرتا رہوں ،اللہ اللہ ہوتی رہے۔ اِس کو بولتے ہیں دست کار میں، دِل یار میں۔ کامیابی ہو جائیگی۔ پھر کوشش کرو گے کوئی اخبار رسالہ پڑھتا رہوں، اللہ اللہ ہوتی رہے، اِس میں بھی کامیابی ہو جائیگی۔

ایک دفعہ مجدد الف ثانی مسجد میں گئے۔ دیکھا ایک آدمی سورہا ہے۔ سوچا شاید نماز پڑھ کے سویا ہو گا۔ پھر گئے، دیکھا سو رہا ہے۔ آپ عصر سے مغرب تک مسجد میں رہتے، مغرب کی ازان ہو رہی ہے اور وہ سو رہا ہے۔ آپ کافی ناراض ہُوئے۔ اُسکو جھنجھوڑا، اُٹھ! یا مسجد سے نِکل جا یا نماز پڑھ۔ وہ فوراً اُٹھا وضو کیا، جماعت کھڑی ہونے والی تھی۔ بلند آوازسے کہا امام صاحب رُک جائیں، امام صاحب رُک گئے۔ اُس نے فوراًنیتی دِو رکعات سُنت وقت فجر! دیکھتے ہیں فجر کا سماں ہوگیا۔ پھر اُس نے ظہر کی نماز پڑھی پھر ظہر کا سماں ہوگیا، پھر عصر کی نماز پڑھی ۔ایک راوی لکھتا ہے کہ سورج واپس آگیا۔ اس وقت اُس نے کہا مجدد صاحب  آپ تو صاحب نظر تھے۔ بہتر تھا مجھے جگانے سے پہلے میرا حال دیکھتے۔ میں تو اُسی کے پاس تھا جِسکی تم نمازیں پڑھتے ہو۔

اور جب دِل کی دھڑکنیں اللہ اللہ میں لگ جاتی ہیں، نس نس میں نور چلا جاتا ہے۔ اُس وقت ایک شاعر لکھتا ہے۔ گنہگار پہنچے درِ پاک پر زاہد و پارسا دیکھتے رہ گئے۔ بھئی گنہگار کیسے پہنچ گئے اور زاہد و پارسا کیسے دیکھتے رہ گئے؟ کوئی سمجھ میں بات آتی ہے؟

ایک زاہد و پارسا نیکی کرتا ہے۔ اُسکی فائل کے اُوپر نیکی لکھی جاتی ہے، لیکن تھوڑا سا تکبر آجاتا ہے۔ جواُس کے دِل پہ جم جاتا ہے۔اب کیا ہُوا وہ نیکیاں کرتا رہا۔ فائل بھری گئی ،تکبر اور بخل اُس سے بھی دِل بھر گیا۔ نیکیوں سے فائل بھر گئی۔ اور بخل تکبر سے دِل بھر گیا۔ اللہ تعالیٰ کبھی کبھی اپنی مخلوق کو دیکھتا ہے۔ وہ فائلوں کو نہیں دیکھتا، وہ دِلوں کو دیکھتا ہے۔ جب اُس زاہد کا دِل دیکھا وہ تو بخل تکبر سے بھرا پڑا تھا۔ اللہ تعالیٰ اُس سے بیزار ہو گیا۔ جب اللہ تعالیٰ اُس سے بیزار ہوگیا، تواُس کی ساری نیکیاں برباد ہو گئیں۔ اب وہ گنہگار کیسے پہنچ گئے؟ گنہگار نے بھی گناہ کیا، اُسکی فائل پہ بھی لکھا گیا۔ اُسکے دِل پہ بھی ایک دھبہ لگایا گیا۔ کیا ہُوا ایک دن اُسکی فائل بھی گناہوں سے بھر گئی اور اُس کا دِل بھی گناہوں سے سیاہ ہو گیا۔ لیکن اُس نے دِل کو صاف کرنے والا طریقہ سیکھ لیا۔

اللہ اللہ کرتا رہا۔ اللہ اللہ کرنے سے اُس کا سینہ منور ہو گیا۔ اُس کا دِل صاف شفاف ہو گیا۔ اللہ تعالیٰ نے اُسکے بھی دِل کو دیکھا۔ جب اُسکے دِل کو چمکتا ہُوا دیکھا تو اللہ تعالیٰ اُس پہ مہربان ہو گیا۔ جب مہربان ہو گیا اور وہ فائل دھری کی دھری رہ گئی۔ اللہ اللہ کرنے والوں میں ایک اور بات بھی پیدا ہوجاتی ہے، اللہ تعالیٰ بہت ہی سخی ہے ۔اور جو شخص اللہ کا ذِکر کرتا ہے وہ بھی سخی ہو جاتا ہے۔

ایک دن حضرت عیسیٰ علیہ السلام نے شیطان سے پوچھا کہ تیرا بہترین دوست کون ہے؟ اُس نے کہا کنجوس عابد! کہ وہ کِس طرح ؟ کہ اُسکی عبادت کو اُسکی کنجوسی رائیگاں کر دیتی ہے۔آپ دیکھ لیں جتنے بھی عابد مِلیں گے کوئی ایک آدھ ہی اُن میں آپ کو سخی ملے گا۔ زیادہ تر کنجوس ہی ملیں گے۔ لیکن سخاوت میں دیکھیں! اب عیسیٰ علیہ السلام نے پوچھا: اچھا تیرا سب سے بڑا دشمن کون ہے؟ اُس نے کہا گنہگار سخی۔ کہ وہ کیسے؟ کہ اُس کے گناہوں کو اُسکی سخاوت جلا دیتی ہے۔ اب یہ مرتبہ تو مومنوں کا ہے۔ اِسکے بعد پھر ولائیت شروع ہوتی ہے۔

دو چار سال کی بات ہے سکرنڈ میں ایک ہندو تھا ۔ اُس کا تین سال کا بچہ تھا۔ اُسکی ایک آنکھ پہ اللہ اور ایک آنکھ پہ خانہ کعبہ تھا۔ تمہارے اِس جسم میں ساتھ روحیں ہیں۔ جن کے باقاعدہ حدیث شریف میں نام ہیں، لطیفہءقلب، روح، سری، خفی، اخفیٰ، اناٰ، نفس 9 اُنکے خلیفے ہیں۔ جِن کو جُسے بولتے ہیں۔9،7 سولہ مخلوقیں اِس تمہارے ڈھانچے میں بند ہیں۔ وہ تمہاری نسوں میں چپٹی ہُوئی ہیں۔ اُن کو خوراک کی ضرورت ہے۔ جب وہ اللہ اللہ کا نور اُن نسوں میں گیا تووہ مخلوقیں بھی بیدار ہونا شروع ہو گئیں۔ اُن میں بھی جان آ گئی۔ کیونکہ اُنکی غذا گوشت، روٹی نہیں ہے۔ اُنکی غذا اللہ کا نور ہے۔ جب نور سے وہ اندر بیدار ہو گئیں۔ تم نے دیکھا ہوگا خواب میں یہاں سوتے ہو دوسرے شہر میں گھومتے ہو، وہ تم نہیں ہوتے لیکن تمہارے اندر کی کوئی چیز ہوتی ہے۔ جِس کا نام یہ لطیفہء نفس۔ اُس کا تعلق شیطانوں سے ہے۔ اور وہ شیطانی محفلوں میں گھومتا رہتا ہے۔

12 سال لگتے ہیں۔ 12 سال اُنکو اللہ کے نور کی خوراک ملتی رہتی ہے۔ 12 سال کے بعد وہ بالغ ہوجاتے ہیں۔ جب وہ بالغ ہو جاتے ہیں تو پھر سونے کی ضرورت نہیں ہے، پھر تم نے سوچا دیکھیں حضور پاک صلیٰ اللہ علیہ وسلم کیا کررہے ہیں۔ تم نے سوچا وہ حضورپاک صلیٰ اللہ علیہ وسلم کے قدموں میں! وہ اِس سینے سے نِکل کر حضورپاک صلیٰ اللہ علیہ وسلم کے قدموں میں۔

کہ جو لوگ پانچ وقت رب کو یاد کرتے ہیں، نماز بھی رب کی یاد ہے اُنکی اِنتہا مسجد ہے، باجماعت ہو جائینگے اور کیا کریں گے۔ اور جو لوگ ہروقت اِس کے ساتھ اللہ اللہ بھی کرتے ہیں وہ حضورپاک صلیٰ اللہ علیہ وسلم کے قدموں میں پہنچ جائینگے۔ قدموں میں پہنچ گئے، نوازے تو گئے۔ اب تم نے سوچا دیکھیں اوپر کیا ہورہا ہے۔ تم نے سوچا یہ سینے کی چیزیں اوپر پرواز کر گئیں۔ فرشتوں نے روکا نہیں رُکیں۔ کہنے لگے جو کچھ بھی ہے بیت المعمور سے آگے جل جائے گا۔

اِس کے بعد کیا ہوا کہ تم مر گئے۔ مرنا سب کو ہے۔ ہمارا عقیدہ ہے کہ مرنے کے بعد سب کی روحیں آسمانوں پہ چلی جاتی ہیں، خواہ نبی ہے یا ولی ہے۔ جب یہ عقیدہ ہے تو پھر کبھی سوچا کہ اِن درباروں میں کیا ہے۔ روح اِن کی بھی اوپر چلی گئی، پھر فیض کیوں ہے؟ روح اِن کی بھی اوپر چلی گئی لیکن وہ جو اضافی مخلوقیں تھیں وہ ولی بن کے دربار پہ بیٹھ گئیں، لوگوں کو فیض پہنچاتیں ہیں، نماز پڑھتی ہیں، ذکر کرتی ہیں اور قیامت تک اِس کا ثواب اُسکی روح کو ملتا رہے گا۔ شب معراج میں حضور پاک صلیٰ اللہ علیہ وسلم موسیٰ علیہ السلام کی قبر سے گزرے۔ دیکھا موسیٰ علیہ السلام قبر میں نماز پڑھ رہے ہیں۔ فوراً اوپر پہنچے، دیکھا موسیٰ علیہ السلام وہاں بھی موجود ہیں۔

مجدد الف ثانی  سے کِسی نے کہا کہ میں نے فلاں دن آپ کو کعبے میں دیکھا، فرمانے لگے میں نہیں گیا، دوسرے نے کہا اُسی دن حضورپاک صلیٰ اللہ علیہ وسلم کے روضے پہ دیکھا، کہ میں نہیں گیا۔ تیسرے نے کہا اُسی دن غوث پاک کے روضے پہ دیکھا، کہ میں نہیں گیا۔ لوگوں نے کہا ، پھر کیا تھا؟ فرمانے لگے، میرا اندر تھا۔
 

غوث پاک رضی اللہ تعالیٰ کی ایک وقت میں 9 آدمیوں نے دعوت پکائی ۔ 9 کے گھر جا کر کھانہ کھایا۔ کچھ لوگ تو اِس بات کو مانتے ہی نہیں ۔ اور کچھ جو اہل محبت ہیں وہ کہتے ہیں 9 جگہ جا کے کھانہ کھایا لیکن اُن کو بھی نہیں پتہ کہ کیسے کھایا۔ غوث پاک رضی اللہ تعالیٰ کا جسم مبارک مسجد میں معذن کے پاس تھا، اور وہ جسم کے اندر کی چیزیں وہاں جاکے کھانہ کھا رہی تھیں۔ اگر انہوں نے وہاں جاکے کھانہ کھایا ہوگا۔ بیٹھی بھی ہونگی ، اُٹھی بھی ہونگیں، باتیں بھی کری ہونگیں۔ اور جسم میں اُٹھنے ، بیٹھنے اور باتوں کی طاقت ہے، نماز میں بھی یہی کچھ ہے۔ ہوسکتا ہے اُنکی نماز خانہ کعبہ میں ہوتی ہو۔ اور وہ جو کہتے ہیں کہ درویش کی نماز عرش معلی میں ہوتی ہے۔ یہ جسم عرش معلی میں نہیں جاتا ہے وہ جسم کے اندر کی چیزیں عرش معلی میں جاتی ہیں۔ اب وہ ثواب کِس کو ملتا ہے، جِس کی وہ چیزیں ہیں۔ اب غوث پاک رضی اللہ تعالیٰ کا جسم مبارک مسجد میں تھا تو وہ آزاد تھیں۔ وہی جِسم مبارک قبر میں چلا گیا، تب بھی وہ آزاد ہیں۔ وہ آج تک لوگوں کو فیض پہنچا رہی ہیں۔ اور اُس کا ثواب کِس کوملے گا، جِسکی ہیں۔

یہ اِسم بنی اسرائیل کے نبی بھی ترستے رہے۔ اُن کو اِسم ذات نہیں مِلا۔ مُوسیٰ علیہ السلام یارحمن ُ کا ذکر کرتے، عیسیٰ علیہ السلام یاقدوس ُ کا، سلمان علیہ السلام یاوہابُ کا، داؤد علیہ السلام یاودُودُ کا، باقی نبی اپنے اواللعزم مُرسل کا کلمہ پڑھتے۔ ایک دِن موسیٰ علیہ السلام نے کہا اے اللہ دیدار دے۔ جواب آیا تاب نہیں ہے۔ کہنے لگے کِسی میں تاب ہوگی؟ جواب آیا ایک میرا حبیب اور اُسکی اُمّت۔ موسیٰ علیہ السلام کو جلال آگیا، کہ میں ایک نبی ہو کے اُمتی کے برابر نہیں۔ جلوہ دے دیکھی جائے گی۔

ایک حدیث شریف میں ہے کہ قیامت کے دِن اُمتوں کی پہچان نُور سے ہوگی۔ یہ یارحمن ُ سے چمک رہے ہیں، موسیٰ علیہ السلام کی اُمت یا ودُودُ سے چمک رہے ہیں، داؤدعلیہ السلام کی امت، اور یہ جو اللہ ھو سے چمک رہے ہیں یہ حضور پاک صلیٰ اللہ علیہ وسلم کی امت ہے۔ اور تم تو اس سے ڈرتے ہو۔ لڑنے میں فضائیہ سب سے بہتر ہے، کیوں کہ وہ جہاز سے لڑتا ہے اگر اس سے جہاز چھن جائے تو اس سے وہ بندوق والا بہتر ہے۔

ایک شخص تھا،اس کو اللہ کی طلب ہوئی ،گھر میں بیٹھا ورد، وضائف میں لگا 2،3 سال بعد دیکھا، اندر سے تو خالی ہُوں سوچنے لگا، شاید گھر میں لگا رہا، مسجد میں نہیں گیا۔ مسجد اللہ کا گھر تھا۔ مسجد میں چلا گیا۔ وہاں 2،3 سال! اب اندر نگاہ ڈالی تو خالی۔ سوچا! رب شائید جنگلوں میں ملتا ہے۔ جنگلوں میں چلا گیا۔ وہاں ورد و وضائف جو آتا تھا پڑھتا رہا۔ لیکن جب اندر نگاہ ڈالے تو خالی۔ پھر سوچنے لگا، شاید رب دریاؤں میں ملتا ہے۔ دریاؤں میں چلا گیا ۔ وہاں بھی اندر نگاہ ڈالے تو خالی! پھر سمجھ میں آئی کہ موسیٰ علیہ السلام کو کوہِ طور پہ ملا تھا، وہ کوہ ِ طور میں چلا گیا۔ کئی سال ہوگئے، کہیں رب کا نام و نشان نہیں ۔دِل میں یہی تجسس تھا، میں نے گھر بار چھوڑا، زنگی ضائع کری، رب پتہ نہیں کہاں؟ پتہ نہیں کیسے ملتا ہے؟ اُسکی موت کا وقت تھا ،آواز آئی اے نادان! میں تیرے گھر میں موجود تھا۔ وہ کہتا ہے اے اللہ کس کونے میں تھا؟ کہ میں تیرے دِل میں تھا۔ اگر تو گھر میں بیٹھ کر دِل سے یاد کرلیتا، مجھے پا لیتا۔ کیونکہ اللہ کا تعلق ان دِلوں سے ہے۔ 

اب یہ جو بیان کیا۔ جِس طرح کسی سورت کا چِلہ کرنے کیلئے کِسی عامل کی اجازت ہوتی ہے، اور یہ جو اسمِ ذات ہے یہ سب سورتوں سے اعلیٰ۔ اِسکے لیئے بھی کسی کامل کی اجازت کی ضرورت ہوتی ہے۔ اور جو لوگ بغیر اجازت سے اسمِ ذات کرنے کی کوشش کری، وہ واقعی جل گئے اور تباہ ہوگئے۔ اِسکی باقاعدہ اجازت ہوتی ہے۔ اجازت کیا ہے؟ آپ یہاں دن رات تہجد پڑھتے رہیں۔ نوافل پڑھتے رہیں، شیطان ایک کونے پہ کھڑا ہنستا رہتا ہے کہ تُو تھکتا رہ، تیرا دِل تو میرے ہاتھ میں ہے، جب جی چاہوں گا موڑ دوں گا۔ ایک دن آپکو شکایت ہوئی، میں بڑا تہجد گزار تھا مجھے کیا ہوا میں فرض نماز نہیں پڑھ سکتا، لیکن جب کوئی شخص اسمِ اللہ کو دِل میں بسانے کی کوشش کرتا ہے شیطان سوچتا ہے، اگر یہ لفظ اللہ اس کے دِل میں چلا گیا، اسکا دِل منور ہوگیا تو یہ شخص ساری عمر کیلئے میرے ہاتھوں سے گیا۔ بعض لوگ جب اللہ کا ذکر کرتے ہیں تو اللہ اللہ کرنے سے اُن کے دِل پہ لفظ اللہ درج ہو جاتا ہے۔

ایک دفعہ مجدد صاحب  نے دیکھا کہ باطنی مخلوق ، جِن، فرشتے انکو سجدہ کررہے ہیں ۔آپ بڑے پریشان ہوئے، سجدہ تو انسان کو جائز نہیں، یہ کیوں کر رہے ہیں سجدہ! آواز آئی گھبراؤ نہیں یہ تمہیں سجدہ نہیں کررہے، وہ جو تمہارے اندر خانہ کعبہ بس گیا ہے، یہ اسکو سجدہ کررہے ہیں۔ اور اسی کیلئے مولانا رومی نے فرمایا "ایسا دِل ہزار کعبوں سے بہتر ہے"۔ اسکی بنیاد ابراہیم علیہ السلام نے رکھی اور اسکی بنیاد اللہ تعالیٰ رکھتا ہے۔ اور شاہ منصور بھی یہی کہتے کہتے سولی پہ چڑھ گئے۔ وہ کہتے تھے تو اُس کعبے پہ کیوں جاتا ہے، جب تیرے اندر کعبہ بس سکتا ہے۔ کہتے تو یہاں کعبہ بسا، جب یہاں کعبہ بس جائے گا، تو جب رابعہ بصری کو خیال آیا کہ میں کعبے کا طواف کروں تو کعبے کو حکم ہوا جا، جا اُسکے طواف کر۔ ایسے دِل کیلئے کسی شاعر نے کہا ہے کہ مسجد ڈھاویں، مندر ڈھاویں ، ڈھاویں جو کُج ڈھیندا ای، اک بندے دا دِل نہ ڈھاویں رب دِلاں وچ رہندا ای۔

علامہ اقبال پہ بھی اِسی بات پہ فتویٰ لگا تھا۔ وہ کہتے تھے کہ تُو بھی تو ہر جائی ہے ہم شراب پیتے ہیں، کُچھ بھی کرتے ہیں، تو بھی ہمارے ساتھ ہوتا ہے ۔جب ہمارے ساتھ ہوتا ہے تو پھر حساب کتاب کیا؟ اِسی بات پہ وہ فتویٰ لگا تھا۔ لیکن انہوں نے پھر جب جواب شکواہ دیا۔ انہوں نے کہا حبل الورید انہی لوگوں کیلئے ہے، جنہوں نے اُس کو اپنے اندر بسا لیا۔ اور حدیث شریف میں بھی ہے بندہ نوافل کے ذریعے میرا اِتنا قرب حاصل کرلیتا ہے کہ میں اُسکی زبان بن جاتا ہوں، جس سے وہ بولتا ہے۔ میں اُس کے ہاتھ بن جاتا ہوں، جس سے وہ پکڑتا ہے۔

اب وہ شیطان سوچتا ہے کہ اِس مرتبے میں سے کوئی مرتبہ کہیں اِس کو مِل نہ جائے۔ شیطان کے پاس ہندو فوج ہے۔ حُکم دیتا، جاؤ اِس کو برباد کرو، تباہ کرو، کچھ بھی کرو، یہ لفظ اللہ اِسکے اندر نہ جائے۔ ورنہ یہ ساری عمر کے لی چلا گیا۔ اب تمہارے پاس تو ایک جِن بھی نہیں ہے جو اُس کا مقابلہ کرو۔ وہ آئیں گے تمہیں پریشان کریں گے۔ باز نہیں آئے، بیمار کریں گے۔ باز نہیں آئے پاگل کر کے چلے جائیں گے۔ جب ہوش آئے گا تو یہی کہو گے "خبردار! اللہ ُھو مت کرنا، اِس سے لوگ پاگل ہوجاتے ہیں"۔ لیکن جہاں سے اِسکی اجازت ہوتی ہے اللہ تعالیٰ اُن کو بھی ایک رحمانی فوج دیتا ہے۔ او شیطانی فوج تم پہ ٹوٹ پڑی، اور وہ رحمانی فوج شیطانوں پہ ٹوٹ پڑی۔ اور وہ رحمانی فوج اُس وقت تک تمہارا ساتھ دے گی ، جب تک تمہارے اندر رحمان جاگ نہیں اُٹھتا۔ پھر بندہ نہیں رہے ، بندہ نواز بن گئے۔ غریب نہیں رہے، غریب نواز بن گئے۔ یہ اِسکی اجازت ہے۔

اب اِس کا تھوڑا سا طریقہ بھی بتا دیں۔ ہو سکتا ہے کوئی اہل دِل ہو۔ روزانہ 66 مرتبہ سفید کاغذ پر کالی پینسل سے لفظ اللہ لکھیں ۔ جِس طرح 786 کو بسم اللہ سے نسبت ہے۔ اِسی طرح 66 کو اِسمِ اللہ سے نسبت ہے۔ لکھتے رہیں، خوبصورت لکھیں، خوشخط لِکھیں، ایک دن ایسا آئے گا، آپ جو کاغذ پہ لِکھتے تھے، وہ آپکی آنکھوں پہ تیرنا شروع ہو جائے گا۔ جب آنکھوں پہ تیرنا شروع ہو جائے تو لکھنا بند کر دیں۔ آنکھوں سے پھراِس کو دِل پہ اُتارنے کی کوشش کریں۔ اگر رب نے چاہا تو جو کاغذ پہ لکھتے تھے وہ دِل پہ لِکھا نظر آئے گا۔ اُس وقت دِل کی دھڑکن تیز ہو جائے گی۔ ٹِک ٹِک ، اُس ٹِک ٹِک کے ساتھ اللہ ھو ملائیں۔ ایک کے ساتھ اللہ ایک کے ساتھ ھُو۔ بار بار ایسا کریں گے وہ دِل کی دھڑکنیں اللہ ھوُ میں تبدیل ہوجائیں گی۔ رات کو سونے لگیں، اُنگلی کو قلم خیال کر کے، دِل کے اوپر اللہ لکھتے لکھتے سو جائیں۔ اِسی میں نیند آجائے۔ اِس دُنیا میں روزانہ 70 ہزار فرشتہ آتا ہے۔ ایک دفعہ جو آئے گا، اُسکو دوبارہ آنے کا موقع نہیں ملے گا۔ سب سے پہلے وہ حضورپاک صلیٰ اللہ علیہ وسلم کے روضے کی حاضری دیتا ہے۔ اُسکے بعد پھر اُن لوگوں کو ڈھونڈتا ہے، جن کا اللہ رسول سے تعلق ہے۔ لِسٹیں اُنکے پاس ہوتی ہیں۔ وہ سو رہے ہیں، اور کراماً کاتبین سے پوچھتے ہیں کہ بتاؤ اِس کا آخری عمل کیا تھا ، بھئی یہ عشاء کی نماز پڑھ کے سویا تھا۔ دعا دیتے ہیں اللہ تعالیٰ اِسکو اور خوش کرے۔ اور یہ، یہ درود شریف پڑھ کے سویا تھا، اللہ تعالیٰ اِسکو اور خوش رکھے۔ اور یہ ایک مسکین کو کھانہ کھلا کے سویا تھا، اللہ تعالیٰ اِسکو بھی خوش رکھے۔

صُبح اُٹھیں، آفس میں جائیں، کاروبار کیلئے جائیں، ذکرِ خفی کرتے رہیں۔ ذکرِ خفی اور ہے۔ ذکرِ قلبی اور ہے۔ جب تک دِل کی دھڑکنوں سے اللہ اللہ نہیں ملتا، وہ ذکرِ خفی کہلاتا ہے۔ وضوُ ہو یا نہ ہو، آپ دِل کو پانی سے کیسے وضوُ دیں گے؟ سارا دن پانی میں آپ پڑے رہیں دِل تو پانی جائے گا نہیں ۔جب وہ دِل میں اللہ ُ کا نورجمع ہوجائے گا، تو وہ نور دِل کو دھوڈالے گا۔ اُس کو بولتے ہیں "وضو کرلے شوق شراباں دا"اور وہ وضوُ گھڑی گھڑی نہیں کرتے، وہ زندگی میں ایک بار ہی کافی ہے۔

سُنا ہو گا آپ نے، کتابوں میں پڑھا ہوگا کہ کچھ بزرگوں کے پاس لوگ جاتے۔ سب بزرگوں کے پاس نہیں، کچھ کے پاس وہ اُن کو کہتے، کہ یہ دیوار بناو۔ دیوار بناتے شام کو پھر گرا دیتے، پھر صُبح کہتے دیوار بناؤ، شام کو پھر گرا دیتے۔ کوئی پتہ نہیں چلتا تھا کہ ایسا وہ بزرگ کیوں کرتے۔ اِس میں بزرگ کا کیا فائدہ ؟ یا جو دیوار بناتا، اُس کا کیا فائدہ؟ دیوار بھی بناتے گِراتے بھی اور ساتھ، ساتھ اُسکے دِل کے اوپر ہاتھ بھی رکھتے، دیکھتے بھی۔ گارا مٹی اُٹھاتا، ہانپتا، کانپتا، دِل کی دھڑکنیں جِس وقت اُبھرتیں، کہتے اب گارا مٹی کو چھوڑ، اب دھڑکنوں کے ساتھ اللہ اللہ مِلا۔

ایک بزرگ ہیں ، حضرت امیر کلال جب اُن کے 20،25آدمی جاتے ، کہتے چلو کبڈی کھیلیں۔ وہ کہتے ہم تو فیض کیلئے آئے، بولتے ہمارا فیض کبڈی میں ہے۔ بہت سے لوگ واپس چلے جاتے، بہت سے اُن کے ساتھ کبڈی کھیلتے۔ کبڈی کھیل رہے تھے، اتنے میں بہاوالدین نقش بند جو بہت بڑے عالم تھے، بڑے دُور سے فیض کیلئے وہاں پہنچ گئے۔ لوگوں سے پوچھا کہاں ہیں کہ کبڈی کھیل رہے ہیں۔ کہتے ہیں ولی تو کبڈی نہیں کھیلتا، ولی ہو ہی نہیں سکتے! واپس جانے لگے، لیکن زمین نے اُن کو روک لیا۔ بعد وہی خواجہ بہاوالدین نقش بند اُن کے ساتھ کبڈی کھیل کے اِتنے بڑے ولی بنے۔ اب وہ کبڈی میں کیا راز تھا؟ کوئی عبادت تو نہیں تھی ۔ وہ دوڑتے، اُن کو دوڑاتے، خوب دوڑاتے۔ جب خوب دوڑاتے ، انکے دِل کی دھڑکنیں اُبھرتیں۔ کہتے اب کبڈی کو چھوڑ، اِنکی دھڑکنوں کے ساتھ ساتھ اللہ اللہ مِلاؤ۔

اور اس قلب کی چمک دھمک ہی اِس کا حساب ہے۔----- کچھ لوگ ہونگے جو کہیں سے بیعت بھی ہونگے۔ بیعت اپنی جگہ فیض اپنی جگہ ! بیعت وہیں رہیں، آپ کئی جگہ سے فیض حاصل کرسکتے ہیں۔ حضرت لعل شہباز قلندر، ابراہیم قادری مروندی سے بیعت تھے لیکن فیض صدرالدین سے حاصل کیا۔ پوری تسلی نہ ہوئی ، پھر ملتان چلے گئے بہاوالدین ذکریا ملتانی سے فیض حاصل کیا۔ پھر بھی تسلی پوری نہ ہوئی، پھر دِلی چلے گئے ، بوعلی قلندر سے فیض حاصل کیا۔ مُڑ کے آئے سب کے سردار ہوگئے۔

بہت سے لوگ ہونگے جن کے مرشد کامِل ہونگے۔ بہت سے ایسے ہونگے جن کے مرشد ویسے ہی ناقص ہونگے۔ ہر آدمی کو یہ گمان ہے کہ اللہ تعالیٰ میرے پہ بڑا مہربان ہے۔ جب وہ انگلی سے دِل کے اوپر اللہ لکھنے کی کوشش کریں گے، اگر اُن کا مرشد کامل ہُوا تو وہ اُنکی اُنگلی کے ساتھ نظر آئے گا۔ اگر ناقص ہُوا تو کُچھ بھی نہیں۔ پھر اُس وقت اپنے آپ کو آزما لینا۔

اگر آپ ہزار مُرشدوں کو پا کے رب کو نہیں پہنچ سکتے تو بے کار ہے۔ ایک بھوکا، ننگا، پیاسا، اُسی سے رب مِل جاتا ہے تو ہزار سے بہتر ہے۔ بیعت کے بغیر گزارہ نہیں ہے، لیکن اگر کِسی ناقص کی بیعت ہو گئی تو جدھر وہ جائے گا، اُدھر اُس کا مال بھی چلا جائے گا۔ بیعت سے پہلے ضروری ہے کہ آدمی جوہری بن جائے، اگر آپ کو کہا جائے کہ کوہ نور ہیرا خرید کے لے آئیں، مغلوں کے پاس تھا، بڑا فیض اُن کو ملا ہے۔ جب اُن سے گیا تو حکومت ہی چلی گئی۔

اِس وقت ضروری ہے کہ پہلے آپ ذاکرِ بن جائیں۔ بہت سے ولیوں نے پہلے لوگوں کو ذاکر بنایا ہے،آپ ذاکر بن جائیں۔ جب آپ کا دل اللہ اللہ میں لگ جائے گا۔ آپ کِسی دربار پہ جائیں گے، تو دِل زور سے مچلے گا۔ رقت پیدا ہو جائے گی۔ آپ سمجھیں گے، یہاں کوئی کامل ہے۔ جب کِسی زندہ کامِل کے پاس جائیں گے، تو دِل اُسی طرح رقت میں آئے گا۔ اور جب ناقص کے پاس جائیں گے دِل کوخبر ہی نہیں ہوگی۔ جب سفلی کے پاس جائیں گے، وہ دِل گھُٹے گا۔ ذِکر کم ہوجائے گا۔ آپ سمجھ جائیں گے یہ سفلی ہے۔ اُس وقت کہیں جاکے بیعت ہونا۔ اُس وقت جب بھی مِلا تو کامل ہی ملے گا۔

لوگ کہتے ہیں یہ اُنکے بیٹے ہیں، پوتے، پڑپوتے ہیں۔ یہ بھی دھاڑی رکھی ہے شریعت کے پابند ہیں ۔ نماز پڑھتے ہیں۔ بیعت ہی تو کرنی ہے۔ نہیں! ولی میں اور عابد، زاہد میں فرق ہے، ولی کیا ہے؟ جب اللہ تعالیٰ کِسی پہ مہربان ہوجائے، خواہ اُسکی ریاضت مجاہدے پہ، عبادت پہ، جب بھی اُس پہ مہربان ہوجائے، اللہ تعالیٰ اُسکے اوپرایک تجلی ڈالتا ہے۔ جو موسیٰ علیہ السلام کے اوپر ڈالی تھی۔ ہوسکتا ہے وہ تجلی کی تاب نہ لاکر ہلاک ہوجائے، ہونے دو۔ اُس کو شکستہ قبر والا بولتے ہیں۔ ہوسکتا ہے اُسکا شیشہء عقل ٹوٹ جائے ۔ وہ مجذوب ہو جائے، ہونے دو۔ اگر شیشہء عقل بھی نہ ٹوٹا تو پھر اُس کو محبوب بولتے ہیں۔ اب شرط ہے کہ جِس کہ اوپر ایک دفعہ تجلی پڑھ جائے، اللہ تعالیٰ اُس کو روز 360 سے 500 مرتبہ دیکھتا ہے۔ ایک دفعہ دیکھتا ہے، اُس کے 7 کبیرہ گناہ جلتے ہیں۔ اب اُس سے گناہ کیا ہوتے ہیں، اُسکی محفل میں بیٹھنے والوں کے گناہ جلنا شروع ہوجاتے ہیں۔

وہ ولیوں کی جب بیعت ہوتی ہے جو نسبت ہوتی ہے اُن کے پاس بیٹھنے سے ہی گناہ جلنا شروع ہوجاتے ہیں۔ اور وہ جواُنکی اولاد ہے یا پوتے پڑپوتے، اُنکو تو اپنی بھی خبر نہیں، تو دوسروں کی بخشش کا کیسے سامان مہیا کریں گے۔ بیعت ہو تو ولی کی ہو۔ اگر ولی کی بیعت نہیں ہے تو تمہاری بیعت ہی نہیں ہے۔ اگر تم کہیں سے بیعت ہو۔ تو ولی نہیں ہے تو بیعت ہی نہیں ہے۔ بیعت تو ولی کی ہوتی ہے۔ وہ ولی ہی نہیں تو بیعت ہی نہیں ہے۔

ہر آدمی کو گمان ہے کہ اللہ تعالیٰ میرے پہ بڑا مہربان ہے۔ پوچھتے ہیں کیا حال ہے؟ کہ بڑا اللہ کا کرم ہے۔ کیوں؟ کار، بنگلہ ہے، کرم نہیں تو اور کیا؟ دوسرے سے پوچھتے ہیں کہ کیاحال ہے؟ بہت ہی کرم ہے۔کیوں ؟ غریب خاندان سے تھا، اتنا بڑا افسر بن گیا،  کرم نہیں اور کیا؟ اور تیسرے سے پوچھتے ہیں کہ کیا حال ہے؟ بہت ہی کرم ہے۔کہ کیوں؟ اِتنا بڈھا ہوں ، اِتنی صحت ہے۔ کرم نہیں تو اور کیا ہے؟ ہم کہتے اگر تم اِس کو کرم سمجھتے ہو تو یہ چیزیں کافروں کے پاس بھی ہیں ۔ جو کافروں کو دیں ، وہ تم کو دِیں ،تو تمہارے اوپر کیا کرم ہوا۔ اگر تم نے دیکھنا ہے کہ واقعی تمہارے اوپر رب کا کرم ہے۔ تو اُسکے ذکر لگ جاؤ۔ 2،4،5،7دِن میں اللہ اللہ شروع ہوگئی تو اُس کا کرم ہو گیا۔

اگر کوشش کے باوجود اللہ اللہ نہیں جمتا، اُلٹا اِس سے وحشت ہوتی ہے۔ الٹا اِس کے مخالف ہوگئے تو تمہارے اوپر رب کا کوئی کرم نہیں۔ کرم ہوتا تو تم کو اپنے نام لیواؤں میں لیتا۔ اپنے آپ کو پہچاننے کاراز کے میں کیا ہُوں ؟ میرا مرشد کیا ہے؟ اور رب مجھ پہ کتنا مہربان ہے؟ یہی اِسمِ ذات کی ایک کسوٹی ہے۔

اِسکے لیے اجازت جو لینا چاہیں، اُنکو بُلالیں۔